Америка ўзбеклари ва американча орзу – 3-қисм: Қўй магнати, Голливуд ва тасодифий учрашув - Видео Amerika Dunyo Yangiliklar

Лос-Анжелес қадриятлари ўзбеклар дидига мосмикан?
Сурат тагсўзи, Лос-Анжелес қадриятлари ўзбеклар дидига мосмикан?

«Америка ўзбеклари ва американча орзу» ҳужжатли фильмимизнинг учинчи қисмида Ибрат Сафони АҚШнинг энг либерал штати Калифорнияга боради. Аммо, эркинликнинг чўққиси бўлган Лос-Анжелес қадриятлари ўзбеклар дидига мосмикан?

Лос-Анжелес - жаҳон киносанъатининг маркази ва машҳур санъаткорлар макони. Уларни ким қўй жуни солинган кўрпа-тўшак ва ёстиқлар билан таъминлаяпти денг? «Қўй магнати» номини олган Сардорнинг муваффақияти сирларини билиш учун Ибрат Сафо унга ҳамроҳлик қилади ва болалигида карате фильмларидан ёдида қолган актёрни учратади.

Ўтказиб юборинг YouTube пост
Google YouTube контентига рухсат бериш

Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.

Огоҳлантириш:Учинчи манба материалида реклама бўлиши мумкин

Охири YouTube пост

Даунтаунда эса асли ўшлик Зулфизар уни ҳашаматли уйида кутиб олади. «Америкага келган вақтларим озиқ-овқатга пулим етмай қолган вақтлар бўлган», дейди у. Қирғизистонда ўзбекларга бўлган ҳужумлар ва ота-онасининг ишдан ҳайдалиши уни ватан ҳақида қандай ўй ва қарорга етаклади?

Лос-Анжелес Америкадаги энг катта портлардан бирига эга, у - Осиёдан келадиган баҳайбат юк кемалари учун дарвоза. Унда энди ишчилар ўрнини роботлар эгаллаган ва бу роботларни тошкентлик Ҳожимурод бошқаряпти. Аммо, Ҳожимуроднинг иқтидорига чегара йўқдек - у ҳатто осмонда учаётган учоқ устида парвоз қилди. «Иш топишим керак эди, қарзларга ботиб кетдим», дея эслайди у қийин кунларни.

Бу - кўп-қисмли ҳужжатли фильмимизнинг учинчи қисми. Фильм Ибрат Сафонинг Америка бўйлаб саёҳати давомида АҚШга турли йўллар билан бориб жойлашган ўзбекистонликлар билан учрашувларига асосланган.

Фильм негизидаги савол - «the American dream», яъни американча орзу ўзи нима? АҚШнинг турли бурчакларида яшаётган ўзбекистонликлар учун у нимани англатади?

Telegram каналимиз: https://t.me/bbcuzbek

BBCUZBEK.COM билан Telegram орқали +44 7858860002 номери билан боғланинг.