djambe

Walon (Rifondou)

Etimolodjeye 1

Tayon-bodje latén « gamba » («djeret»)

Prononçaedje

• AFE :
  • diferins prononçaedjes : /d͡ʒãp/ /d͡ʒɔ̃p/ /d͡ʒãm/ (minme prononçaedje cåzu pattavå)
  • prononçaedje zero-cnoxheu : /d͡ʒãp/
• Ricepeures : nén rcepåve

Sustantif

singulî	pluriyal
djambe	djambes

djambe femrin

1. (antomeye) boket do coir des djins, k' end a deus, metowes foû do bodje, et ki siervèt a roter.
   • Ses djambes estént bounes,
     Et ses côps d’ pire bén alignîs— Joseph Vrindts, ”Vîx Lîge” (1901), p.79, “Li p’tit Pît’lé” (fråze rifondowe).
2. (antomeye des biesses) boket do mimbe do drî des biesses ås tetes (respondant å mimbe do dzo des djins) ki cmince å djno, et fini å djeret (çou ki respond al tchiveye des djins)

Ratourneures

1. fé bon cour so målès djambes, mostrer bea vizaedje so mwaijhès djambes
2. ça vå mî k' ene djambe cassêye; ça vå mî k' ene djambe cassêye et les bokets pierdous : dijhêye cwand on-z a on måleur k' åreut polou esse pus pire. On dit eto : "c' est co on bea côp dé on laid".
3. ni s’ leyî nole djambe
   • End’ a ki n’ si leyèt nole djambe
     Po-z aler fé bablame al Tchambe
     Sins pawou d’ nos estoumaker : — Jules Claskin, « Airs di flûte et autres poèmes wallons », édition critique de Maurice Piron, 1956, « On fait çou qu’on pout po viker», 1922, p.124 (fråze rifondowe).
4. prinde ses djambes a s’ cou

Parintaedje

• djambot, djambaedje, djambon, djamblete, djambion
• djambyî, djambler, djambî
• asdjambler

Mots d’ aplacaedje

• djambe d' air
• djambe di tripe
• djambe di bwès
• djambe å tchapea

Sinonimeye

• (mimbe do dzo d' ene djin) (rabaxhanmmint): skeye, pate

Ortografeyes

Divant 1900 :

• djanbe : E203 ^(lére)

Après 1900, foû rfondou (Feller, Feller ricandjî, nén Feller) :

• djambe : C1, E1, E21, E34, O0, O2, O3, O4, O5, S36 ^(lére), S117
• djan.me : S0, S36 ^(lére)
• djanbe : C8, C9

E rfondou walon :

• djambe : R9 ^(lére), R10 ^(lére), R13

Ratournaedjes

mimbe do dzo d' ene djin

• Arabe marokin : رجل ^(ary) = رْجل =‎ rjel
• Almand : Bein ^(de)
• Inglès : leg ^(en)
• Francès : jambe ^(fr)
• Neyerlandès : been ^(nl)

Etimolodjeye 2

Tayon-bodje gayel * « gamunda » (minme sinse)

Sustantif

singulî	pluriyal
djambe	djambes

djambe omrin (vî vî mot)

1. (toponimeye) resconte di deus corantès aiwes.

Sinonimeye

• deus-aiwes

Parintaedje

• Djambe, Djamblene, Djambijhoûle
• Djimbe, Djimbrea, Djimbrêye

Ratournaedjes

resconte di deus corantès aiwes

• Francès : confluent ^(fr)
• Picård : cambe ^(pcd)