Welin

Li Grand Welin (fr: Wellin), c' est ene rebanêye comene di Walonreye, el province do Lussimbork.

Eplaeçmint del comene el province do Lussimbork

Mwaissès dnêyes

• Dimorants: 2.918 (2004)
• Sitindêye: 67,52 km²
• Dinsité: 43,22 djins/km²
• Arondixhmint: Li Tchestea

Ban d' Welin

• Welin
• Almå
• Lompré
• Sohire
  • Freyeu
• Tchanlî

Foclore

Li cavlî Lambiet, l' adjeyant d' Almå, al mascaråde di Welin

Gn a ene mascaråde al letaré dispu 1987.

Il assaetche bråmint des djins des viyaedjes di l' intité. Mins eto des cwarmeus di des ôtes plaeces del Walonreye (Djavingue, Froede-Fontinne, Viyance) et minme d' Almagne (payis del Sulzbach et del Sarre, Giessen).

Gn a des djîles, des adjeyants, des årmonreyes et des tchårs di tos les ôtes viyaedjes do ban.

Li prumî adjeyant, c' est l' bon Wandalino (1987), avou ses nûtons (1988). Adonpwis : Godfrwed d' Welin, li Moenne di Ståvleu, li Serdjant, Tchairî, l' ome des taeyes. Pu tchaeke voiyaedje vina avou si adjeyant : Lompré, Tchanlî, Almå, Freyeu, Dåvdisse, Sohire.

• 
  Cwarmeus almands (årmonreye).
• 
  Cwarmeus d' Djavingue, avou on no d' soce e walon (les chevaliers del ronde tåve).
• 
  L' adjeyant d' Tchanlî k' erva so s' tcherete.

Tuzance walone

Accint do walon

Li walon del comene di Welin est puvite dins les accints do Mitan, mins cwanlminme rissaetchant après les accints del Basse Årdene.

Eredjistrumints

• Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Maxime Lardot avou l' accint d' après Welin pol Djåzant atlasse éndjolike des lingaedjes di France et d' avår la.

Difoûtrinne waibe

• Waibe del comene