Pierre Otjacques
![](http://upload.wikimedia.org/wikipedia/commons/8/81/Otjacques_Pierre.jpg)
Pierre Otjacques (riwalnijhåve Pire Otdjåke) a skepyî e 1962. I provént d' Glaireuse.
C' est on scrijheu e walon et on bouteu pol walon.
Il a stî relî dins l' Antolodjeye Scrijheus d' Årdene.
E 2007, i fourit relî po moussî å CLRE.
I djåzéve todi walon avou les waloneus, et lzî scrire eto e walon.
Di s' mestî, il esteut årtisse (po les biesses) å Tchestea. Di s' pasmint d' tins, il esteut eto on fel åbussoneu.
Il a stî ossu lontins conseyî comunå å Tchestea.
-
avou Wiyam Dunker a Bive e 2006
-
e 2008, lu tot seu
Come sicrijheu
[candjî | candjî l’ côde wiki]![](http://upload.wikimedia.org/wikipedia/commons/thumb/6/6b/Otjacques_pitite_gazete.jpg/220px-Otjacques_pitite_gazete.jpg)
![](http://upload.wikimedia.org/wikipedia/commons/thumb/0/0d/Otjacques_lete.jpg/220px-Otjacques_lete.jpg)
Il a fwait ene bele rîlêye di biyets d' oumeur dins des ptitès gazetes, so les moes et les såjhons, sovint tot-z alant rcweri des vîs spots e walon.
Il a eto scrît sacwants arimés et del prôze nén racontrece (ecolodjeye,pôrts, bén-magnî).
Ses papîs passént dins Singulî, Coutcouloudjoû eyet Li Rantoele.
Dins li rvuwe d' istwere redjonåle "Aux sources de la Lesse", i fjha des rcweraedjes so les fåves do vî vî tins do payis del Hôte Lesse.
Come eplaideu e walon
[candjî | candjî l’ côde wiki]I fourit l' askepieu, avou Louwis Baidjot del gazete e walon "Coutcouloudjoû".
Il fourit cwårlî del Rantoele dispu li cminçmint, et l' eplaideu responsåve del "Rantoele-gazete".
Il esteut dins l' comitî po relire les scrijheus ritnous dins "Scrijheus d' Årdene".
A pårti di 2005, c' est eto lu k' adjinçna li rvuwe "Singulîs".
Come bouteu pol walon
[candjî | candjî l’ côde wiki]I fourit onk des stamons del "Soce des Rcåzeus d' walon", enondêye e 1994 pa Lucyin Mahin.
I fourit prezidint del federåcion do Lussimbork di l' UCW a pårti di 2001.
Il esteut sovint dins les djuris, do Libråmonissîme, do Singlé d' Bwès, di Mamjhele Lingaedje et des bates di recitaedjes d' efants del Province do Lussimbork. I scrijha so ces concours la dins l' live Ké walon po dmwin ?.
Il adjinçna, e 2007, ene activité avou les efants po les djournêyes Araedje di lére
Come ricwereu sol walon
[candjî | candjî l’ côde wiki]Il a fwait des rcweraedjes so les nos e walon del mizrete.
Il a eto eplaidî des dnêyes sol médiaedje avou l' yebe di troye.
Il a eto fwait l' djivêye des nos d' plaeces di Glaireuse.
I cacha ossu so tot çou k' a-st a vey avou l' ahivaedje del tchene.
Hårdêyes difoûtrinnes
[candjî | candjî l’ côde wiki]Li Wiccionaire si rsieve di sacwantès fråzes da Pierre Otjacques po-z enimådjî des mots k' i gn a.
Vos trouvroz des racsegnes so les ouves da Pierre Otjacques, u les ouves zeles-minmes, so Wikisourd e walon.