Loumire

Loumire

Li loumire, c' est des waches electromagnetikes di ptite wachlire.

C' est l' loumire ki permete ås djins et ås biesses di vey.

Li loumire va tot droet, çou ki s' voet so on rai ou ene rayeye.

Sôres di loumire

Li loumire naturele, c' est des waches emetowes pa les coirs poirtés a hôte timperateure : li solea do djoû, li lune ey ene miete des stoeles, del nute.

Li loumire pout esse eto prodûte pa les coirs sitombyîs (loumiryince): c' est l' cas des viers-gayets.

Li loumire artificiele pout vni :

• do feu
• des tchandeles
• des crassets
• des kénket et lantienes.
• des lampes electrikes.
• d' on fier tchåfé å blanc

Coleurs del loumire

Li blanke loumire si pout dismantchî e totes les coleurs di l' airdiè. C' est çou k' on lome li speke del blanke loumire.