Jean-Luc Fauconnier
Apparence
Jean-Luc Fauconnier
Skepiaedje | 18 di djanvî 1941, Tchålerwè |
---|---|
Nåcionålité | Bedje |
Activités | scrijheu, ratourneu, éditeur ou éditrice |
![](http://upload.wikimedia.org/wikipedia/commons/thumb/3/39/Fauconnier_j-l.jpg/220px-Fauconnier_j-l.jpg)
Jean-Luc Fauconnier (riwalnijhåve Djan-Luk Fåcnî) a skepyî li 18 di djanvî 1941, a Tchålerwè.[1] C’ est on scrijheu e walon.
C’ est eto on bouteu pol walon, come moenneu d' l' A.L.W.A.C. (eyet mwaisse sicrijheu di s' gazete «El Bourdon») et come prezidint do CROMBEL (eyet mwaisse sicrijheu di s' gazete «micRomania»).
Disk' e 2019, il esteut l' prezidint do Consey des Lingaedjes do Payis. Asteure, il est co mimbe del Comission des Scrijhaedjes et do Live.
Ouve e walon
[candjî | candjî l’ côde wiki]Come sicrijheu, il a-st eplaidî :
- des romans
- Li djoû k' i plourè des pupes di tere (1992)
- Li Noeråde (2014)
- Ene cope di deus (2018)
- des lives di sovnances come escolî
- Avou ene pougneye, on nd a plin s' mwin (1986)
- Semdi (2004)
- des pinsêyes
- des lives d' imådjes
- Cokea eyet Mwaisse Cok (tome I, 2002; tome II, 2007; tome III, 2013; tôme IV 2020)
- Fåvetes (2009)
- Miyin eyet Morice (2011, ratourné da Wilhelm Busch).
- Å long des djoûs et des såjhons (2019)
- Droles di biesses (2023)
- des ratournaedjes
Il a stî rprins dins l' antolodjeye «Scrire».
Jean-Luc Fauconnier et les idêyes ravicantisses
[candjî | candjî l’ côde wiki]Jean-Luc Fauconnier est adrovou halif halof åzès idêyes ravincantisses :
- I vout kel walon, avou li walon do Coûtchant, soeye ene langue, et nén on « patwès ».
- I mete do walon dins ses spitches.
- I cwirt a fé rexhe li walon foû des guetos waloneus, boutans avou l' enondaedje del Måjhon des Walons (1997), et a fé crexhe les rvuwes e walon (boutans, på radjondaedje do Bourdon et do Moxhon d’ Ônea e djanvî 2004)[2].
- I cåza tenawete do rfondaedje dins l’ Bourdon, préjhant l' prumire idêye da Jean Germain et si diswalpaedje pa Lorint Hendschel[3]. Eto, après li djournêye UCW a Tchårlerwè sol rifondaedje e 1996 ; et po-z î anoncî on ratournaedje e rfondou d’ on powinme e sicilyin (2001).
Nerén :
- I sina li papî da Jean Lechanteur ki rfuze les noûmots, li rfondaedje eyet li statut d’ lingaedje å walon (1996).
- Come prezidint do CLRE, i rfuza minme 1 uro simbolike po-z aspoyî l’ esplicant motî do walon. Et n' måy accepter li rfondou walon come ortografeye possibe po les pris del Federåcion Walonreye-Brussele.
- I dclåra k' il esteut impossibe di scrire e walon, si on n' l' aveut nén oyou[4]. Adon, k' i gn åreut pupont d' sicrijheus pus tård, li cåzaedje e walon tocosté åyant disparexhou dispu les anêyes 1960.
Hårdêyes difoûtrinnes
[candjî | candjî l’ côde wiki]Li Wiccionaire si rsieve di sacwantès fråzes da Jean-Luc Fauconnier po-z enimådjî des mots k' i gn a.
Vos trouvroz des racsegnes so les ouves da Jean-Luc Fauconnier, u les ouves zeles-minmes, so Wikisourd e walon.
- Ene pådje avou ses scrijhaedjes (so l' Aberteke)
- (fr) Ès pådje « Objectif Plumes » (ene waibe del Federåcion Walonreye-Brussele)
Sourdants et pî-notes
[candjî | candjî l’ côde wiki]- ↑ https://www.toponymie-dialectologie.be/fr/jean-luc-fauconnier/
- ↑ Mins les deus gazetes ont rdivoircî e 2010 (a-z aveuri)
- ↑ (fr)lijhåve vaici
- ↑ ronde tåve so les scrijheus e walon (Fiesse ås lingaedjes walons, Nameur, 2017