Albert Lallemand
![](http://upload.wikimedia.org/wikipedia/wa/a/a4/Lallemand_live_wi.jpg)
Albert Lallemand (sikepyî diviè 1910, moirt diviè 1990) fourit on scrijheu d' walon atipike, ki provneut do payis d' Andene. A fwait rexhe on ptit live, « Et djel rivoerè å dierin djoû » e 1984, ki djåze di l' istwere di l' Ancyin Testamint, et d' ene rilidjon univiersale, et eto do walon.
Albert Lallemand si sieve d' ene ortografeye da sinne pol walon. Divant ça, il aveut atåvlé on novea lingaedje univiersel.
Deus idêyes da Albert Lallemand ont stî rprinjhes pa les rfondeus: k' i fåt rwalonijhî les calcaedjes do francès (çou k' Lallemand loméve li « modulåcion »), eyet l' fijhaedje di noûmots, copurade avou l' cawete -a, ki Lallemand prezinte come -ia (prindia, crucifia).
Il a eto eployî li prumî li mot gayel, po djåzer do lingaedje des Gålwès, et cweri après des raecenes do walon ådvins.