Aiwe di Bougmesse
![](http://upload.wikimedia.org/wikipedia/commons/thumb/b/bf/Aiwe_Bougmesse_tropea_bedots.jpg/220px-Aiwe_Bougmesse_tropea_bedots.jpg)
L' Aiwe di Bougmesse (e-n amazir, ⴰⵙⵉⴼ ⵏ ⴱⵓⴳⵎⵎⴰⵣ, asif n Bogemmaz), c' est ene corante aiwe do Marok ki trevåtche tote li vå des Ayites Bougmesse.
Coraedje
[candjî | candjî l’ côde wiki]![](http://upload.wikimedia.org/wikipedia/commons/thumb/4/4e/Aiwe_Bougmesse_kimince.jpg/220px-Aiwe_Bougmesse_kimince.jpg)
Ele prind sourd dins l' pindant coûtchantrece do Mont Azourki, deus kilometes dizo l' passåjhe di Tilrisse (Tizi n Tirghist).[1]
Adon, ele court aviè l' vå tot raiwant tos les viyaedjes so s' voye: Ayites Ouchi, Ifrane, Ikhef n Ighir, Iscattafene, Imelghasse.
Inte Tabente et Timite, ele riçût l' Aiwe des Ayites Imi, ki vént do sourd di Ribate.
Pu adon, raiwer ene pus grande lårdjeur di tere sol restant del vå, disca Agouti.[2]
Tot ç' coraedje la si fwait dins l' sinse Nôr-Ess / Sud-Ouwess.
Mins adon, ele candje pår di direccion, et cori viè Bijhe, disvaler les tienes po s' aler maxhî a l' aiwe di Bernate, po divni l' Vete Aiwe (Ouwed Lekhdar), k' egolene dins l' Aiwe di Tessawete, leye-minme èn aflouwant do Tensif.
Raiwaedje
[candjî | candjî l’ côde wiki]Ele permete di raiwer tot l' vå, cwand il a ploû et nivé assez. Mins ele pout esse a setch do moes d' setimbe å moes d' djanvî, s' i n' ploût nén do waeyén-tins.
-
tiesse d' on bî d' raiwaedje
-
coûteures raiwêyes e moes d' avri
Sourdants
[candjî | candjî l’ côde wiki]- ↑ Guide bleu Hachette du Maroc, 7inme ed., 1950, p. 150.
- ↑ Mape do live da Karin Huet eyet Titouan Lamazou; onze lunes au Maroc, Gallimard, 2012, ISBN 978-9954-03764-5