Côrî

Imådje:Coorii.jpg

hourêye di côrîs

Minousses

Li côrî (on dit eto : noejhî, noejhtî), c' est on bouxhon ki crexhe dins les bwès et les hourleas des payis timperés. I vént a totès djetes ki crexhèt ene dilé l' ôte, a stoclêyes; on lome çoula ene hourêye ou on topet d' côreye.

No e sincieus latén : Corylus avellana

Les fleurs måles ki rexhnut e moes d' måss sont lomêyes les minousses.

I dene des noejhes (des noejhetes) ki sont schayetes e moes d' octôbe (el Walonreye).

Dinltins, on-z aléve code ås côres so les côrîs å moes d' nôvimbe, po fé des schinons.

Les côrîs crexhèt pus voltî so les pindants des tienes, nén so les dzeus.

Ene taeyes avou bråmint des côrîs si lome on côroe u ene côrete, mins gn a eto mwints ôtes vî vîs nos. Mins les côrîs ni sont nén gros assez po esse côpés come bwès d' tchåfaedje dins les manêyes.

Ene rinne côrrece, c' est ene pitite gurnouye ki vike dé les åbes, copurade les côrîs.

Li mot "côrî" pout eto voleur dire havurna.

Les parints do mot "côrî" sont foirt corants, dins les nos d' plaeces del Walonreye.