Futurismo
El futurismo el ze sta un movimento artìstego e culturałe italian del XX secoło. El ghea avesto influensa su movimenti artìsteghi che i se ghea desviłupà in altri Paezi, inte el particułare in Rùsia e Fransa.
I futuristi i ghea esplorà ogni forma de espresion, da ła pitura a ła scultura, a ła leteratura (poezia e teatro), ła mùzica, l'architetura, ła bało, ła fotografia, el sinema e par fin ła gastronomia.
La denomenasion ufisałe del movimento ła se ga gràsie al poeta italian Filippo Tomaso Marinetti.
Istòrego
[canbia | canbia el còdaxe](VEC)
«Non gh'è pì bełesa se no inte ła lota. Nisuna òpara che no ła gàpia un caratere agresivo ła połe devegner un òpara maestra.»— dal Manifesto del Futurismo de Filippo Tomaso Marinetti
Orìzeni
[canbia | canbia el còdaxe]![](http://upload.wikimedia.org/wikipedia/commons/thumb/a/a7/Direzione_movimento_futurista.jpg/220px-Direzione_movimento_futurista.jpg)
![](http://upload.wikimedia.org/wikipedia/commons/thumb/f/fe/Umberto_Boccioni_001.jpg/220px-Umberto_Boccioni_001.jpg)
El Futurismo el nase inte un periodo - el scumìsio del Novesento - de notévołe faze evołusionada andove tuto el mondo de l'arte e de ła cultura ła zera stimołà da numarévułi fatori determenanti: łe guere, ła trasformasion sociałe dei pòpułi, i grandi canbiamenti pułìteghi e łe nove descuerte tecnołòzeghe e de comunegasion, cofà el Tełègrafo sensa fiłi, ła ràdio, aeroplani e łe prime tełecàmare; tuti fatori che i ghea fato canbiar totalmente ła percesion de łe destanse e del tenpo, "arentezando" intrà lori i continenti.
El XX secoło el zera de consevensa invadesto da un novo vento, che el portava inte l'intierior de l'èsare uman na nova realtà: ła vełosità. I futuristi i intendeva idealmente "bruzar i muzei e łe biblioteche" in magnera da no vere pì raporti col pasà e consentrarse cusita sul dinàmego prezente; tałe pensiero el ga da vegner intendesto, oviamente, in senso ideołòzego. Le caene de montajo łe bateva-zó i tenpi de produsion, łe automòbiłi łe creseva in nùmaro ogni dì, łe strade łe ghea tacà inpienarse de luze artifisałe, se sentiva sta nova sensasion de futuro e vełosità sia inte el tenpo doparà par prodùzar o rivar a na destinasion, sia inte i novi spasi che i podea vegner percoresti, sia inte łe nove pusibiłità de comunegasion.
Sto movimento el zera nasesto inisialmente in Itàlia e de sevente el se ghea difondesto in tuta Eoropa.
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so Futurismo
Linganbi foresti
[canbia | canbia el còdaxe]- futurismoTreccani.it – Enciclopedie on line, Istituto de ła Ençiclopedia Italiana.
- futurismo, in Disionàrio de istòria, Istituto de ła Ençiclopedia Italiana, 2010.
- futurismosapere.it, De Agostini.
- (EN) John James White, FuturismEnçiclopedia Britannica, Encyclopædia Britannica, Inc.
Controło de autorità | LCCN (EN) sh85052619 · GND (DE) 4019036-5 · BNE (ES) XX543011 (data) · NDL (EN, JA) 00567711 |
---|