Kontent qismiga oʻtish

Vyetnamda turizm

Vikipediya, ochiq ensiklopediya
Hội An — 15-asrdan 19-asrgacha boʻlgan savdo porti
Bana tepaligidagi Oltin koʻprik
Sapa, Fansipan shahrida joylashgan teleferik stansiyasi: Hind-Xitoy yarim orolidagi eng baland togʻ
Hang Sơn Đoòng — hajmi boʻyicha dunyodagi eng katta maʼlum boʻlgan gʻor oʻtish joyi. U shunchalik kattaki, ichida oʻzining yer osti oʻrmoni va ekotizimi ham mavjud
Marmar togʻlarga olib boradigan darvoza — mashhur sayyohlik maskani
Ban Gioc sharsharasi — Shimoliy Vyetnamda joylashgan ulkan sharsharalar
Bay Đính ibodatxonasi — Vetnam boʻylab buddist ziyoratchilar uchun mashhur manzil
Long Bay
Imperial City, Huế — Vyetnamning sobiq imperator poytaxti

Vyetnamda turizm zamonaviy Vyetnam iqtisodiyotining tarkibiy qismidir. 2019-yilda Vyetnam 2000-yildagi 2,1 milliondan tezlik bilan oʻsib, 18 million nafar xalqaro tashrifni qabul qildi. Vyetnam milliy turizm boshqarmasi mamlakatga valyuta olib keladigan turizm sanoatini diversifikatsiya qilish boʻyicha uzoq muddatli rejaga amal qilmoqda[1].

Soʻnggi yillarda Vyetnamga sayyohlar kelishi ortib bormoqda. 2008-yilda Vyetnam 4,218 million xalqaro sayyohni qabul qilgan boʻlsa, 2009-yilda bu koʻrsatkich 3,8 millionni tashkil etdi, yaʼni sayyohlar oqimi bu yilda 11 foizga kamaydi. 2012-yilda Vyetnam 6,84 million sayyohni qabul qilgan[2]. Bu 2011-yildagi 6 million xalqaro tashrifchi koʻrsatkichidan 13 foizga koʻp, 2011-yildagi sayyohlar soni esa 2010-yildagiga nisbatan 2 million tashrif buyuruvchiga koʻpdir. 2016-yilda Vyetnam 10 million xalqaro tashrif buyuruvchini qabul qildi, bu oʻtgan yilga nisbatan 26 foizga koʻpdir[3][4].

Iqtisodiyotda turizm

[tahrir | manbasini tahrirlash]

Vyetnamda turizm muhim ahamiyatga ega. Vyetnam sayyohlar, madaniyat va tabiatni sevuvchilar, plyajni sevuvchilar, harbiy askarlar va faxriylar uchun Janubi-Sharqiy Osiyodagi yangi sayyohlik maskaniga aylandi. Mahalliy va xalqaro turoperatorlar etnik guruhlarga sayohatlar: piyoda va velosiped sayohatlari, fotografiya sayohatlari, baydarka sayohatlari va koʻplab boshqa mamlakatlarga sayohatlarni, xususan, qoʻshni Kambodja, Laos hamda Tailandga sayohatlarni taklif qilishadi. 1997-yildan buyon xorijlik sayyohlar mamlakatda bemalol sayohat qilishlari mumkin boʻlgan.

Vyetnam iqtisodiyoti agrar iqtisodiyotdan xizmat koʻrsatish iqtisodiyotiga aylangan. Yalpi ichki mahsulotning uchdan bir qismidan koʻprogʻi mehmonxona va umumiy ovqatlanish sanoati hamda transportni oʻz ichiga olgan xizmatlar sohasiga toʻgʻri keladi. Mamlakat iqtisodiyotida ishlab chiqarish va qurilish (28 foiz), qishloq va baliqchilik (20 foiz) hamda togʻ-kon sanoati (10 foiz) ancha kichikroq ulushga ega[5].

Turizm yalpi ichki mahsulotning 4,5 foizini tashkil qiladi (2007-yil holatiga koʻra). Ogʻir sanoat va shaharsozlikdan soʻng Vyetnamdagi xorijiy sarmoyalarning katta qismi turizmga, ayniqsa mehmonxona loyihalariga toʻgʻri kelgan[6]. Butunjahon turizm va sayohat kengashining odatiy hisobotiga koʻra, Vyetnamda turizm yalpi ichki mahsulotga 6,6 foiz hissa qoʻshib, 279,287 milliard VND (03/2016) ni tashkil etdi, bu qiymat esa oʻz navbatida transport, koʻngilochar, oshxona va boshqa tegishli sohalarni rivojlantirishga muhim hissa qoʻshmoqda.

Turizm statistikasi

[tahrir | manbasini tahrirlash]

Xalqaro tashrif buyuruvchilar

[tahrir | manbasini tahrirlash]

Maʼlumotlar manbai: Madaniyat, sport va turizm vazirligi[7]

Yil Kelgan turistlar Oʻzgarish
2022/8 1 440 968 1372,1 %[8]
2021 3.500 0,1 %
2020/3 3 686 779 1,9 %
2019 18 008 591 16,2 %
2018 15 497 791 19,9 %[9]
2017 12 922 151 29,1 %[10]
2016 10 012 735 26 %
2015 7 943 651 0,9 %
2014 7 874 312 4 %
2013 7 572 352 10,60 %
2012 6 847 678 10,8 %
2011 6 014 032 19,1 %
2010 5 049 855 34,8 %
2009 3 772 359 −10,9 %
2008 4 253 740 0,6 %
2007 4 171 564 16 %
2006 3 583 486 3 %
2005 3 467 757 18,4 %
2004 2 927 876 20,5 %
2003 2 429 600 −7,6 %
2002 2 628 200 12,8 %
2001 2 330 800 8,9 %
2000 2 140 100 20,0 %
1999 1 781 800 17,2 %
1998 1 520 100 −11,4 %
1997 1 715 600 6,7 %
1996 1 607 200 18,9 %
1995 1 351 300

Vyetnamga 29 ta davlatdan eng koʻp xalqaro tashrif buyuruvchilar

[tahrir | manbasini tahrirlash]

Maʼlumotlar manbai: Madaniyat, sport va turizm vazirligi[11]

Oʻrin Mamlakat 3/2020 2019 2018 2017 2016 2015 2014 2013 2012 2011
1  Xitoy 871,819 5,806,425 4,966,468 4,008,253 2,696,848 1,780,918 1,947,236 1,907,794 1,428,693 1,416,804
2  Janubiy Koreya 819,089 4,290,802 3,485,406 2,415,245 1,543,883 1,112,978 847,958 748,727 700,917 536,408
3  Rossiya 244,966 646,524 606,637 574,164 433,987 338,843 364,873 298,126 174,287 101,600
4  Yaponiya 200,346 951,962 826,674 798,119 740,592 671,379 647,956 604,050 576,386 481,519
5 Tayvan bayrogʻi Tayvan 192,216 926,744 714,112 616,232 507,301 438,704 388,998 398,990 409,385 361,051
6  AQSh 172,706 746,171 687,226 614,117 552,644 491,249 443,776 432,228 443,826 439,872
7  Tailand* 125,725 509,802 349,310 301,587 266,984 214,645 246,874 268,968 225,866 181,820
8  Kambodja* 120,430 227,910 202,954 222,614 211,949 227,074 404,159 342,347 331,939 423,440
9  Malayziya* 116,221 606,206 540,119 480,456 407,574 346,584 332,994 339,510 299,041 233,132
10  Avstraliya 92,227 383,511 386,934 370,438 320,678 303,721 321,089 319,636 289,844 289,762
11  Buyuk Britaniya 81,433 315,084 298,114 283,537 254,841 212,798 202,256 184,663 170,346 156,300
12  Fransiya 74,480 287,655 279,659 255,369 240,808 211,636 213,745 209,946 219,721 211,444
13  Germaniya 61,465 226,792 213,986 199,872 176,015 149,079 142,345 97,673 106,068 45,000
14  Singapur* 51,726 308,969 286,246 277,658 257,041 236,547 202,436 195,760 196,225 172,500
15  Kanada 41,807 159,121 149,535 138,242 122,929 105,670 104,291 104,973 113,563 TBA
16  Filippin* 36,969 179,190 151,641 133,543 110,967 99,757 103,403 100,501 99,192 TBA
17  Laos* 36,810 98,492 120,009 141,588 137,004 113,992 136,636 122,873 150,678 118,500
18  Shvetsiya 21,857 50,704 49,723 44,045 37,679 32,025 32,466 31,493 35,735 TBA
19  Indoneziya* 21,446 106,688 87,941 81,065 69,653 62,240 68,628 70,390 60,857 TBA
20  Niderlandiya 18,265 81,092 77,300 72,277 64,712 52,967 49,120 47,413 45,862 TBA
21  Italiya 17,774 70,798 65,562 58,041 51,265 40,291 36,427 32,143 31,337 TBA
22  Daniya 14,444 42,043 39,926 34,720 30,996 27,414 27,029 25,649 27,970 TBA
23  Ispaniya 11,783 83,597 77,071 69,528 57,957 44,932 40,716 33,183 31,305 TBA
24  Shveysariya 10,845 36,577 34,541 33,123 31,475 28,750 29,738 28,423 28,740 TBA
25  Finlandiya 9,994 21,480 22,785 18,236 15,953 15,043 13,831 14,660 16,204 TBA
26  Yangi Zelandiya 9,470 47,088 49,854 49,115 42,588 31,960 33,120 30,957 26,621 TBA
27  Norvegiya 8,958 28,037 26,134 24,293 23,110 21,425 22,708 21,157 19,928 TBA
28  Belgiya 7,452 34,187 31,382 29,144 26,231 23,939 23,227 21,572 18,914 TBA
29  Gonkong 3,780 51,618 62,208 47,721 34,613 TBA 14,601 10,232 13,383 TBA
Jami 3,686,779 18,008,591 15,497,791 12,922,151 10,012,735 7,943,651 7,874,312 7,572,352 6,847,678 6,014,032

* ASEANdagi davlat

Manzillar va diqqatga sazovor joylar

[tahrir | manbasini tahrirlash]
Metropôle Hanoi mehmonxonasi

Vyetnam milliy bogʻlari

[tahrir | manbasini tahrirlash]

Vyetnamda 31 ta milliy bogʻ mavjud: Ba Bể, Ba Vi, Bạch Mã, Bái Tử Long, Ban En, Bidoup Núi Ba, Bù Gia Mập, Cát Bà, Cát Tiên, Chư Mom Ray, Chư Yang Sin, Côn Đảo, Cúc Phương, Hoang Liên, Kon Ka Kinh, Lò Gò-Xa Mát, Cape Cà Mau, Núi Chua, Phong Nha-Kẻ Bang, Phú Quốc, Phước Bình, Pù Mát, Tam Đảo, Tràm Chim, U Minh Hạ, U Minh Thượng, Vũ Quang, Xuân Sơn, Xuân Thủy, Yok Đôn.

Jahon merosi obyektlari

[tahrir | manbasini tahrirlash]
Phong Nha-Kẻ Bang milliy bogʻidagi Thiên Đường gʻori, Quảng Bình provinsiyasi

Huế, Hội An, Mỹ Son (Quảng Nam viloyati), Ha Long Bay (Quảng Ninh viloyati), Phong Nha-Kẻ Bang milliy bogʻi (Quảng Bình viloyati), Imperial Citadel of Thăi Long (Xanoy) va Citadel of the Hồ Dynasty (Thanh Hóa viloyati). Hạ Long Bay koʻrfazi dunyoning yangi yetti tabiiy moʻjizasidan biridir.

Inson va biosfera dasturi

[tahrir | manbasini tahrirlash]

Vyetnamda dunyo biosfera rezervati boʻlgan sakkizta zona mavjud: Châu thổ sông Hồng (Ninh Bình, Namdin, Thai Bình), Cát Bà milliy bogʻi (Xayfon), gʻarbiy Nghệ An, Cu Lao Cham dengiz parki, Cape Cà Mau milliy bogʻi (Cà Mau), Cát Tien milliy bogʻi (Đồng Nai) va Cần Giờ (Xoshimin shahri). 

Milliy turistik hudud

[tahrir | manbasini tahrirlash]

Vyetnamda hozirda 21 ta milliy sayyohlik hududlari mavjud boʻlib, ular davlat tomonidan tan olingan:

Sa Pa (Lào Cai), Ba Bể (Bắc Kạn), Hạ Long Bay — Cát Ba oroli (Quảng Ninh, Xayfon), Ba Vì milliy bogʻi (Xanoy), Parfume Pagoda (Xanoy), Cổ Loa Citadel (Xanoy), Tam Cốc-Bích Động (Ninh Bình), Kim Liên (Nghệ An), Phong Nha-Kẻ Bang milliy bogʻi (Quảng Bình), Xoshimin yoʻli (Quảng Trị), Lăng Cô — Hải Vân Pass — Non Nuoc (Thừa Thiên-Huế va Danang), Hội An (Quảng Nam), Van Phong Bay (Khánh Hòa), Phan Thiết — Mũi Né (Bình Thuận), Dankia — Yellow Springs, Tuyền Lâm koʻli (Lâm Đồng), Cần Giờ Mangrove oʻrmoni (Xoshimin shahri), Côn Đảo (Bà Rịa-Vũng Tàu), Long Hai plyaji (Bà Rịa-Vũng Tau), Phú Quốc (Kiên Giang), Cape Cà Mau biosfera qoʻriqxonasi (Cà Mau).

Shaharlar

[tahrir | manbasini tahrirlash]

2014-yildan beri Xanoy doimiy ravishda TripAdvisor tomonidan dunyoning eng yaxshi oʻnta yoʻnalishlari qatoriga kiritib kelinadi: 2014-yilda 8-oʻrin[12], 2015-yilda 4-oʻrin[13] va 2016-yilda 8-oʻrinni egallagan[14].

2014-yilda Xanoy, Hội An va Xoshimin shaharlari TripAdvisorning 2014-yilgi Traveller’s Choice mukofotlari tanlovida Osiyoning eng yaxshi 25 ta shahri yoʻnalishi boʻyicha qatnashdi. Tanlovda Xanoy ikkinchi, Hội An oʻninchi va Xoshimin shahri oʻn sakkizinchi oʻrinni egalladi[15]. 2017-yilda Đà Lạt CNN tomonidan Osiyoning eʼtibordan chetda qolgan joylari roʻyxatiga kiritilgan.

Xalqaro turistlarning kelishi

[tahrir | manbasini tahrirlash]

Xalqaro aeroportlar

[tahrir | manbasini tahrirlash]

Havo sayohati Vyetnamga xalqaro tashrif buyuruvchilar uchun sayohatning eng mashhur shaklidir; 2013-yilda jami 7,6 million xalqaro turistlarning qariyb 6 millioni havo orqali kelgan[16].

Xoshimin shahriga xizmat koʻrsatadigan Tan Son Nhat xalqaro aeroporti eng koʻp tashrif buyuruvchilar soniga ega aeroportdir. Boshqa tomondan, Xanoyga xizmat koʻrsatadigan Noi Bay xalqaro aeroporti zamonaviy xalqaro terminal ochilganidan keyin quruqlik maydoni va umumiy sigʻimi boʻyicha eng yirik aeroportga aylandi. Boshqa yirik aeroportlar orasiga Da Nang xalqaro aeroporti, Cam Ranh xalqaro aeroporti va Cat Bi xalqaro aeroporti kiradi.

Mamlakat 2020-yil mart oyida COVID-19 pandemiyasini tan oldi va barcha turistik vizalarni berishni toʻxtatdi, ammo, 2020-yil sentyabr holatiga koʻra, mamlakat hali ham 2022-yilgacha xorijlik sayyohlar uchun yopiq[17] va yoʻllarni Osiyo davlatlaridagi sayyohlar uchun cheklangan miqdorda qayta ochish rejalashtirilmoqda[18].

Harbiy turizm

[tahrir | manbasini tahrirlash]
Amerikalik sayyoh Vyetnam urushi paytida Vetkong partizanlari tomonidan qurilgan Cu Chi tunnellaridan oʻtmoqda, bu hozirda mashhur sayyohlik maskanidir
Mỹ Sơn — Markaziy Vyetnamdagi qadimiy Champa hindu ibodatxonalari

Ming yillar davomida urushlar zamonaviy Vyetnam boʻlgan yerlarda yashagan odamlarning oʻziga xosligi va madaniyatini shakllantirishda katta rol oʻynagan.

Qadimgi Vyetnamdan Birinchi Indochina urushi va Ikkinchi Indochina urushigacha koʻplab tarixiy joylar saqlanib qolgan.

Eng mashhur qadimiy joylar:

  • Ho sulolasining qal’asi
  • Hue imperator shahri
  • Mỹ Sơn

Birinchi va Ikkinchi Indochina urushidan qolgan (Vyetnam urushi) sayyohlar uchun eng diqqatga sazovor joylar:

  • Củ Chi tunnellari
  • Urush qoldiqlari muzeyi
  • Vyetnam harbiy tarixi muzeyi
  • Hoa Lo qamoqxonasi[19]

Koʻngilli sayohat dasturlari

[tahrir | manbasini tahrirlash]

Saigon Hotpot, Dana Dragon Free va Hanoi Kids kabi turli sayyohlik guruhlari chet ellik sayohatchilar uchun bepul sayohat yoʻriqnomalarini taklif qiladi.

Xavotirlar

[tahrir | manbasini tahrirlash]

Vyetnam sayohat qilish uchun xavfsiz mamlakat boʻlsa-da, mamlakatda firibgarliklar muammo boʻlib qolmoqda. Vyetnam sayyohlik sanoati muvaffaqiyatli kengayishiga qaramay, turistlar mamlakatda soxta soliqlar, pul almashtirish, oʻgʻrilik bilan bogʻliq muammolarga duch kelgan. Bu tashvishlar Vyetnam turizmini yanada rivojlantirish imkoniyatiga toʻsqinlik qiladi[20].

Vyetnamda tashqi turizm

[tahrir | manbasini tahrirlash]

Dunyo boʻylab sayohat va turizm, asosan, Xitoyning oʻrta ierarxiyasidan ortib borayotgan qiziqish tufayli oshdi. Janubi-Sharqiy Osiyo soʻnggi yillarda jozibador sayyohlik yoʻnalishi boʻlib, bu u yerda joylashgan mamlakatlar uchun iqtisodiy imkoniyatlarni kuchaytirdi. Vyetnam bunday tendensiyadan katta foyda koʻrdi. COVID pandemiyasidan oldin turizmga boʻlgan talab har yili taxminan 4 foizga (2019—2029) oʻsishi prognoz qilingan edi[21]. 2018-yilda Janubi-Sharqiy Osiyoning sayyohlik yoʻnalishida 130 milliondan ortiq xalqaro tashrif buyurgan[22]. (jami xalqaro tashrif buyuruvchilar oqimining 9,3 foizi) va mintaqaning jahon bozoridagi ulushi 2030-yilga kelib 10,4 foizgacha (yoki 187 million tashrif buyuruvchi) yanada kengayishi kutilmoqda[23]. Shu bilan birga, COVID xitoylik sayohatchilarning sayohatga boʻlgan ishonchiga qanday taʼsir qilishini hech kim taxmin qila olmaydi. Pandemiyadan oldin xitoylik sayohatchilar soni 2012- va 2017-yillar orasida har yili 21,7 % ga oʻsgan[24].

Vyetnam xilma-xil tabiati va madaniyati tufayli juda mashhur sayyohlik joyidir. Jahon iqtisodiy forumining (WEF) maʼlumotlariga koʻra, Vyetnam oʻzining tabiiy va milliy manbalariga koʻra 120 mamlakat ichida 32-oʻrinni egalladi va Indoneziya hamda Tailanddan keyin 2017-yilgi Turizm raqobatbardoshligi indeksida Janubi-Sharqiy Osiyo mintaqasi qatoriga kiradi. Vyetnam sayyohlarga sakkizta UNESCOning Jahon merosi obyektlaridan, turli xil goʻzal okeanlar va plyajlardan boshlab keng koʻlamli tadbirlarni taklif qilishi mumkin. Vyetnamda Xanoy, Xoshimin va Danang kabi shaharlar mavjud boʻlib, ular shaharni sevuvchilar uchun qiziqarli tungi hayot, savdo markazlari va boy hamda xilma-xil koʻcha taomlarini taklif qila oladi.

Bundan tashqari, Vyetnam hukumati turizmni ijtimoiy-iqtisodiy rivojlanishning muhim maqsadi sifatida birinchi oʻringa qoʻymoqda. Maqsad Vyetnamni Janubi-Sharqiy Osiyodagi eng yaxshi manzilga aylantirishdir. Maqsadga erishish uchun hozirda hukumat 2018—2030-yillarga moʻljallangan innovatsion turizm strategiyasini tayyorlamoqda. Janubi-Sharqiy Osiyodagi koʻplab davlatlar, jumladan, Vyetnam ham iqtisodiy rivojlanish rejasida turizmni rivojlantirishga eʼtibor qaratadi. Vyetnam raqobatdosh ustunlikka ega boʻlgan bozor segmentlariga eʼtibor qaratish strategiyasi tufayli oʻn yildan ortiq vaqt ichida ichki va xalqaro turizmda oʻsishga erishdi. Xususan, Vyetnamga kelgan koʻp millatli sayyohlar soni 2008-yildagi 4,2 milliondan 2018-yilda 15,5 millionga toʻrt baravar oshgan[25]. Xalqaro kelishlar yiliga oʻrtacha 9 % dan 25 % gacha koʻtariladi, shuning uchun aviakompaniya va avtomobil yoʻllari kabi sayohat transporti sohalari ham sezilarli darajada oshdi. Mahalliy sayyohlar bilan kuchli oʻsishga erishgani sababli hukumat mintaqadagi turizmga boʻlgan talabni qoʻlga kiritadi. Natijada, Vyetnam jahon sayyohlik xaritasida Osiyoning Tailand, Xitoy, Yaponiya kabi mashhur sayyohlik mamlakatlari bilan taqqoslanadigan yorqin nuqta boʻlib kelgan va shunday boʻlib qolmoqda.

Ushbu imtiyozlarga qaramay, Vyetnamdagi turizm sanoati nisbatan raqobatbardosh tarzda hali ham jiddiy zaif tomonlarga ega. Hukumat tomonidan turizm sohasiga ajratilgan xarajatlar nisbatan past boʻlib, bu 2017-yilda davlat xarajatlarining 1,4 foizini tashkil etadi. Vyetnamda turizm industriyasi strategik ahamiyatga ega boʻlsa-da, bu sohadagi oʻzgarishlar haqidagi qarashlar sezilarli darajada oʻzgarmadi. Chiqindilarni begʻaraz utilizatsiya qilish, dengiz hayotini, oʻrmon hayvonlarini muhofaza qilish va atrof-muhitning ifloslanishi bu tutunsiz sanoatga jiddiy taʼsir koʻrsatadigan muammolar boʻlib qolmoqda. Chet ellik sayyohlar bilan bogʻliq yana bir asosiy toʻsiq viza rejimidir. Hukumat hali ham vizalar borasida ochiq mamlakat emas, chunki u dunyoning atigi 24 ta davlatini ruxsatnomalardan ozod qilgan, bu esa odamlarning Vyetnamga jalb etilishini kamaytiradi[26].

Biroq, COVID-19 pandemiyasi Vyetnam turizmiga kuchli taʼsir koʻrsatdi, chunki bu davrda barcha xalqaro tijorat reyslarga Vyetnamdagi barcha xalqaro aeroportlarga qoʻnish taqiqlangan. Turizm sanoatining asosiy daromad manbai boʻlgan xalqaro sayyohlar 2020-yilda keskin kamaydi. 2020-yil oktyabr oyida parvozlar soni oldingi yilning shu davriga nisbatan 80 foizga kamaydi. Mehmonxona xonalari sigʻimi atigi 30 % ni tashkil qildi. Chet ellik sayyohlarning Vyetnamga kela olmasligi turizm sanoati va iqtisodiyotning daromadiga katta taʼsir koʻrsatadi, chunki bu guruh mahalliy sayyohlarga qaraganda ancha koʻp mablagʻ sarflar edi. 2019-yilda turizm sanoati mamlakat yalpi ichki mahsulotining 12 % ni tashkil qilgan[27], xalqaro tashrif buyuruvchilar atigi 17 % ni tashkil etgan boʻlsa-da, lekin ular turizm sohasidan tushgan foydaning yarmidan koʻpini taʼminlagan: oʻrtacha har bir xorijiy sayyoh 673 AQSH dollarini, mahalliy sayyohlar esa bor-yoʻgʻi 61 AQSh dollarini sarflaydi. 2014—2019-yillarda turizm sohasida 660 ming ish oʻrni yaratildi[28] va sayyohlik xarajatlarining pasayishi oziq-ovqat, ichimliklar hamda chakana savdo tarmoqlarini ham ogʻir vaziyatga olib keldi.

Hukumat COVID-19 epidemiyasini yaxshi nazorat qilish uchun „jamiyatda 0 ta holat“ siyosatini qoʻlladi va shuningdek, mamlakatdagi eng past COVID-19 oʻlim koʻrsatkichiga ega boʻldi[29]. Ichki ragʻbatlantirish dasturlari nafaqat vyetnamliklarga, balki mamlakatda doimiy yashovchi chet elliklarga ham qaratilgan. Vyetnam sayyohlik kompaniyalari, sayyohlik korxonalari va butun mamlakat boʻylab aholining sayohatga boʻlgan talablarini oshirdi. Vyetnamda inson salomatligi, sport turizmi, davolash, ekologiya, yoga, tabiatga mos turizmga yoʻnaltirilgan turizm mahsulotlari tobora koʻpayib va rivojlanib bormoqda, shu bois mahalliy sayyohlar ham oʻsib bormoqda. Hozirgi davrda mamlakatda sayohat qilish uchun juda koʻp imkoniyatlar mavjud.

Yana qarang

[tahrir | manbasini tahrirlash]

Manbalar

[tahrir | manbasini tahrirlash]
  1. ↑ Vietnam country profile. Library of Congress Federal Research Division (Dekabr 2005).
  2. ↑ TITC. „Vietnam National Administration of Tourism“. 2012-yil 22-iyunda asl nusxadan arxivlangan. Qaraldi: 11-iyun 2015-yil.
  3. ↑ „International visitors to Vietnam in December and 12 months of 2011“. Vyetnam milliy turizm boshqarmasi. 2014-yil 20-iyulda asl nusxadan arxivlangan. Qaraldi: 26-yanvar 2012-yil.
  4. ↑ „Statistics for 2010“. Bosh statistika boshqarmasi. Qaraldi: 26-yanvar 2012-yil.
  5. ↑ Painter, Martin. „Public administration reform in Vietnam: problems and prospects“. Public Administration and Development (inglizcha). 23-jild, № 3. 259–271-bet. doi:10.1002/pad.249. ISSN 0271-2075.
  6. ↑ „Wirtschaftsentwicklung Vietnam 2008“. 2011-yil 19-iyulda asl nusxadan arxivlangan. Qaraldi: 12-iyun 2010-yil.
  7. ↑ „Tourism Statistics“. Vyetnam milliy turizm boshqarmasi. Qaraldi: 26-yanvar 2012-yil.
  8. ↑ „Tourism Statistics“. Qaraldi: 18-yanvar 2022-yil.
  9. ↑ „Tourism Statistics“. Qaraldi: 2-yanvar 2018-yil.
  10. ↑ „Tourism Statistics“. Vyetnam milliy turizm boshqarmasi. Qaraldi: 2-yanvar 2018-yil.
  11. ↑ „International visitors to Viet Nam in December and 12 months of 2018“. Vietnamtourism.gov.vn. Qaraldi: 28-iyun 2017-yil.
  12. ↑ Life. „TripAdvisor's Most Popular Travel Destinations“. Business Insider (8-aprel 2014-yil). Qaraldi: 28-iyun 2017-yil.
  13. ↑ „TripAdvisor's picks: World's top 25 destinations | CNN Travel“. CNN (24-mart 2015-yil). Qaraldi: 28-iyun 2017-yil.
  14. ↑ „TripAdvisor picks world's top 10 destinations – CNN.com | CNN Travel“. CNN (22-mart 2016-yil). Qaraldi: 28-iyun 2017-yil.
  15. ↑ „Best Destinations in Asia – Travelers' Choice Awards – TripAdvisor“. Qaraldi: 11-iyun 2015-yil.
  16. ↑ TITC. „International visitors to Viet Nam in December and 12 months of 2013 – Vietnam National Administration of Tourism“. Tổng cục Du lịch Việt Nam (26-dekabr 2013-yil). Qaraldi: 11-iyun 2015-yil.
  17. ↑ „Over 100 arrive in Vietnam on first commercial flight in six months - VnExpress International“.
  18. ↑ „Vietnam proposes tourism travel bubbles within ASEAN - VnExpress International“.
  19. ↑ „Vietnam War Sites of Interest“. TripSavvy. Qaraldi: 3-yanvar 2019-yil.
  20. ↑ Pike. „11 Common Tourist Scams to Avoid in Vietnam“. Culture Trip. Qaraldi: 13-avgust 2020-yil.
  21. ↑ "WTTC. 2019. Travel & Tourism Economic Impact 2019: World"
  22. ↑ "UNWTO. 2019. World Tourism Barometer"
  23. ↑ "UNWTO. 2011. Towards Tourism 2030"
  24. ↑ "UNWTO. 2018. Outbound Tourism Statistics Database"
  25. ↑ „GENERAL STATISTICS OFFICE“. Vietnam General Statistics Office (GSO). Qaraldi: 29-aprel 2021-yil.
  26. ↑ „MyVietnamVisa“. Qaraldi: 29-aprel 2021-yil.
  27. ↑ "Total revenue from tourists 2000 — 2018"„Ministry of Culture, Sports and Tourism“. Qaraldi: 29-aprel 2021-yil.
  28. ↑ "Global economic trends & impacts in 2020"„World Travel & Travel Council (WTTC)“. Qaraldi: 29-aprel 2021-yil.
  29. ↑ „Our world data“. Qaraldi: 29-aprel 2021-yil. 
"https://uz.wikipedia.org/w/index.php?title=Vyetnamda_turizm&oldid=4429482" dan olindi