Aberdeen F.C.

Aberdeen futbol klubi — Shotlandiyaning Aberdeenshahrida joylashgan professional Shotlandiya futbol klubi. Ular Shotlandiya Premier ligasida qatnashadilar. Jamoa 1905-yilda shoxsupaga koʻtarilganidan beri biron marotaba Shotlandiya futbol ligasi tizimining yuqori divizionidan tushib ketmagan. Aberdeen 4 marta Shotlandiya ligasida gʻalaba qozongan, 7 marta Shotlandiya kubogi va 6 marta Shotlandiya ligasi kubogini qoʻlga kiritgan. Shuningdek, ular 1983-yilda Yevropa kubogiga egalik qilishgan. Aberdeen Yevropa superkubogini va Yevropa kubogini ikki marta qo‘lga kiritgan yagona Shotlandiya jamoasidir.

Jamoa 1903-yilda Aberdeenning uchta klubi birlashishi natijasida tashkil etilgan boʻlib, ular urushdan keyingi oʻn yillikda, menejer Dave Hallidey qoʻl ostida Shotlandiya sovrinini qoʻlga kiritgunlariga qadar faxriy unvonlar uchun kurash olib borishgan. Bu muvaffaqiyat darajasi 1980-yillarda Sir Alex Ferguson boshqaruvida ikkita Yevropa kubogi bilan bir qatorda uchta liga chempionligi, toʻrtta Shotlandiya kubogi va Shotlandiya ligasi kubogini qoʻlga kiritgan vaqtida oʻzining yuqori choʻqqisiga yetgan. Aberdeen F.C. 1984—1985-yillarda Old Firm klubidan keyingi chempionat gʻolibligini qoʻlga kiritgan soʻnggi klub, shuningdek, Yevropa kubogini qoʻlga kiritgan oxirgi Shotlandiya jamoasi edi. Jamoa ushbu oltin davrdan buyon boshqa muvaffaqiyatga erishmagan. 19 yillik harakatlardan soʻng 2013—2014-yilgi Shotlandiya Ligasi kubogida gʻalaba qozonilgan. 2010-yillarda ligada Celtik jamoasidan keyin bir necha marta ikkinchi oʻrinni egallagan.

Aberdeen F.C. tashkil etilganidan beri Pittodrie stadionida oʻynab kelmoqda. Stadion hududi 20,866 sigʻimga ega va Buyuk Britaniyadagi birinchi toʻliq oʻrindiqli va toʻliq qoplamaga ega stadion edi.

Klubning ranglari 1939-yildan beri asosan qizil va oq ranglar boʻlib, bundan oldin ular qora va oltin vertikal chiziqli kiyimda oʻynashgan. Aberdeen shahri va uning atrofidagi hududlarda asosiy oʻyinlar boʻlib oʻtgan, sababi yaqin atrofda jamoa uchun raqiblar topilmagan. Mahalliy raqibga ega boʻlmagan Aberdeen klubi Dundee United (1980-yillarda New firm nomi bilan tanilgan) va Rangers kabi uzoqroq hududdagi raqiblar bilan raqobat qilgan.

Toʻplamni yetkazib beruvchilar va libos homiylari

Davr	Toʻplamni ishlab chiqaruvchi	Libos homiysi
1975—1976-yillar	Bukta	Yoʻq
1976—1979-yillar	Admiral
1979—1987-yillar	Adidas
1987—1990-yillar	Umbro	JVC
1990—1993-yillar		Abtrust
1993—1994-yillar		A-Fab
1994—1996-yillar		Northsound radiosi
1996—1997-yillar		Living Design
1997—1998-yillar	Puma
1998—2001-yillar		Atlantic Telecom
2001—2004-yillar	Le Coq Sportif	A-Fab
2004—2006-yillar	Nike	ADT
2006—2008-yillar		Apex tubulars
2008—2011-yillar		Team Recruitment
2011—2014-yillar	Adidas
2014—2022-yillar		Saltire Energy
2022—		TEXO

Stadion

Pittodri stadionining granit jabhasi Merkland Road stendining tashqarisidan koʻrinadi

Aberdeen butun faoliyai davomida Pittodrie stadionida oʻynagan. Stadiondagi birinchi oʻyin 1899-yilda boʻlib oʻtgan va unda Aberdeen F.C. Dumbarton jamoasi ustidan 7-1 hisobida gʻalaba qozongan. 1903-yilda ular ikkita boshqa jamoa bilan birlashganlarida, yangi klub eski Aberdeen maydonini egallab olgan. 1903-yil 15-avgustda 8000 tomoshabin yangi Aberdeenning Stenhousemuirga qarshi 1:1 hisobidagi durang oʻyinini tomosha qilish uchun yigʻilgan. Klub dastlab yerni ijaraga olgan, lekin keyin uni 1920-yilda sotib olgan. Stadion hozirda 20,866 tomoshabinni oʻzida sigʻdira oladi. 1954-yil 13-mart kuni Shotlandiya kubogi doirasidagi Aberdeen F.C. va Hearts jamoalari o‘rtasida boʻlgan o‘yindagi tomoshabinlar soni 45 061 nafarni tashkil qilgan.

Stadion toʻrtta tribunadan iborat: asosiy tribuna, shuningdek, klub ofislari va oʻyinchilar binolari joylashgan. Markland Road oilaviy stendi asosiy tribunaning qarshisida joylashgan va eng koʻp tomoshabinlarni oʻz ichiga olgan janubiy stend bu Richard Donald stendidir, sharqdagi stend esa 1993-yilda qurib bitkazilgan va sobiq rais Dick Donald nomi bilan atalgan. Janubiy stendning toʻrtdan bir qismi sayohatchilarni joylashtirish uchun foydalaniladi. 1978-yilda Pittodrie Britaniyadagi birinchi yopiq, o‘rindiqli stadionga aylangan.

Yutuqlar

Mahalliy

• Shotlandiya ligasi
  • G‘olib (4): 1954—1955, 1979—1980, 1983—1984, 1984—1985
  • Ikkinchi oʻrin: 17 marta
• Shotlandiya kubogi
  • Gʻolib (7): 1946—1947, 1969—1970, 1981—1982, 1982—1983, 1983—1984, 1985—1986, 1989—1990
  • Ikkinchi oʻrin: 9 marta
• Shotlandiya liga kubogi
  • G‘olib (6): 1955—1956, 1976—1977, 1985—1986, 1989—1990, 1995—1996, 2013—2014
  • Ikkinchi oʻrin: 9 marta

Yevropadagi yutuqlari

• UEFA kubogi
  • Gʻolib: 1982—1983

• UEFA Superkubogi
  • Gʻolib: 1983-yil

Adabiyotlar

• Ferguson, Alex. Managing My Life. Coronet, 2000. ISBN 0-340-72856-6. 
• Grant, Michael. Fergie Rises: How Britain's Greatest Football Manager Was Made At Aberdeen. Aurum Press, 2014. ISBN 978-1-781-31093-9. 
• Miller, Willie. Willie Miller's Aberdeen Dream Team. Black & White Publishing, 2011. ISBN 9781845024031. 
• Smith, Paul. The Legends of Aberdeen. Breedon Books, 2007. ISBN 978-1-85983-575-3. 
• Stirling, Kevin. Aberdeen FC On This Day: History, Facts and Figures from Every Day of the Year. Pitch Publishing Ltd, 2008. ISBN 978-1-905411-24-5. 
• Webster, Jack. The First 100 years of The Dons: The official history of Aberdeen Football Club 1903–2003. Hodder & Stoughton, London, 2003. ISBN 0-340-82344-5. 

Havolalar

• Rasmiy sayti
• AFC Heritage Trust