ملائکہ اروڑا

ملائکہ اروڑا
(ہندی میں: मलाइका अरोड़ा)،(انگریزی میں: Malaika Arora)
معلومات شخصیت
پیدائش	23 اکتوبر 1975ء (50 سال)  تھانے
شہریت	بھارت
قد	1.61 میٹر
شریک حیات	ارباز خان (1998–2017) ارجن کپور
بہن/بھائی	امریتا ارورہ
عملی زندگی
پیشہ	[[:اداکار|ادکارہ]] ،  فلم ساز ،  رقاصہ ،  ماڈل ،  فلم اداکارہ
پیشہ ورانہ زبان	ہندی
	IMDB پر صفحہ

ملائکہ اروڑہ (انگریزی: Malaika Arora) ایک بھارتی فلمی اداکارہ ، ماڈل اور رقاصہ ہیں۔۔ ملائکہ نے اپنے سابقہ شوہر ارباز خان کے ساتھ مل کر فلمسازی کی ابتدا 2008 میں کی، دونوں نے مل کر ارباز خان پروڈکشنز قائم کی جس نے دبنگ فلموں کو بنانا شروع کیا ۔ ملائکہ نے بحیثیت اداکارہ کانٹے (2002) اور ای ایم آئی(2008) فلموں میں کردار ادا کیے ہیں۔ رقاصہ کی حیثیت سے چھیا چھیا (1998)، گڑ نالو عشق مٹھا (1998)، ماہی وے(2002)، کال دھمال (2005) اور منی بدنام ہوئی (2010) شامل ہیں۔

ملائکہ اروڑا کا نام سواحلی لفظ "ملائیکہ" پر رکھا گیا جس کا مطلب فرشتہ ہوتا ہے ۔ وہ مہاراشٹر میں پیدا ہوئیں ۔ جب وہ 11 سال کی تھیں تو ان کے والدین کے درمیان طلاق ہو گئی تھی، وہ اپنی والدہ اور بہن امریتا کے ساتھ چیمبر چلی گئیں تھیں۔ ان کی والدہ جوئس پولی کارپ ملیالی ہیں اور والد انیل اروڑا پنجابی ہیں اور وہ مرچنٹ نیوی سے منسلک رہے ہیں ۔

ملائکہ نے اپنی تعلیم سوامی وویک آنند اسکول سے مکمل کی جہاں ان کی خالہ پرنسپل تھیں۔ وہ ہولی کراس ہائی اسکول تھانے میں بھی نویں جماعت تک پڑھتی رہیں۔ کالج کی تعلیم جے ہند کالج، چرچ گیٹ سے حاصل کی مگر تعلیم مکمل نہ کر سکیں۔ ماڈلنگ کیریئر شروع کرنے سے پہلے وہ بورلا سوسائٹی چیمبر میں بسنت ٹاکیز کے سامنے رہتی رہیں ۔

ذاتی زندگی

ملائکہ کی شادی 1998 میں بالی ووڈ اداکارہ ہدایتکار پروڈیوسر ارباز خان سے ہوئی تھی جس سے ان کی ملاقات شوٹ کے دوران کافی پر ہوئی تھی۔ تب سے وہ ملائکہ اروڑا خان کے نام سے جانی جاتی ہیں ۔ 28 مارچ 2016 کو ، انھوں نے غیر مطابقت کا حوالہ دیتے ہوئے علیحدگی کا اعلان کیا ۔ جوڑے کی باضابطہ طور پر 11 مئی 2017 کو طلاق ہو گئی ۔ ان کے ساتھ ہی ایک بیٹا ، ارحان خان ، 9 نومبر 2002 کو پیدا ہوا ۔

متعلقہ روابط

• بھارتی فلمی اداکارا ؤں کی فہرست
• بھارتی سنیما

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔