مداوی بنت عبد العزیز
| ||||
|---|---|---|---|---|
| معلومات شخصیت | ||||
| تاریخ پیدائش | سنہ 1939ء | |||
| تاریخ وفات | سنہ 2017ء (77–78 سال) | |||
| شہریت |  سعودی عرب |
|||
| دیگر معلومات | ||||
| پیشہ | کاروباری شخصیت | |||
درستی - ترمیم  | ||||
مداوی بنت عبد العزیز آل سعود (1939ء - 27 نومبر 2017ء) ہاؤس آف سعود کی رکن تھیں۔ وہ شاہ عبدالعزیز کی سب سے چھوٹی اور آخری زندہ بچ جانے والی بیٹی تھیں، [1] اور شہزادہ طلال اور شہزادہ نواف کی ہمشیرہ تھیں۔
سوانح
[ترمیم]شہزادی مداوی 1939ء میں قصر الحکم، ریاض [2] میں پیدا ہوئیں۔ ان کے والدین شاہ عبدالعزیز اور منیر تھے، والدہ ایک آرمینیائی خاتون تھیں جن کا خاندان سلطنت عثمانیہ سے فرار ہو گیا تھا۔ [3] 1921 ءمیں 12 سال کی عمر کی منیر کو عنیزہ کے امیر نے 45 سالہ عبد العزیز کو پیش کیا۔ [3] وہ ساری زندگی ان پڑھ رہیں اور اسلام قبول کر لیا۔ منیر کو سعودی عرب میں برطانوی سفارت کار شاہ عبد العزیز کی پسندیدہ بیویوں میں شمار کرتے تھے اور وہ اپنی ذہانت اور خوبصورتی کی وجہ سے مشہور تھیں۔ ان کا انتقال دسمبر 1991ء میں ہوا۔ [2]
شہزادی مداوی کے دو سگے بھائی تھے، طلال بن عبد العزیز اور نواف بن عبد العزیز۔ [2] 1960 ءکی دہائی کے اوائل میں انھوں نے اور ان کی والدہ نے شہزادہ طلال پر زور دیا کہ وہ سعودی عرب واپس آجائیں جو آزاد شہزادوں کی تحریک میں شمولیت کی وجہ سے قاہرہ میں مقیم تھے۔ [4]
ان کی کچھ کاروباری سرمایہ کاری تھی اور ان کی ایک پیٹرولیم مارکیٹنگ کمپنی بنام پرنسس مداوی بنت عبد العزیز پیٹرولیم مارکیٹنگ کمپنی کو، تھی۔ [2]
شہزادی مداوی نے شہزادہ سعد بن محمد بن عبد العزیز بن سعود بن فیصل سے شادی کی جو سعودی شاہی خاندان کی محمد شاخ کے رکن تھے۔ [2] ان کے شوہر کو عراق میں جنوری 1986ء میں 55 سال کی عمر میں قتل کر دیا گیا تھا۔[2]
شہزادی مداوی کا انتقال 27 نومبر 2017ء کو ہوا۔ انھیں مکہ کی جامع مسجد میں نماز عصر کے بعد سپرد خاک کیا گیا۔ جنازے میں شریک شاہی خاندانوں میں ان کے سوتیلے بھائی احمد بن عبدالعزیز اور ممدوح بن عبدالعزیز اور ان کے بھتیجے خالد بن فیصل، محمد بن نواف، مشعل بن ماجد اور عبد اللہ بن بندر بھی شامل تھے۔
حوالہ جات
[ترمیم]- ↑ David Rundell (2020)۔ Vision or Mirage: Saudi Arabia at the Crossroads۔ London: Bloomsbury Publishing۔ ص 128۔ ISBN:978-1-83860-595-7
- ^ ا ب پ ت ٹ ث Sharaf Sabri (2001)۔ The House of Saud in Commerce: A Study of Royal Entrepreneurship in Saudi Arabia۔ New Delhi: Sharaf Sabri۔ ص 126, 162, 222۔ ISBN:978-81-901254-0-6
- ^ ا ب
- ↑ Stig Stenslie (2012)۔ Regime Stability in Saudi Arabia: The Challenge of Succession۔ London; New York: Routledge۔ ص 110۔ ISBN:978-1-136-51157-8