محمد اکرم ندوی

مولانا محمد اکرم ندوی
معلومات شخصیت
پیدائش	1382 ھ / 1964ء جون پور, اترپردیش، بھارت
رہائش	اوکسفرڈ
شہریت	بھارت
مذہب	اسلام
عملی زندگی
مادر علمی	دار العلوم ندوۃ العلماء
پیشہ	محقق، عالم، مصنف، مدرس،

محمد اکرم ندوی (ولادت: 1964ء) ایک مشہور و معروف محدث و فقیہ ، عظیم مفسر ، ماہر انشاء پرداز و ادیب ، عمدہ قلم کار و قلم کش ، صاحب ذہین و فطین اخاذ و نقاد اور زبردست حافظہ کے مالک ہندوستانی عالم ہیں ۔ جب کسی موضوع پر گفتگو کرتے ہیں تو اقوال و دلائل کے انبار لگا دیتے ہیں ، دیکھنے میں اتنا سادہ کہ پہلی مرتبہ دیکھنے والا اسے عام مولوی بھی نہ سمجھے ، حالانکہ ان کا علم بحر بیکراں کے مانند ہے ، ان کو ایک ہزار سے زائد محدثین سے حدیث میں اجازت حاصل ہے ، بلکہ بخاری شریف کی سب سے کم واسطوں والی سند ان کے پاس ہے ، جبکہ ہمارے یہاں ہندوستان میں بڑے بڑے اداروں کی سند امام بخاری تک اکیس یا بائیس واسطوں سے پہنچتی ہے ۔ ۔ بھارت کے شمالی صوبہ اترپردیش کے شہر جونپور میں آپ کی ولادت ہوئی۔ دار العلوم ندوۃ العلماء سے اعلی اسلامی تعلیم سے فراغت کے بعد چند سال اسی ادارہ میں قیام پزیر رہے۔ بعد ازاں جامعہ آکسفورڈ کے شعبہ دراسات اسلامیہ سے وابستہ ہوئے۔ تا حال ایک محقق کی حیثیت سے اسی ادارہ میں قیام پزیر ہے۔

تعلیم

محمد اکرم ندوی نے دار العلوم ندوۃ العلماء سے 1980 میں عالمیت اور 1982 میں تخصص فی الحدیث کی تکمیل کی۔ اور عالم اسلام کے اہم ترین علما کرام مولانا ابوالحسن علی ندوی، شیخ عبد الفتاح ابوغدہ اور شیخ یوسف القرضاوی سے حدیث کی اجازت حاصل کی۔
جامعہ لکھنؤ سے معیشت سیاسی (political economy) میں فاضل (بی۔ اے) اور عربی زبان و ادب میں ماہر (ایم۔ اے) اور بعد ازیں 2002 علمائی (ڈاکٹریٹ) کی سند حاصل کی۔

تصانیف

محمد اکرم ندوی حدیث، فقہ، علم اسماء الرجال اور صرف و نحو کے موضوعات پر 25 کتابیں تصنیف و ترجمہ کر چکے ہیں۔ جن میں مشہور ترین کتابیں حسب ذیل ہیں:

• شيخ الإسلام إبن تيمية وتأثيره في آسيا الجنوبية از خلیق احمد نظامی، تعریب محمد اکرم ندوی
• نفحات الهند واليمن بأسانيد الشيخ أبي الحسن
• أصول الشاشي : مختصر في أصول الفقه الإسلامي
• كفاية الراوي عن العلامة الشيخ يوسف القرضاوي
• شبلي النعماني: علامة الهند الأديب والمؤرخ الناقد الأريب
• السيد سليمان الندوي ؛: أمير علما الهند في عصره، وشيخ الندويين
• بستان المحدثين في بيان كتب الحديث وأصحابها الغر الميامين از شاہ عبدالعزیز محدث دہلوی، تعریب محمد اکرم ندوی
• أبو الحسن الندوي : العالم المربّي والداعية الحكيم، 1333-1420 هـ / 1914-1999م

ابھی حال ہی میں محدثات کے نام سے 42 جلدوں میں ایک کتاب مرتب کی ہے، جس میں 8000 سے زائد محدثات کے تراجم و تذکرے موجود ہیں۔

بیرونی روابط

• ندوی فاؤنڈیشنآرکائیو شدہ بذریعہ nadwifoundation.co.uk