Казбек Коков
| Казбек Коков | |
|---|---|
.jpg) | |
| Туган | 20 июль 1973 (51 яшь) Второй Лескен[d], Урванский район[d], Кабарда-Балкар Айрат Сәвит Сатсиялислар Җөмһүрияте[d], РСФСР, СССР |
| Ватандашлыгы |  Россия |
| Әлма-матер | Кабардино-Балкарский государственный аграрный университет имени В. М. Кокова[d] |
| Һөнәре | сәясәтче |
| Сәяси фирка | Бердәм Русия |
| Ата-ана | |
Казбек Валерьевич Коков (кабард.-чирк. КӀуэкӀуэ Валерэ и къуэ Къазбэч; 1973 елның 20 июле, Икенче Лескен, Кабарда-Балкария АССР) — Россия дәүләт һәм сәяси эшлеклесе. 2019 елның 3 октябреннән Кабарда-Балкария Республикасы башлыгы (2018 елның 26 сентябреннән 3 октябренә кадәр Кабарда-Балкар Республикасы башлыгы вазыйфаларын вакытлыча башкаручы)[1]. 2019 елның 6 ноябреннән «Бердәм Россия» партиясенең Кабарда-Балкария региональ бүлекчәсе секретаре[2].
Тормыш юлы
[үзгәртү | вики-текстны үзгәртү]Казбек Коков 1973 елның 20 июлендә Кабарда-Балкария АССРның Икенче Лескен авылында Кабарда-Балкария Республикасының беренче президенты Валерий Коков гаиләсендә туган.
Кабарда-Балкария агромелиорация институтын «галим-агроном» белгечлеге буенча тәмамлаган.
1995 елдан — «Нальчик „Халвич заводы“» ААҖ генераль директорының коммерция һәм гомуми мәсьәләләр буенча урынбасары.
2002 елдан — «Каббалкесурсы» ААҖ генераль директоры.
2003—2007 елларда — Нальчик шәһәр Җирле үзидарә советы депутаты.
2009 елның мартында Кабарда-Балкария парламенты депутаты итеп сайлана. Кабарда-Балкария Республикасы парламентында аграр сәясәт һәм табигатьтән файдалану комитеты әгъзасы була.
2010 елның 16 декабрендә Кабарда-Балкария Республикасы авыл хуҗалыгы һәм азык-төлек министры урынбасары итеп билгеләнә.
2013 елның апреленнән 2018 елның 26 сентябренә кадәр — Россия Президентының эчке сәясәт буенча идарәсенең төбәк блогы Киңәшчесе, Төньяк-Кавказ төбәге кураторы.
Кабарда-Балкария Республикасы башлыгы
[үзгәртү | вики-текстны үзгәртү]2018 елның 26 сентябрендә Кабарда-Балкария Республикасы башлыгы вазыйфаларын вакытлыча башкаручы итеп билгеләнә.
Беренче атнада үк Кабарда-Балкария Республикасы җитәкчесе аппаратының кайбер хезмәткәрләрен эштән азат итү буенча кадрлар карарлары кабул ителгән. КБР башлыгы ярдәмчесе Анзор Гонибов һәм төбәк башлыгының ике Киңәшчесе — Заур Вороков һәм Сергей Касумов эштән азат ителгән[3].
Коков җирле бизнеска ярдәм итү, инвестицион климатны яхшырту һәм яшьләр өчен социаль лифтлар булдыруны эшнең өстенлекле юнәлешләре дип атаган. Төбәк башлыгы фикеренчә, яшь белгечләрнең үз-үзләрен күрсәтү бик мөһим[4].
Коков билгеләп үткәнчә, элекке буын җитәкчеләр, шул исәптән аның әтисе мирасына хөрмәт белән карый. Шуңа да карамастан, ул чагыштырулардан курыкмый һәм, аның сүзләренчә, яңа шартларда, булган процессларны исәпкә алып, эшләргә әзер[5].
Instagram платформасында Коков шәхси блог алып бара[6].
2019 елның 3 октябрендә Кабарда-Балкария парламенты депутатлары Коковка республика башлыгы вәкаләтләрен 5 елга бирү өчен бертавыштан тавыш биргәннәр.
2020 елның 27 гыйнварыннан 21 декабренә кадәр — Россия Федерациясе Дәүләт Советы президиумы әгъзасы[7][8].
Гаилә
[үзгәртү | вики-текстны үзгәртү]Өйләнгән. Хатыны Лиана Руслановна, Нальчиктагы дәүләт университетында хезмәт хокукы укытучысы. Ике кыз тәрбияли, олысы — Виолетта, 2001 елда туган[9].
Искәрмәләр
[үзгәртү | вики-текстны үзгәртү]- ↑ В КБР Казбек Коков сменит Юрия Кокова. vesti.ru. 2018-09-26 тикшерелгән.
- ↑ Региональное отделение "Единой России" в КБР возглавил глава республики Коков. ТАСС (2019-11-06).
- ↑ Врио главы КБР Казбек Коков уволил помощника и двух советников (2018-10-02).
- ↑ Эксперт: Коков позиционирует себя в качестве лоббиста интересов жителей КБР. Взгляд. 2019-03-05 тикшерелгән.
- ↑ Врио главы КБР: нужно акцентировать внимание на создании социальных лифтов. ТАСС. 2019-03-05 тикшерелгән.
- ↑ Казбек Коков. Глава Кабардино-Балкарской Республики
- ↑ Распоряжение Президента Российской Федерации от 27.01.2020 г. № 10-рп «О президиуме Государственного совета Российской Федерации».
- ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. әлеге чыганактан 2021-01-10 архивланды. 2020-12-29 тикшерелгән.
- ↑ Елена Самойлова (2003-04-28). Валерий Коков: живу с думой о своем народе.
Сылтамалар
[үзгәртү | вики-текстны үзгәртү]- Казбек Коков kbr.ru сайтында.
