Louise Erdrich

Louise Erdrich
Kapanganakan	7 Hunyo 1954 Little Falls (Morrison County, Minnesota, Estados Unidos ng Amerika)
Mamamayan	Estados Unidos ng Amerika
Nagtapos	Pamantasang Johns Hopkins Dartmouth College
Trabaho	makatà, manunulat, nobelista, children's writer, manunulat ng maikling kuwento
Asawa	Michael Dorris (1981–1996)
Pamilya	Angie Erdrich

Si Karen Louise Erdrich, kilala rin bilang Louise Erdrich, (ipinanganak noong 7 Hunyo 1954) ay isang katutubong Amerikana ng Estados Unidos na naging manunulat at may-akda ng mga nobela, panulaan, at panitikang pambata. Isa siyang nakatalang kasapi ng nasyong Anishinaabe (kilala rin bilang Ojibwa, Ojibwe, at Chippewa) at mayroon ding ninunong Aleman, Pranses, at Amerikano. Kinikilala siya bilang isa sa pinakamahalagang katutubong mga manunulat ng pangalawang alon o daloy ng tinatawag ng manunuring si Kenneth Lincoln bilang Pagkamulat ng Katutubong Amerikano (Native American Renaissance). Noong Abril 2009, naging isang pinalista ang kanyang nobelang The Plague of Doves o "Ang Salot ng mga Kalapati" para sa Gantimpalang Pulitzer sa Kathang-Isip o Piksiyon.

Naging may gampanin ang katatawanan o humor sa mga kuwentong isinulat ni Erdrich, maging sa kanyang sariling buhay. Pinag-aralan niya ang wikang Ojibwemowin, ang lengguwahe ng mga kakapwa-tao ng kanyang ina, upang maunawaan ang mga biro sa kalinangang Ojibwa. Naniniwala siyang nakapagpapanatili ng katinuan ng isip ang katatawanan. Masisilayan din ang katatawanan maging sa pinakamadirilim na mga pagkakataon sa mga piksiyon ni Erdrich.

Mga sanggunian

Ang lathalaing ito na tungkol sa Talambuhay, Panitikan at Estados Unidos ay isang usbong. Makatutulong ka sa Wikipedia sa pagpapalawig nito.