Фурудгоҳи байналмилалии Душанбе

Фурудгоҳи байналмилалии Душанбе
ИОТО: DYU – ИКАО: UTDD
хулоса
Passenger change 15–16

Фурудгоҳи байналмилалии Душанбе

Ҳавопаймоҳои замонавӣ дар Фурудгоҳи байналмилалии Душанбе

Фурудгоҳи байналмилалии Душанбе — бузургтарин фурудгоҳи Тоҷикистон ба шумор меравад, беш аз 80 % бозори интиқоли парвозҳои мунтазам, байналмилалӣ ва дохилиро ба анҷом мерасонад.

Терминали байналмилалии нав метавонад дар як соат ба зиёда аз 500 мусофир хидмат расонад. Фурудгоҳи Душанбе дорои дараҷаи В буда, бо рамзи ИКАО — 4D зикр карда мешавад. Вай қобилият дорад, ки ҳавопаймоҳои Боинг-737, Боинг-767, Ил-62, Ил-76, Ту-154 ва тамоми намуди чархболҳоро қабул намояд. Солҳои охир барои таъмини бехатарӣ ва қабули ҳавопаймоҳои замонавӣ дар фурудгоҳи Душанбе хати парвозиро аз нав таъмир намуданд. Ҳоло фурудгоҳи Душанбе дорои мақоми байналмилалӣ буда, қобилияти қабул кардани тамоми намуди ҳавопаймоҳоро дорад. Дар баробари толори умумии фурудгоҳ, ҳамчунин толори VIP ва CIP дорад. Ин ба мусофироне, ки мақоми VIP ва CIP доранд, имкон медиҳад, ки ҳангоми интизорӣ ба парвоз, гузаштани расмиёти гумрукӣ ва сарҳадӣ аз шароитҳои махсус истифода намоянд. Барои чунин мусофирон толору нуқтаи назоратии шиносномаҳо ва гумрукии алоҳида вуҷуд дорад. Дар баъзе мавридҳо барои ба ҳавопаймо ворид шудани мусофирон ба онҳо зинапояи алоҳида пешниҳод карда мешавад. Дар фурудгоҳи Душанбе барои мусофирон хидматрасониҳои мусоиди зерин пешниҳод карда мешаванд, аз ҷумла:

• Нуқтаи маълумотдиҳӣ;
• Қаҳвахона, Fast food;
• Нуқтаи мубодилаи асъор;
• Хазинаи савдои чипта;
• Мағозаҳои Дюти фри, туҳфаҳо ва ғайра;
• Нуқтаи савдои рӯзномаву маҷаллаҳо;
• Банкоматҳо;
• Интернет (Wi-Fi).

Ба фурудгоҳ тавассути нақлиётҳои зерин ташриф овардан мумкин аст: Таксиҳои шаҳрӣ, троллейбуси № 4, автобуси № 8 ва микроавтобусҳои № 1, 7, 8, 14, 16, 33.

Нуқтаи маълумотдиҳӣ ба таври шабонарӯзӣ фаъолият мекунад. Телефон барои тамос ба фурудгоҳи байналмилалии Душанбе 09-09.

Нигаред

• Феҳристи фурудгоҳҳои Тоҷикистон