మణిశర్మ

మణిశర్మ
జననం	యనమండ్ర వెంకట సుబ్రహ్మణ్య శర్మ జూలై 11, 1964 మచిలీపట్నం
వృత్తి	సంగీత దర్శకుడు
క్రియాశీల సంవత్సరాలు	1992–ప్రస్తుతం
పిల్లలు	సాగర్ మహతి
తల్లిదండ్రులు	యనమండ్ర నాగయజ్ఞ శర్మ (తండ్రి)

యనమండ్ర వెంకట సుబ్రహ్మణ్య శర్మ (జూలై 11, 1964) మణిశర్మగా ప్రసిద్ధి పొందిన తెలుగు, తమిళ సినీ సంగీత దర్శకుడు. 200 కి పైగా సినిమాలకు సంగీత దర్శకత్వం వహించాడు. సాలూరి రాజేశ్వర రావు దగ్గర్నుంచి వందేమాతరం శ్రీనివాస్ వరకు మేటి సంగీత దర్శకుల దగ్గర పనిచేసిన అనుభవం ఆయనకుంది.

బాల్యం

మణిశర్మ కృష్ణా జిల్లా, మచిలీపట్నంలో జన్మించాడు. చిన్నప్పుడే ఇంట్లో ఉన్న హార్మోనియం పెట్టెను తెలియకపోయినా వాయించేవాడు. ఆయన తండ్రి యనమండ్ర నాగయజ్ఞ శర్మ వయొలిన్ కళాకారుడు. సినిమాల్లో పనిచేయాలని కోరికతో భార్యతో సహా మద్రాసు చేరుకున్నాడు. కాబట్టి మణిశర్మ పెరిగింది అంతా మద్రాసులోనే. చిన్నప్పుడే అతని ఆసక్తిని గమనించిన తల్లిదండ్రులు వయొలిన్ తోపాటు మాండొలిన్, గిటార్ కూడా నేర్పించారు. తర్వాత రికార్డింగుల్లో వయొలిన్ గిటార్ కన్నా కీబోర్డ్ వాయించే వాళ్ళకే ఎక్కువ చెల్లిస్తుండటంతో తండ్రి సలహా మేరకు దాన్ని కూడా నేర్చుకున్నాడు.

పాశ్చాత్య సంగీతంలో ఇళయరాజాకు, రెహమాన్ కు ఇంకా చాలామందికి గురువైన జాకబ్ జాన్ దగ్గర మణిశర్మ పాశ్చాత్య సంగీతం నేర్చుకున్నాడు. తరువాత కర్ణాటక సంగీతం కూడా నేర్చుకున్నాడు.1982 లో 18 ఏళ్ళ వయసులో చదువు పూర్తిగా ఆపేసి సంగీత రంగంలోకి దిగిపోయాడు.

కెరీర్

సంగీత దర్శకుడు చెళ్ళపిళ్ళ సత్యం దగ్గర కీబోర్డ్ ప్లేయర్ గా సినీ జీవితాన్ని ప్రారంభించారు. ఆ తర్వాత ఇళయరాజా, ఎం.ఎం.కీరవాణి, రాజ్-కోటిల దగ్గర శిష్యరికం చేసారు. ఎ. ఆర్. రహ్మాన్ తో కలిసి కీబోర్డు సహాయకుడిగా పనిచేశాడు. అప్పట్లో దక్షిణాది సినిమాలన్నింటి రికార్డింగులకీ అప్పట్లో మద్రాసే కేంద్రం. కాబట్టే అన్ని భాషల సినిమాలకీ ఎందరో మహానుభావులైన సంగీతదర్శకుల దగ్గర పనిచేసే అవకాశం వచ్చింది. కీరవాణి మొదటి సినిమా నుంచి ఆయన ప్రతి సినిమాకీ పనిచేశాడు.

క్షణక్షణం సినిమాకి కీరవాణిగారి దగ్గర పనిచేస్తున్నప్పుడు రాంగోపాల్‌వర్మ అప్పుడప్పుడూ వచ్చి కూర్చుని ఆసక్తిగా గమనించేవాడు. అలా ఆయనకు మొట్టమొదటిసారి రీరికార్డింగ్‌ చేసే అవకాశాన్నిచ్చింది రామ్‌గోపాల్‌వర్మ. అది రాత్‌ (తెలుగులో రాత్రి) అనే హర్రర్‌ సినిమా. తర్వాత అంతం సినిమాలో ఒక పాట చెయ్యమంటూ మళ్లీ రామూ దగ్గర్నుంచి పిలుపొచ్చింది. చలెక్కి ఉందనుకో, ఈ చలాకి రాచిలకో అనే పాట అది. ఆయన స్వరపరిచిన చేసిన మొట్టమొదటి పాట.

ఈ తరం సంగీత దర్శకుల్లోని దేవి శ్రీ ప్రసాద్ కు కీ-బోర్డ్ గురువీయన. ఏ.వి.యస్. తొలిసారి దర్శకత్వం వహించిన "సూపర్ హీరోస్" చిత్రంతో సంగీత దర్శకునిగా కెరీర్ ప్రారంభించి ఇప్పటి వరకు 200 చిత్రాలకి పైగా సంగీతాన్నందించారు. సంగీత దర్శకుడుగా ఆయన కొచ్చిన తొలి అవకాశం చిరంజీవి సినిమానే అయినా విడుదలయింది మాత్రం సూపర్‌ హీరోస్‌.

బావగారూ బాగున్నారా పాటలు సూపర్‌హిట్‌ కావడంతో ఇండస్ట్రీలో మంచి పేరొచ్చింది. జయంత్‌, గుణశేఖర్ లాంటి మంచి అభిరుచి ఉన్న దర్శకుల సినిమాలకు పనిచేసే అవకాశాలు వరసగా వచ్చాయి. దానికితోడు సమరసింహారెడ్డి, గణేష్‌, రావోయి చందమామ, చూడాలని ఉంది ఇలా వెంటవెంటనే పెద్దహీరోల సినిమాలకు సంగీత దర్శకత్వం వహించే అవకాశం రావడం, అన్నీ మ్యూజికల్‌హిట్లు కావడంతో ఆయన దశ తిరిగింది.

ఇతని సంగీతం చాలా వరకు ఫాస్ట్ బీట్ తో, మాస్ ప్రేక్షకులను ఆకట్టుకునేదిగా ఉంటుంది. కానీ ఆయన ప్రతీ సినిమాలో కనీసం ఒక్కటైనా మెలోడీ ఉంటుంది.

ఈయన చేసిన మెలొడీలలో చాలా మంచి పాటలున్నాయి. అందుకే అతనిని మెలోడీ బ్రహ్మ అని కూడా పిలుస్తారు. మనసిచ్చి చూడు చిత్ర నిర్మాణ సమయంలో ఆ చిత్ర నిర్మాత ఎడిటర్ మోహన్ ఇచ్చిన బిరుదది. పరిశ్రమలోని దాదాపు ప్రతీ నాయకుడికి సంగీతాన్ని అందించాడు. ఇతనిని అగ్రతారల సంగీత దర్శకుడని కూడా అంటారు. ఇతర చిత్రాలకు కూడా తన నేపథ్య సంగీతాన్ని అందించి వాటికి ప్రాణం పోశాడు.

మణిశర్మ సంగీతం వహించిన కొన్ని చిత్రాలు

సంవత్సరం	చిత్రం	దర్శకుడు	అదనం
1997	సూపర్ హీరోస్	ఏ.వీ.ఎస్
1998	చూడాలని ఉంది	గుణశేఖర్
1998	గణేష్	తిరుపతిసామి
1998	బావగారూ బాగున్నారా?	జయంత్.సి.పరాన్జీ
1998	మనసిచ్చి చూడు	రుద్రరాజు సురేష్ వర్మ
1999	అనగనగా ఒక అమ్మాయి	రమేష్ సారంగ
1999	ఇద్దరు మిత్రులు	కె. రాఘవేంద్రరావు
1999	సమరసింహా రెడ్డి	బీ.గోపాల్
1999	రాజకుమారుడు	కె. రాఘవేంద్రరావు
1999	రావోయి చందమామ	జయంత్.సి.పరాన్జీ
1999	శీను	శశి
2000	అన్నయ్య	ముత్యాల సుబ్బయ్య
2000	ఆజాద్	తిరుపతిసామి
2000	కౌరవుడు	వీ.జ్యోతి కుమార్
2000	చిరునవ్వుతో	జీ.రామ్ ప్రసాద్
2000	వంశీ	బీ.గోపాల్
2000	మనోహరం	గుణశేఖర్
2001	దేవి పుత్రుడు	కోడి రామకృష్ణ
2001	ఖుషీ	ఎస్.జే.సూర్య
2001	మురారి	కృష్ణ వంశీ
2001	ప్రేమతో రా	ఉదయ శంకర్
2001	సుబ్బు	రుద్రరాజు సురేష్ వర్మ
2001	రూపాయి	భారతి శ్రీనివాస్
2001	భలేవాడివి బాసు	పీ.ఏ.అరుణ్ ప్రసాద్
2001	నరసింహ నాయుడు	బీ.గోపాల్
2002	ఇంద్ర	బీ.గోపాల్
2002	ఆది	వీ.వీ.వినాయక్
2002	చెన్న కేశవ రెడ్డి	వీ.వీ.వినాయక్
2002	బాబీ	శోభన్
2002	టక్కరి దొంగ	జయంత్.సి.పరాన్జీ
2002	రాయలసీమ రామన్న చౌదరి	సురేష్ కృష్ణ
2002	మృగరాజు	గుణశేఖర్
2003	ఠాగూర్	వీ.వీ.వినాయక్
2003	అంజి	కోడి రామకృష్ణ
2003	సీమ సింహం	జీ.రామ్ ప్రసాద్
2003	పల్నాటి బ్రహ్మనాయుడు	బీ.గోపాల్
2003	కళ్యాణ రాముడు	జీ.రామ్ ప్రసాద్
2003	రాఘవేంద్ర	సురేష్ కృష్ణ
2003	ఒక్కడు	గుణశేఖర్
2004	గుడుంబా శంకర్	వీరశంకర్
2004	లక్ష్మీనరసింహా	జయంత్.సి.పరాన్జీ
2004	శ్రీ ఆంజనేయం	కృష్ణ వంశీ
2004	అడవి రాముడు	బీ.గోపాల్
2004	సాంబ	వీ.వీ.వినాయక్
2004	సఖియా	జయంత్.సి.పరాన్జీ
2004	విధ్యార్ధి	బాలాచారి
2004	యజ్ఞం	ఏ.ఎస్.రవి కుమార్ చౌదరి
2005	బాలు	ఏ.కరుణాకరన్
2005	అతడు	త్రివిక్రమ్ శ్రీనివాస్
2005	జై చిరంజీవ	కే. విజయభాస్కర్
2005	నరసింహుడు	బీ.గొపాల్
2005	సుభాష్ చంద్రబోస్	కె. రాఘవేంద్రరావు
2005	అర్జున్	గుణశేఖర్
2005	రాధా గోపాళం	బాపు రమణ
2005	అల్లరి పిడుగు	జయంత్.సి.పరాన్జీ
2005	అతనొక్కడే	సురేందర్ రెడ్డి
2006	పోకిరి	పూరి జగన్నాధ్
2006	రాగం	కే.ఎస్.ప్రకాష్ రావు
2006	స్టైల్	రాఘవ లారెన్స్
2006	అశోక్	సురేందర్ రెడ్డి
2006	వీరభద్ర	ఏ.ఎస్.రవి కుమార్ చౌదరి
2006	స్టాలిన్	ఏ.అర్.మురుగదాస్
2006	రారాజు	జి. రామ్మోహన్ రావు
2006	రూమేట్స్	ఏ.వీ.ఎస్
2006	మార్నింగ్ రాగ	కే.ఎస్.ప్రకాష్ రావు
2007	చిరుత	పూరి జగన్నాధ్
2007	అతిథి	సురేందర్ రెడ్డి
2007	లక్ష్యం	శ్రీవాస్
2007	గొడవ	ఏ.కోదండరామిరెడ్డి
2008	పౌరుడు	తంపి రాజకుమార్
2008	ఒంటరి	బీ.వీ.రమణ
2008	పరుగు	భాస్కర్
2008	కంత్రి	మెహెర్ రమేష్
2008	హీరో	జీ.వీ.సుధాకర్ నాయుడు
2008	శౌర్యం	శివ
2009	ఏక్ నిరంజన్	పూరి జగన్నాధ్
2009	రెచ్చిపో	పరచూరి మురళి
2009	బాణం	దంతులూరి చైతన్య
2009	ఎవరైనా ఎపుడైనా	మార్తాండ్.కే.శంకర్
2009	శశిరేఖా పరిణయం	కృష్ణవంశీ
2009	ఆ ఒక్కడు	నిడదవోలు శ్రీనివాస మూర్తి
2009	బిల్లా	మెహెర్ రమేష్
2009	పిస్తా	సభా అయ్యప్పన్
2009	మిత్రుడు	మహాదేవ
2010	కత్తి	ఎం.మల్లిఖార్జున్
2010	వరుడు	గుణశేఖర్
2010	ఖలేజా	త్రివిక్రమ్ శ్రీనివాస్
2010	డాన్ శీను	మలినేని గోపీచంద్
2010	హాపీహాపీగా	ప్రియ శరన్
2010	శుభప్రధం	కే.విశ్వనాధ్
2010	ఏం పిల్ల ఏం పిల్లడో	ఏ.ఎస్.రవి కుమార్ చౌదరి
2010	కోతిమూక	ఏ.వీ.ఎస్
2011	వస్తాడు నా రాజు	హేమంత్ మధుకర్
2011	మారో	సిద్దిక్
2011	తీన్ మార్	జయంత్.సి.పరాన్జీ
2011	శక్తి	మెహెర్ రమేష్
2011	పరమవీరచక్ర	దాసరి నారాయణ రావు
2014	బసంతి	చైతన్య దంతులూరి
2014	రఫ్	సి. హెచ్. సుబ్బారెడ్డి
2015	లయన్	సత్యదేవ్
2015	రణం 2	అమ్మ రాజశేఖర్
2015	టిప్పు	జగధీష్ దనేటి
2016	జెంటిల్ మేన్	ఇంద్రగంటి మొహన్ క్రిష్ణ
2016	సిద్ధార్ధ	కె. వి. దయానంద రెడ్డి
2017	ఆకతాయి	రోమ్ భిమన
2017	ఆరడుగుల బుల్లెట్	బి. గోపాల్
2017	అమీ తుమీ	మొహన్ క్రిష్ణ ఇంద్రగంటి
2017	బాలక్రిష్ణుడు	పవన్ మల్లెల
2017	ఫ్యాషన్ డిజైనర్ s/o లేడీస్ టైలర్	వంశీ
2017	జయదేవ్	జయంత్.సి.పరాన్జీ
2017	లై	అను రాఘవపూడి
2017	ఒక్క క్షణం	ఆనంద్
2017	శమంతక మణి	శ్రీరామ్ ఆదిత్య
2018	దేవదాస్	శ్రీరామ్ ఆదిత్య
2018	ఈ మాయ పేరేమిటో	రాము కొప్పుల
2018	ఎమ్ ఎల్ ఎ	ఉపేంద్ర మాధవ్
2019	ఇస్మార్ట్ శంకర్	పూరీ జగన్నాథ్
2022	యశోద	హరి శంకర్ - హరీష్ నారాయణ్
2022	నేను మీకు బాగా కావాల్సిన వాడిని	శ్రీధర్‌ గాదె
2023	రెబెల్స్ ఆఫ్ తుపాకులగూడెం	జైదీప్ విష్ణు
2023	బెదురులంక 2012	క్లాక్స్
2023	శాకుంతలం	గుణశేఖర్
2023	మధురపూడి గ్రామం అనే నేను	మల్లి
2023	మిస్టర్ కింగ్

మణిశర్మ తమిళ చిత్రాలు

• వెఱ్ఱి నెల్వన్
• రగళై
• ఉయర్తిరు 420
• నిఙం పులి
• నుఱా
• మాప్పిళ్ళై
• మలై మలై
• పడిక్కాదవన్
• పోక్కిరి
• తిరుప్పాచ్చి
• అరను
• యూత్
• యేళుమలై

అవార్డులు

నంది పురస్కారం

1. ఉత్తమ సంగీత దర్శకుడు - ఒక్కడు, (2003)
2. ఉత్తమ సంగీత దర్శకుడు - చూడాలని వుంది (1998)

ఫిలింఫేర్ పురస్కారం

1. ఉత్తమ సంగీత దర్శకుడు - ఒక్కడు, (2003)
2. ఉత్తమ సంగీత దర్శకుడు - చిరునవ్వుతో (2000)
3. ఉత్తమ సంగీత దర్శకుడు - చూడాలని వుంది (1998)

మిర్చి మ్యూజిక్ అవార్డ్స్ సౌత్

1. ఉత్తమ సంగీత దర్శకుడు - ఖలేజా (2010)
2. సాంగ్ అఫ్ ది ఇయర్ - సదా శివ - ఖలేజా (2010)
3. ఉత్తమ సంగీత దర్శకుడు - ఏక్ నిరంజన్ (2009)