பியர்சன் குறியீடு

பியர்சன் குறியீடு அல்லது பியர்சன் குறியீட்டு முறை (The Pearson symbol, or Pearson notation) என்பது படிகவியலில் ஒரு படிகத்தின் அமைப்பை விவரிக்கின்ற முறையாகும். டபிள்யூ.பி. பியர்சன் இம்முறையைத் தோற்றுவித்தார் . இக்குறியீட்டில் இரண்டு எழுத்துக்களும் அவற்றைத் தொடர்ந்து ஒரு எண்ணும் கொண்ட ஒரு குறியீட்டு முறையாகும். உதாரணமாக, வைர அமைப்பு - cF8 உரூத்தைல் அமைப்பு - tP6 இரண்டு சாய்வெழுத்துகளும் பிராவைசு அணிக்கோவையைக் குறிப்பிடுகின்றன. அடித்தட்டு எழுத்து படிக வகையையும் மேல்தட்டு எழுத்து அணிக்கோவை வகையையும் குறிப்பிடுகின்றன. ஓர் அலகு கூட்டில் உள்ள அணுக்களின் எண்ணிக்கையை எண்மதிப்பு குறிப்பிடுகிறது. ஐயுபிஏசி (2005)

படிக வகை

a	முச்சரிவு
m	ஒற்றைச் சரிவு
o	செஞ்சாய்சதுரம்
t	நாற்கோணம்
h	அறுகோணம் மற்றும் சாய்சதுரம்
c	கனசதுரம்

அணிக்கோவை வகை

S,A,B,C	பக்க முகமையம்
F	அனைத்து முகமையம்
I	உடல் மையம்
R	சாய்சதுரம்
P	முதனிலை

முன்னதாக S என்ற எழுத்துக்குப் பதிலாக A, B மற்றும் C முதலியன பயன்படுத்தப்பட்டன. மையமாக்கலில் ஒரிணை எதிரெதிர் முகங்களை X -- அச்சு கொண்டிருந்தால் அதை A- மையம் என்றும் Y- மற்றும் Z- அச்சுகளில் சம மையம் கொண்டிருந்தால் முறையே B- மற்றும் C- மைய என்றும் குறிக்கப்பட்டன.

14 வகையான வாய்ப்புள்ள பிராவைசு அணிக்கோவைகள் முதல் இரண்டு எழுத்துகளால் அடையாளம் காணப்படுகின்றன:

படிக வகை	அணிக்கோவை குறியீடு	பியர்சன் குறியீட்டு எழுத்துகள்
Tமுச்சரிவு	P	aP
ஒற்றைச் சரிவு	P	mP
	S	mS
செஞ்சாய்சதுரம்	P	oP
	S	oS
	F	oF
	I	oI
நாற்கோணம்	P	tP
	I	tI
அறுகோணம் (மற்றும் முக்கோணம்)	P	hP
சாய்சதுரம்	R	hR
கனசதுரம்	P	cP
	F	cF
	I	cI

பியர்சன் குறியீடு மற்றும் இடக்குழு

பியர்சன் குறியிடு படிக அமைப்புகளின் இடக்குழுவை தனித்துவமாக அடையாளம் காட்டவில்லை. உதாரணமாக, சோடியம் குளோரைடின் இரண்டு வகை படிக அமைப்புகளும் (இடக்குழு Fm3m) மற்றும் வைர அமைப்பு இடக்குழு Fd3m) பியர்சன் குறியீடு cF8 என்றே உள்ளது.

உசாத்துணை

• United States Naval Research Laboratory - Pearson symbol (Examples and pictures) பரணிடப்பட்டது 2011-12-21 at the வந்தவழி இயந்திரம்