அலுவலகம்
![](http://upload.wikimedia.org/wikipedia/commons/thumb/a/a5/West_side_of_Manhattan_from_Hudson_Commons_%2895103p%29.jpg/220px-West_side_of_Manhattan_from_Hudson_Commons_%2895103p%29.jpg)
ஓர் அலுவலகம் (office) அல்லது பணியிடம் என்பது ஒரு நிறுவனத்தின் பல்வேறு குறிக்கோள்களை ஆதரிப்பதற்கும் உணர்ந்து கொள்வதற்கும் அதன் ஊழியர்கள் நிர்வாக பணிகளைச் செய்யும் இடமாகும். "அலுவலகம்" என்ற சொல் ஒரு நிறுவனத்திற்குள் குறிப்பிட்ட கடமைகளுடன் இணைக்கப்பட்ட ஒரு பதவியைக் குறிக்கலாம். ஒருவரின் கடமையின் இருப்பிடத்தைக் குறிக்கும் இடமாக அலுவலகம் எனும் சொல் பயன்படலாம். பெயர்ச்சொல் வடிவத்தில், "அலுவலகம்" என்ற சொல் வணிகம் தொடர்பான பணிகளைக் குறிக்கலாம். சட்டப்படி, ஒரு நிறுவனம் அல்லது அமைப்பு அதிகாரப்பூர்வ இருப்பைக் கொண்ட எந்த இடத்திலும் அலுவலகங்களைக் கொண்டுள்ளது, அவை ஒரு களஞ்சியமாக இருந்தாலும் கூட, எடுத்துக்காட்டாக, ஒரு மேசை மற்றும் நாற்காலி ஆகியன இல்லாமல் இருந்தாலும் அவை அலுவலமாகும். ஒரு அலுவலகம் என்பது ஒரு கட்டிடக்கலை மற்றும் வடிவமைப்பு நிகழ்வாகும். இதில் சிறிய அலுவலகங்கள் அல்லது (ஓர் சிறிய அறையில் மேசை மட்டும் கொண்டது, வீட்டு அலுவலகம்) ஒரு நிறுவனத்திற்கு முற்றிலும் அர்ப்பணிக்கப்பட்ட பெரிய கட்டிடங்களையும் இது உள்ளடக்கியுள்ளது. நவீன யுகத்தில், வெள்ளை கழுத்துப் பட்டைப் பணியாளர்கள் வேலை செய்யும் இடத்தினைக் குறிக்கிறது.
வரலாறு
[தொகு]![](http://upload.wikimedia.org/wikipedia/commons/thumb/c/c2/JackLondon-office-1916.jpg/220px-JackLondon-office-1916.jpg)
"அலுவலகம்" என்ற சொல் இலத்தீனின் "ஆஃபிசியம் officium" என்பதிலிருந்து உருவானது, அலுவலகம் என்பது ஒரு இடமாக இருக்க வேண்டிய அவசியமில்லை, மாறாக ஒரு மனிதப் பணியாளர் என்ற பொருளில் நடமாடும் 'பணியகம்' அல்லது குற்றவியல் நடுவர் போன்ற ஒரு முறையான பதவியின் சுருக்கமான கருத்தாகவும் இருக்கலாம்.
அலுவலக இடங்கள்
[தொகு]அலுவலகச் சூழலின் முக்கிய நோக்கம் அதன் குடியிருப்பாளர்கள் தங்கள் வேலைகளைச் செய்வதில் ஆதரவளிப்பதாகும்.[1] குறைந்த செலவில் மனநிறைவான வசதிகளைப் பெறுவது முன்னுரிமையாகும். இருப்பினும், வெவ்வேறு நபர்கள் வெவ்வேறு பணிகளையும் செயல்பாடுகளையும் செய்வதால், சரியான அலுவலக இடங்களைத் தேர்ந்தெடுப்பது எப்போதும் எளிதானது அல்ல. பணியிடத்திலும் அலுவலக வடிவமைப்பிலும் முடிவெடுக்க உதவுவதற்காக, பணியிடங்கள், சந்திப்பு இடங்கள் மற்றும் ஆதரவு இடங்கள் என மூன்று வெவ்வேறு வகையான அலுவலக இடங்களை ஒருவர் வேறுபடுத்திக் காணலாம்.
பணியிடங்கள்
[தொகு]ஒரு அலுவலகத்தின் பணியிடங்கள் பொதுவாக வாசிப்பு, எழுதுதல் மற்றும் கணினி வேலை போன்ற வழக்கமான அலுவலக நடவடிக்கைகளுக்குப் பயன்படுத்தப்படுகின்றன. ஒன்பது பொதுவான வகையான பணியிடங்கள் உள்ளன, ஒவ்வொன்றும் வெவ்வேறு செயல்பாடுகளை ஆதரிக்கின்றன.
-
திறந்தவெளி அலுவலகம்
-
அணி இடங்கள்
-
குறுவறை
திறந்த அலுவலகம்: பத்துக்கும் மேற்பட்டவர்களுக்கானது. அடிக்கடி தொடர்பு கொள்ள வேண்டிய செயல்பாடுகள் அல்லது ஒப்பீட்டளவில் குறைந்த கவனம் தேவைப்படும் வழக்கமான செயல்பாடுகளுக்கு ஏற்றது.
அணி இடங்கள்: இரண்டு முதல் எட்டு பேர் வரை வேலை செய்யக்கூடிய பகுதி மூடிய பணியிடம், குழுப்பணிக்கு ஏற்றது. அடிக்கடி தொடர்பு கொள்ளக்கூடியதற்கும் நடுத்தர அளவிலான கவனக்குவியத்திற்கும் இது பொருத்தமானதாக இருக்கும்.
குறுவறை: நடுத்தர கவனக் குவியத்திற்கும் நடுத்தர தொடர்புக்கும் தேவைப்படும் செயல்பாடுகளுக்கு ஏற்ற ஒரு நபருக்கு ஏற்ற பணியிடம்.
-
தனிநபர் அலுவலகம்
-
பகிரப்பட்ட அலுவலகம்
-
குழு அலுவலகம்
-
பயிலகப் பகுதி
-
இளைப்பாறுமிடம்
-
தரை தொடுப் பகுதி
மேற்கோள்கள்
[தொகு]- ↑ "Office Environment | NIOSH | CDC". www.cdc.gov (in அமெரிக்க ஆங்கிலம்). 2022-12-08. பார்க்கப்பட்ட நாள் 2023-11-15.