Limeryk
![](http://upload.wikimedia.org/wikipedia/commons/thumb/e/e8/Limerick_on_the_walls_of_Limerick.jpg/200px-Limerick_on_the_walls_of_Limerick.jpg)
Limeryk (yng. limerick) – zorta humorystycznyj poezyje, co pochodzi ze Irlandyje a Wielgij Brytanije. To sōm szpasowne epigramy na dowolny tymat, co charakteryzujōm sie kōmicznymi abo groteskowym elymyntami, parōnōmazyjōm, kalamburami, słownymi szpilami.
Budowa
[edytuj | edytuj zdrzōdło]Limeryk to je piyńciowersowy wiyrsz ze rymami ô układzie aabba. Tradycyjny rytmiczny ukłod to trzistopowe anapesty we piyrszym, drugim a piōntym wersach, a dwustopowe – we trzecim a sztwortym. Rytmiczny systym bywo naruszany, nale sztruktura rymōw je niyôdłōncznōm składowōm limerykōw.
Kōmpozycyjo limerykōw przestrzygo ustalōnych prawidoł:
- we piyrszym wersie spōmino sie bohatera a plac, z kerego pochodzi (nojczyńścij je to geograficzne miano);
- we drugij godka e ô tym, co tyn bohater srobiōł, co sie ś nim stało abo czym sie cechuje;
- trzeci a sztworty to je kulinacyjo dramatycznego wōntku;
- piōnty wers to je rozwiōnzaniy, kere mo zaskakować abo być absurdalnym.
Po ślōnsku
[edytuj | edytuj zdrzōdło]Piyrszy ślōnski kōnkurs limerykōw ôdbōł sie we 2011. roku, laureatami ôstali Bernard Śmigała a Barbara Politaj. Piszōm jich tyż miyndzy inkszymi Wojciech Janik[1], Stanisław Neblik[2] a Mirosław Syniawa[3].