Wafiadini wa Uganda
![](http://upload.wikimedia.org/wikipedia/commons/thumb/f/f0/Karoli_Lwanga_and_his_followers.jpg/220px-Karoli_Lwanga_and_his_followers.jpg)
![](http://upload.wikimedia.org/wikipedia/commons/thumb/2/22/Namugongo_06.jpg/230px-Namugongo_06.jpg)
![](http://upload.wikimedia.org/wikipedia/commons/thumb/a/ad/Namugongo_03.jpg/230px-Namugongo_03.jpg)
Wafiadini wa Uganda ni watu wa dini mbalimbali, hasa Ukristo, hususan madhehebu ya Anglikana na Kanisa Katoliki, waliouawa katika nchi ya Uganda kutokana na dhuluma dhidi ya imani.
Wafiadini wa karne ya 19
[hariri | hariri chanzo]Watakatifu hao wanaonyeshwa katika filamu "Millions".
Wafiadini Wakatoliki
[hariri | hariri chanzo]![](http://upload.wikimedia.org/wikipedia/commons/thumb/c/c7/St_Kizito_glass_window_at_Namugongo.jpg/220px-St_Kizito_glass_window_at_Namugongo.jpg)
Kati yao wanajulikana na kuheshimiwa duniani kote kwa namna ya pekee Wakatoliki 22 waliokuwa wahudumu wa ikulu ya kabaka wa Buganda Mwanga II (1884 - 1903) ambao waliuawa kati ya tarehe 15 Novemba 1885 na tarehe 27 Januari 1887 kwa sababu ya kumwamini Yesu Kristo baada ya kuhubiriwa Injili na Wamisionari wa Afrika walioandaliwa na kardinali Charles Lavigerie.
Ndio wafiadini wa kwanza wa kusini kwa Sahara kuheshimiwa na Kanisa Katoliki kama watakatifu. Majina yao ni haya:
- Yosefu Mukasa Balikuddembe († Nakivubo, 15 Novemba 1885), wa ukoo Kayozi, wa kwanza kuuawa akiwa na umri wa miaka 25.
- Dionisi Ssebuggwawo († Munyonyo, 25 Mei 1886), wa ukoo Musu.
- Andrea Kaggwa († Munyonyo, 26 Mei 1886), wa kabila la Banyoro, ndugu wa mfalme.
- Ponsyano Ngondwe († Ttakajjunge, 26 Mei 1886), wa ukoo Nnyonyi Nnyange.
- Atanasi Bazzekuketta († Nakivubo, 27 Mei 1886), wa ukoo Nkima.
- Gonzaga Gonza († Lubowa, 27 Mei 1886), wa ukoo Mpologoma, kabila la Basoga.
- Matias Mulumba Kalemba († Kampala, 30 Mei 1886), wa kabila la Banyoro, ukoo Lugave.
- Noe Mawaggali († Mityana, 31 Mei 1886), wa ukoo Ngabi.
- Karolo Lwanga († Namugongo, 3 Juni 1886), wa ukoo Ngabi. Pamoja naye waliuawa hawa wafuatao:
- Luka Banabakintu (miaka 35), wa ukoo Mmamba;
- Yakobo Buzabaliawo (miaka 25), wa ukoo Ngeye;
- Gyavira Musoke (miaka 17), wa ukoo Mmamba;
- Ambrosi Kibuka (miaka 18), wa ukoo Lugave;
- Anatoli Kiriggwajjo (miaka 20), wa kabila la Banyoro;
- Mukasa Kiriwawanvu (miaka 20), wa ukoo Ndiga;
- Achile Kiwanuka (miaka 17), wa ukoo Lugave;
- Kizito, kijana kuliko wote, kwa kuwa alizaliwa mwaka 1872, wa ukoo Mmamba;
- Adolfo Mukasa Ludigo (miaka 24), wa kabila la Banyoro;
- Mugagga Lubowa (miaka 16), wa ukoo Ngo;
- Bruno Sserunkuma (miaka 30), wa ukoo Ndiga;
- Mbaga Tuzinde (miaka 17), wa ukoo Mmamba;
- Yohane Maria Muzei, mzaliwa wa eneo la Kagera (Tanzania ya leo), wa mwisho kuuawa († Mengo, 27 Januari 1887) akiwa na umri wa miaka 30.
Katika ibada ya kuwatangaza hao (18 Oktoba 1964), Papa Paulo VI alitaja pia kwa jumla wafiadini wengine wa dhuluma hiyo waliokuwa wa madhehebu ya Anglikana.[1].
Wafiadini wa Anglikana
[hariri | hariri chanzo]Labda ni wengi zaidi Waanglikana waliouawa katika dhuluma hiyo, kuanzia Yusufu Lagamala, Mark Kakumba na Noah Seruwanga waliokatwakatwa vipandevipande na kuchomwa moto tarehe 31 Januari 1885.
Waliofuata ni askofu James Hannington na wenzake waliouawa tarehe 29 Oktoba 1885 kabla hawajaingia Buganda.
Mwaka 1886, kati ya tarehe 25 Mei na 3 Juni, waliuawa: Moses Mukasa (kwa mkuki), Muddwaguma na Elias Mbwa (kwa kuhasiwa), David Muwanga (tarehe na aina ya kifo chake haijulikani), Omuwanga, Kayizzi Kibuka, Mayanja Kitogo (aina ya kifo chao haijulikani), Alexander Kadako na Frederiko Kidza (kwa kupigwa), Noah Walikaga , Daniel Nakabandwa, Kiwanuka Gizayo, Mukasa Lwa Kisiga, Lwanga, Mubi, Wasswa, Kwabafu, Kifamunyanja, Muwanga Njigija (wote kwa kuchomwa moto), Robert Munyagabyanjo (kwa kukatwakatwa vipandevipande na kuchomwa moto).
Mfiadini wa Uislamu
[hariri | hariri chanzo]Katika dhuluma hiyohiyo aliuawa pia Mwislamu mmoja.
Wafiadini wa karne ya 20
[hariri | hariri chanzo]Wafiadini Wakatoliki
[hariri | hariri chanzo]Mwanzoni mwa karne ya 20 vijana wawili tena wa Kanisa Katoliki walimfia Yesu (1918) wakatangazwa wenye heri na Papa Yohane Paulo II mwaka 2002: Daudi Okelo na Jildo Irwa.
Mfiadini wa Anglikana
[hariri | hariri chanzo]![](http://upload.wikimedia.org/wikipedia/sw/thumb/3/39/Akofu_Luwum.jpg/200px-Akofu_Luwum.jpg)
Mwaka 1977 Idi Amin alimuua askofu mwingine wa Anglikana, Janani Luwum.
Tazama pia
[hariri | hariri chanzo]- Watakatifu wa Agano la Kale
- Orodha ya Watakatifu Wakristo
- Orodha ya Watakatifu wa Afrika
- Orodha ya Watakatifu Wafransisko
Tanbihi
[hariri | hariri chanzo]- ↑ "Et mentione digni sunt alii etiam, qui, anglicana instituta religiosa profitentes, pro Christi nomine morte affecti sunt." ("And the others are worthy of mention also, who, professing the Anglican religious customs, were afflicted with death for the name of Christ.") Vatican Archive
Marejeo
[hariri | hariri chanzo]- J. FRANSE, W.F., Mashahidi 22 wa Uganda – tafsiri ya C. Kuhenga n.k. – ed. T.M.P. Book Department – Tabora 1981
Viungo vya nje
[hariri | hariri chanzo]- The Christian Martyrs of Uganda Archived 19 Julai 2014 at the Wayback Machine.
- Biographical sketches of memorable Christians of the past
- Encyclopedia Britannica Online
- Uganda Martyrs' Shrine, Namugongo
- The Uganda Martyrs from the August 2008 issue of The Word Among Us magazine
![]() |
Makala hii kuhusu dini ya Ukristo bado ni mbegu. Je, unajua kitu kuhusu Wafiadini wa Uganda kama historia yake, matokeo au athari zake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |