Wahyu Wibisana
| Wahyu Wibisana | |
|---|---|
| Gumelar | 19 Januari 1935 Tasikmalaya, Jawa Kulon, Hindia-Walanda |
| Tilar dunya | 13 Oktober 2014 (yuswa 79) Bandung, Jawa Kulon, Indonesia |
| Pagawéan | Sastrawan |
Wahyu Wibisana (gumelar di Tasikmalaya, 19 Januari 1935 – maot di Bandung, 13 Oktober 2014 dina umur 79 taun) nyaéta panyajak Sunda jeung pangarang skénario ngarangkep sutradara. Nyuprih atikan di SR, OVVO (1950), Sakola Guru B (1952), KGA (1952), sarta cacap meunang gelar sarjana di IKIP Bandung (ayeuna UPI) taun 1981. Kalintang réa karyana dina wangun puisi anu saterusna disanggi ku Mang Koko (alm) jadi kawih abadi, saperti “Bulan Bandung Panineungan”, “Kembang Tanjung Panineungan”, “Reumis Beureum dina Eurih”, “Samoja”, "Gupay Pileuleuyan", jsté. Wahyu ogé loba nulis Gending Karesmén anu biasa disutradaraan ku manéhna dina pagelaran nu kolosal saperti "Mundinglaya Saba Langit" (Bandung, 1962), Inten Déwata (Garut, 1963), Galunggung Ngadeg Tumenggung (Tasikmalaya, 1964), jsté. Anu pangsuksésna nyaéta "Si Kabayan" taun 1966 anu laguna dikarang ku Mang Koko jeung pernah dipéntaskeun dina raraga ngaresmikeun Taman Ismail Marzuki (1969) di Jakarta. Sajaba ti jadi sastrawan, Wahyu kungsi ogé jadi guru, jurnalis, aktivis di sababaraha organisasi kasundaan. Anjeunna ogé salah sahiji panaratas Majalah Manglé di Bogor
Karya
[édit | édit sumber]- Dua Utusan (1956)
- Wangsit Siliwangi (1964)
- Tonggérét Banén (1967)
- Mundinglaya di Kusumah (1975)
- Geber-Geber Hihid Aing (1976),
- Tukang Asahan (1978),
- Urang Naon di Cinaon (Kumpulan Sajak-1992)
- Riring-Riring Ciawaking (Kumpulan Dangding, 1999)
- Anaking Jimat Awaking (Kumpulan Prosa Lirik, 2002)
Rujukan
[édit | édit sumber]http://daluang.com/baca/isi/wahyu-wibisana Archived 2011-06-18 di Wayback Machine
|
Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |