Rujak
Kadaharan lada nu dijieun tina rupa-rupa bungbuahan ngora atawa beubeutian. Bungbuahan jeung beubeutian nu dijieun rujak biasana buah ngora, balingbing, ganas, kadongdong, bangkuang, jsté. Nyieunna mah kawilang babari. Rupa-rupa bahan nu disebut di luhur dikeureutan. Bungbuna kayaning asem, céngék, cabé, jeung gula beureum diréndos dina coét. Rujak kawas kieu disebut rujak uleg. Ilaharna didahar pabeubeurang babarengan. Aya ogé rujak nu ngahaja dijieun dina acara husus anu disebutna babarit, rujakna disebut rujak kanistrén. Aya ogé rujak anu bungbu, bungbuahan, jeung beubeutian dibebek babarengan, disebutna rujak bebek.[1]
Catetan
[édit | édit sumber]- ↑ Ajip Rosidi, dkk, (2000). Ensiklopedi Sunda: Alam, Manusia, Budaya (termasuk budaya Betawi dan Cirebon). Jakarta: Pustaka Jaya.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |