Inflasi
![](http://upload.wikimedia.org/wikipedia/commons/thumb/4/40/Inflasi_2.png/330px-Inflasi_2.png)
Inflasi nyaéta proses ngaronjatna harga sacara umum, anu nuluy sarta miboga hubungan jeung mékanisme pasar[1]. Inflasi bisa dilantarankeun ku sababaraha faktor, di antarana konsumsi masarakat anu ningkat, likuiditas anu teu saimbang, jeung prosés distribusi barang anu teu lancar[1]. Ékonomi hiji nagara bisa dianggap keur inflasi lamun harga di pasar tuluy naék, sarta silih mangaruhan jeung hal séjénna[1]. Pikeun ngukur laju inflasi, bisa ngagunakeun téhnik Indeks Harga Konsumen (IHK) jeung Deflator PDB[1].
Faktor
[édit | édit sumber]Aya sababaraha faktor anu ngalantarankeun hiji nagara bisa inflasi, di antarana:
- Demand pull inflation[2], dilantarankeun minat masarakat ka hiji produk (barang jeung jasa) naék[2]. Ieu hal dibarengan ku fénoména likuiditas di pasar, jumlah paménta anu loba ngalantarankeun parobahan harga anu luhur[2]. Ieu hal ngalantarankeun faktor produksi ngilu jadi mahal[2].
- Cost push inflation[2], dilantarankeun ngaronjatna biaya produksi dina waktu anu geus ditangtukeun[2]. Faktor produksi anu hésé sarta distribusi teu lancar bisa ngakibatkeun inflasi[2].
- Mixed inflation[2], nyaéta teu saimbangna jumlah paméta jeung jumlah produk anu ditawarkeun[2].
Jenis
[édit | édit sumber]Aya sababaraha jenis inflasi nyaéta:
Dumasar harga
[édit | édit sumber]- Inflasi ringan, kondisi naékna harga di handap 10% dina sataun[3].
- Inflasi sedang, kondisi naékna harga antara 10% - 30% dina sataun[3].
- Inflasi tidak terkendali, kondisi naékna harga di luhur 100 % dina sataun[3].
Dumasar asalna
[édit | édit sumber]- Inflasi ti nagara asal[3].
- Inflasi ti luar negri[3].
Dumasar sumebarna pangaruh harga
[édit | édit sumber]- Inflasi nutup, mangrupa naékna harga anu hubunganana jeung hiji produk atawa dua barang sacara husus[3].
- Inflasi muka, naékna harga dina sakabéh barang sacara umum[3].
- Hiperinflasi, mangrupa kaayaan harga barang atawa jasa tuluy barobah jeung naék unggal waktu[3].
Solusi
[édit | édit sumber]Aya sababaraha solusi sangkan nagara teu kakurung ku inflasi. Éta solusi téh di antarana:
- Kawijakan fiskal[4]. Inflasi bisa ditahan ku kawijakan fi[1]skal. Carana ku ngatur kaluar-asupna kabutuhan pamaréntah[4]. Ku cara hémat biaya keur pamaréntah, inflasi bisa ditahan, sarta bisa naékkeun tarif pajeg rumah tangga jeung perusahaan[4].
- Kawijakan monétér[4]. Ieu hal mangrupa léngkah anu dilakukeun pikeun ngajaga stabilna monétér[4]. Ieu kawijakan bakal ngaraharjakeun masarakat[4]. Carana ku ngawatesanan jumlah duit anu sumebar ka masarakat, naékkeun suku bunga, jeung ngalarapkeun kawijakan operasi pasar sacara transparan[4].
- Ngaronjatkeun jumlah produksi jeung jumlah barang di pasar[4]. Netepkeun harga maksimum pikeun sababaraha jenis barang[4].
Dampak
[édit | édit sumber]Aya sababaraha dampak tina inflasi, di antarana:
- Mangaruhan kana kondisi masarakat[1]. dampak positifna bisa mekarkeun produksi sangkan ngaronjatkeun ékonomi masarakat[1]. Inflasi bisa jadi negatif lamun niléy duit anu ditarima teu robah, sedengkeun harga barang jeung jasa mingkinan naék[1].
- Biaya ékspor nalika inflasi bakal naék[1]. Ieu hal bakal mangaruhan pikeun palaku ékspor. Kamampuh ékspor ti hiji nagara bakal ngurangan lantaran éléh saing ku nagara séjén[1]. Jumlah bati tina dévisa gé bakal ngilu turun[1].
- Leungitna minat pikeun nabung, lantaran biaya administrasi anu naék lantaran inflasi[1].
Daftar Référénsi
[édit | édit sumber]- ↑ a b c d e f g h i j k l "Inflasi - Pengertian, Jenis dan Contohnya | Tokopedia Kamus". Tokopedia. Diakses tanggal 2021-04-30.
- ↑ a b c d e f g h i "Faktor Penyebab Inflasi dalam Perekonomian dan Cara Menanganinya". merdeka.com. Diakses tanggal 2021-04-30.
- ↑ a b c d e f g h Media, Kompas Cyber. "Jenis-jenis Inflasi yang Bisa Terjadi Halaman all". KOMPAS.com (dalam Indonesian). Diakses tanggal 2021-04-30.
- ↑ a b c d e f g h i "Cara Mengatasi Inflasi Kelas X Ekonomi | Zenius Education". zenius.net. Diakses tanggal 2021-04-30. Archived 2021-04-30 di Wayback Machine