Skierstins
![](http://upload.wikimedia.org/wikipedia/stq/thumb/0/06/Skierstins-2.jpg/300px-Skierstins-2.jpg)
Ju Skierstins wuud uum dät Jier 1300 in Feanwâlden (nl: Veenwouden) in ju Meente Dantumadiel in ju Provinz Fryslân baud. Dät ooldste Dokument uur ju Skierstins is uut dät Jier 1439. Deer wuud uur dät Schira Monnika huse skrieuwen. Ju Skierstins is ju lääsde uurblieuwne Stins in Fryslân, ju nit oubreeken af tou ne uur Steede ferbaud wuude.
Stinzen sunt in Fryslân oolde steerke Steenhuuse, do uum do Tied fuul in Fryslân baud wuuden sunt.
Dät Bauwurk wuud bekoant as Skierstins. Ju Stins is noomd ätter do Munneke fon dät Klaaster Klaarkamp bie Rinsumageast, do tou do Sistersjenzers af Skiere mûntsen (Benediktinen) heerden.
Geskichte
[Beoarbaidje | beoarbaidje Wältext]Dät Klaaster hied ju Stins in 1429 in hieren Besit kriegen. In dän tweeden Hoolichdeel fon dät 16. Jierhunnert keem ju Stins in privoate Hounde un wuud gratter moaked. As in 1814 die Buurmääster fon Ljouwert die Oainer wuud, hiede die Touden two Ounbaue uut dät 16. Jierhunnert. Die Buurmääster liet deer n Suumerhuus, n Hoangstestaal un n Park iengjuchte.
Ätter 1900 wuud ju Stins ap Initiative fon ju Fräiske Meenskup (Frysk Genoatskip) restaurierd un 1960 keem deer n Postkantor in ju Stins. Ätter dät ju Meente Dantumadiel die naie Oainer wuud, wuud ju Stins wier restaurierd und dät wuud n Museum mäd n Räids- un Kapläärsoal un deer ätter n kultuuräl Säntrum. In 2000 wuud deer buppe in dän Touden uk ju Theun de Vrieskeamer iengjucht foar ne Uutstalling uur dän Skrieuwer Theun de Vries, die in Feanwâlden bädden is. Ju Kollektie heerd tou ju Theun de Vriesgenoatskip.
Däälich
[Beoarbaidje | beoarbaidje Wältext]Däälich is ju Stins in dän Besit fon ju Meente un deer is n kultureel Säntrum iengjucht. Älke Mound sunt der ferskeedene Ferounstaltengen, uk foar Bäidene. In ju Skierstins kon hilked wäide. Buppe in dän Touden is ju Theun de Vrieskeamer iengjucht. Ju Stins un die Stinzen- un Kruidentuin deerbie konne besichtiged wäide.
Stinzeflora
[Beoarbaidje | beoarbaidje Wältext]Uum ju Skierstins rakt dät fuul Stinzeplonten. Dän Noome häd die Botanikus Dr. Jacob Botke in 1932 dät eerste Moal bruukt, uumdät do Ienwoonere fon Feanwâlden dät bie de Skierstins woaksende Haarlimmer Klokkespul Stinzebloumen naamden.
Sjuch uk
[Beoarbaidje | beoarbaidje Wältext]Ferbiendenge ätter buuten
[Beoarbaidje | beoarbaidje Wältext]- Webstee fan de Skierstins (Niederloundsk)
- De Schierstins - Histoarje
- Frysk Deiblêd, 10 maart 2008 - Skierstins kricht Kollektie De Vries
- Stinzenflora Fryslân - Skierstins
- Nai Bouk: 'De Schierstins, een ongekende schat', 64 Sieden
Säärken |