Frankfurt an 'n Main
Frankfurt an 'n Main | ||
![]() | ||
Statistieke | ||
Ienwoonertaal | 717,624 (2014-12-3)[1] | |
Fläche | km² | |
Befoulkengstichte | km² | |
Höchte | 24-115 M. buppe N.N. | |
Politik | ||
Lound | Düütsklound | |
Uur | ||
Tiedzone | UTC +1 | |
*Suumertied | UTC +2 | |
Websiede | www.frankfurt.de |
Frankfurt an n Main is ne Stääd in dät düütske Buundeslound Hessen. Deer woonje uungefeer 690.000 Ljuude un dät is ju grootste Stääd fon dät Buundeslound. Ätter Berlin, Hambuurich, München un Köln is dät ju füüftgrootste Stääd fon Düütsklound. Al in dät Hillige Roomske Riek waas Frankfurt ne wichtige Stääd; däälich is dät dät finanzielle Säntrum fon Düütsklound un Europa.
Stäädbielde
[Beoarbaidje | beoarbaidje Wältext]Deer stounde fuul hooge Bauwierke, wierfon eenige tou do hoochste Bauwierke fon Europa heere.
![](http://upload.wikimedia.org/wikipedia/commons/thumb/d/da/Frankfurt_aerial.jpg/200px-Frankfurt_aerial.jpg)
Fon deer kumt uk die Öökelnoome Mainhattan, die sik touhoopesät uut ju Äi Main un Manhattan, aan Stääddeel fon New York, dät ja noch eerder foar sien Hoochhuuse bekoand waas.
Eer dän Twäide Waareldkriech waas dät aal uurs. Domoals hiede Frankfurt een baldoarich groote Ooldstääd un waas bekoand foar Fäkwierkhuuse. Man fon ju Ooldstääd is ätter ju Bombardierenge bloot min uurichblieuwen un noch minner in dän Wierapbau, die gau gunge skuul un sik nit nouch Tied noom, hoolich fernäilde Huuse wier ap Steede tou brangen.
Uumdät deer nit moor fuul fon ju originoale Ooldstääd uurich is, wuuden un wäide wäkke wichtige Bauwierke ätter Jiertjaande ätterbaud, moor of minner so as jo wieren.
In dät Doom-Römer-Projekt tou n Biespil skäl ap dän Gruundsleek fon dät ourietene Techniske Räidhuus, foar dät eer sin Bau in 1972 noch Ooldstäädhuuse fernäild wuuden sunt, dät oolde Sträitennätwierk wier häärstoald wäide. Buppedät skällen deer fieuwuntrüütich Huuse baud wäide, deerfon füüftien as Rekonstruktsjoon fon n Ooldstäädhuus, do uur in een Oard un Wiese, dät se ju Bielde nit minnerje skällene.
-
Dät "Haus zur Goldenen Waage" eer dän Kriech. Bolde skäl dät wier apbaud wäide.
-
Die originoal fon ju Ooldstääd ärheeldene Eschenheimer Touden foar dän Nextower fon 2009
-
Wierapbaude Ooldstäädhuuse
-
Hoochhuuse
Wällen, Anmäärkengen un Ätterwiesengen:
- ↑ Regional monitoring 2012, German metropolitan regions