Qeveria Rama I
Appearance
Qeveria Rama I | |
---|---|
![]() Kabienti i 65 i Shqipërisë | |
2013-2017 | |
Data e krijimit | 15 shtator 2013 |
Data e shpërbërjes | 13 shtator 2017 |
Njerëz dhe organizata | |
President | Bujar Nishani |
Kryeministër | Edi Rama |
Zëvendëskryeministër | Niko Peleshi (15 Shtator 2013 – 22 Maj 2017) Ledina Mandia (22 Maj 2017 – 13 Shtator 2017) |
Nr. i ministrave | 19 |
Nr. total i anëtarëve | 36 |
Partitë anëtare | PS, LSI |
Parti opozitare | PD, PR |
Kryetarë opozitarë | Lulzim Basha |
Historia | |
Zgjedhja | Zgjedhjet 2013 |
Zgjedhja e kaluar | Zgjedhjet 2009 |
Paraardhës | Qeveria Berisha II |
Pasardhës | Qeveria Rama II |
Qeveria Rama-Meta erdhi në detyrë pas fitores së koalicionit PS-LSI në zgjedhjet e 23 qershorit 2013. Përfundimi i detyrës parashikohet në vitin 2017 kur do të zhvillohen edhe zgjedhjet e ardhshme parlamentare. Përpara saj në detyrë ishte qeveria Berisha-Meta, e cila qeverisi për katër vitet e mëparshme. Detyra kryesore në formimin e qeverisë ishte në duart e Edi Ramës, kryetari i partisë që në koalicion kishte më shumë vota, i cili është edhe kryeministër.[1] Ilir Meta mban postim e kryetarit të parlamentit.
Kronologji e ngjarjeve kryesore gjatë qeverisjes Rama
[Redakto | Redakto nëpërmjet kodit]2013
[Redakto | Redakto nëpërmjet kodit]- 13 shtator 2013 - Kryeministri Edi Rama gjatë një vizite në Republikën e Kosovës, mban një fjalim në parlamentin e saj. Fjalimi i Ramës ngjalli një sërë kritikash dhe reagimesh për faktin se ky i fundit nuk e pëmendi fare, duke e anashkaluar, rolin dhe kontributin e Ibrahim Rugovës në shtetndërtimin dhe dhënien e lirisë për popullin e Kosovës, duke cituar nga ana tjetër Rexhep Qosen. Fjalimi shkaktoi largimin e menjëhershëm të deputetëve të LDK-së nga salla e Kuvendit. Reagime pati nga shqiptarët brenda dhe jashtë Kosovës.[2][3][4] Ndër të tjera reagoi edhe, Sali Berisha, ish kryetar i Partisë Demokratike të Shqipërisë duke e quajtur vizitën "një akt përçarës të paimagjinueshëm[...]".[4]
- Negociatat sekrete të qeverisë Rama për të sjellë armët kimike të Sirisë në Shqipëri.[nevojitet citimi]
- Vjedhja e serverit te tatimeve dhe 20 milione deklaratave tatimore të qytetarëve.
- Epidemia e shpërthimeve të tritolit dhe vrasjeve. [nevojitet citimi]
- Perdorimi i aeroporteve dhe bazave te tjera te ushtarake per trafik droge. [nevojitet citimi]
2014
[Redakto | Redakto nëpërmjet kodit]- gusht 2014 - Në zyrën/përfaqësinë e deputetit të Partisë Socialiste Koço Kokëdhima, në Sarandë, shpërthen një skandal seksual pedofilie. Sekretari i Deputetit Kokëdhima, 62 vjeçari Agron Cane akuzohet dhe me anë të një videoje demonstrohet se ka përfituar seks në këmbim të punës dhe se po kërkonte seks me fëmijën minorene të një qytetareje që kërkonte punë, çka edhe e ka shtyrë qytetaren për të denoncuar sektetarin e deputetit Kokëdhima.[5] Prokuroria ka nisur hetimet dhe dyshon edhe për raste të tjera pedofilie dhe kërkesash seksuale.[6]
- 6 shtator 2014 - Erion Veliaj, Ministër i Mirëqenies Sociale dhe Rinisë, martohet me Ajola Xoxën në kalanë e Gjirokastrës, sipas hetimeve të mediave të ndryshme, duke i deklaruar dhe faturuar shpenzimet e dasmës private si një aktivitet kulturor, çka sipas sipas ligjit përbën abuzim me pushtetin.[7] Më 17 shtator Genc Pollo në funksionin e kryetarit të Komisionit për Edukimin dhe Mjetet e Informimit Publik, jep një deklaratë për mediat ku zbulon një letër kërcënuese të Erion Veliaj drejtuar TV Agon, i cili ka kryer edhe hetime mbi paratë publike të përdorura për dasmën private të Ministrit Erion Veliaj.[8]
- 17 shtator 2014 – Gjykata Kushtetuese shpall si të papajtueshëm me Kushtetutën e Republikës së Shqipërisë vendimin nr.354, datë 04.06.2014 të Këshillit të Ministrave të qeverisë Rama-Meta, “Për ngritjen e bazës së të dhënave IMEI për regjistrimin e numrave IMEI të aparateve celulare, që përdoren në rrjetet e shërbimeve të komunikimeve të lëvizshme”.[9] Për këtë vendim të qeverisë pati debate publike dhe kritika të ashpra ndaj qeverisë për shkak të shkeljes së lirive dhe të drejtave themelore të privatësisë sl individit.[10]
- 22 nëntor 2014 - Më 22 nëntor zhvillohet një protestë mbarëqytetare e organizuar nga Partia Demokratike. Gjatë protestës kanë mbajtur fjalime eksponentë të PD dhe qytetarë të ndryshëm. Kryetari i Partisë Demokratike gjatë fjalimi të tij u shpreh: “Ka një rregull në botën demokratike: kur nuk përmbush kontratën, nuk dhunohet qytetari, por jepet dorëheqja”, dhe më tej: “kur merr të gjithë pushtetin, do mbash edhe të gjitha përgjegjësitë. Kontrata me Shqipërinë është e shenjtë"[11]
2015
[Redakto | Redakto nëpërmjet kodit]- 26 janar 2015 - Më 26 janar 2015, në orën 11:00 (paradite), mijëra qytetatarë në mbarë vendin kanë fikur për 5 minuta makinat e veta në shenjë proteste për çmimin e lartë të karburantit në Shqipëri.[12][13] Protesta erdhi pasi çmimi i karburantit në vend vazhdon të mbetet i lartë pavarësisht se çmimin në tregjet ndëkombëtare pësoi një rënie të ndjeshme. Shkak për këtë mos-zbritje të çmimeve janë taksat e larta qeveritare mbi karburantin dhe mbi qarkullimin e makinave.[12][13]
- 25 shkurt 2015 - Deputeti i Partisë Socailiste Tom Doshi në një debat me Gramoz Ruçin deklaron se qeveria Rama-Meta dhe disa ministra të saj janë të konsumuar dhe se arroganca e tyre ka arritur kulmin duke shpërfilluar problemet e popullit dhe të bazës së partisë.[14] Ndër të tjera deputeti Doshi shtoi edhe se: " Unë mendoj se duhet bërë një analizë e thellë e qeverisë, sepse ka ministra që kanë performancë shumë të dobët. [...] Këtë arrogancë nuk e kanë pasur as ministrat e Berishës. Ata ministra që nuk e kanë mbështetjen e grupit parlamentar, duhet të ikin. [...]Drejtoresha e Tatimeve është bërë si “Vejusha e Zezë” e Eskobarit, e cila ka vënë nënën, motrën dhe vëllain si sekserë që punojnë për përfitimet e tyre. Drejtoresha e Doganave ka burrin e saj sekser. Kjo është e vërteta! "[14][15]
- 2 mars 2015 - Përjashtohet nga grupi parlamentar i PS deputeti socialsit Tom Doshi.[16] Përjashtimi vjen pas kritikave që Doshi kishte ngritur ndaj Kryeministrit Edi Rama dhe ndaj ministrave të kabinetit qeveritar Rama-Meta.[16] Pas njoftimit për përjashtimin nga grupi parlamentar i PS deputeti Doshi u shpreh se: "Edi Rama sot ka një tutor që quhet Ilir Meta, i cili ka paguar lekë dhe ka urdhëruar për të vrarë mua dhe Mhill Fufin. Ka pesë muaj që unë ja kam bërë të qartë edhe vetë Ilirit, edhe Edi Ramës, edhe kryeprokurorit të Përgjithshëm, edhe kryeprokurorit të Krimeve të Rënda. Unë kam informuar Senatin amerikan për këtë punë. Ja bëra të qarta të gjitha Edi Ramës, edhe për 21 janarin, edhe për të gjitha gjërat por gjatë ditëve na vazhdim do të keni edhe ju informacion."[17] I vetmi deputet i Partisë Socialsite që është artikuluar për këtë ngjarje ishte Ben Blushi i cili tha se:" sot me këtë përjashtim, humbi Partia Socialiste." [18]
- 17 prill 2015 - Gjykata Kushtetuese e Republikës së Shqipërisë shpall si anti kushtetues Kreun VI "Byroja Kombëtare e Hetimit" (nenet 27-36) të ligjit 108/2014 "Për Policinë e Shtetit" të hartuar dhe popozuar nga qeveria Rama-Meta. Ligji i kaluar në kuvend nga qeveria Rama, krijonte një strukturë hetimore (të re) të shkëputur nga Prokurioria, funksionimi i së cilës do të ishte në varësi të djretpërdrejtë të Kryeministrit dhe qeverisë duke e kthyer në një strukturë politike që bie në kundërshtim me Kushtetutën e Shqipërisë dhe me frymën e ndarjes së pushteteve.[19] Ligji ishte dërguar për shqyrtim në Gjykatën Kushtetuese nga Partia Demokratike e Shqipërisë në tetor 2014, ndër të tjera duke argumentuar se: "Byroja e Hetimit është një përpjekje për të ngritur një byro politike ku nga njëra anë të fabrikohen akuza për kundershtarët e kryeministrit, përfshi institucionet e pavarura, dhe nga ana tjetër të bëjë fshirjen dhe fshehjen e korrupsionit qeveritar."[20]
- 30 prill 2015 - Borxhi publik shqiptar ka arritur në 1 trilion lekë, një rekord historik. Borxhi publik i grumbulluar nga qeveria arrin në 72% të Prodhimit të Brendshëm Bruto (PBB), Të dhënat u botuan nga Ministria e Financave në muajin prill 2015.[21][22]
- 4 maj 2015 - Në një protestë të organizuar nga qytetarë të Kukësit kundër OSHEE-së,[23] ka ndërhyrë policia si dhe shefi i Krimeve Albion Xhitoni. Ky i fundit, me veshje civile, duke sharë dhe kërcënuar protestuesit me armën e shërbimit me siguresë të hequr, ka qenë edhe gjeneruesi i konfliktit.[23][24] Policia ushtron dhunë mbi organizatorin Nderim Lushi, duke e arrestuar me arsyetimin se protesta është e paligjshme.[25] Rreth ngjarjes është prononcuar edhe Avokati i Popullit, Igli Totozani, duke u shprehur se: "Avokati i Popullit dënon me forcë dhunën dhe veprimet e ushtruara nga personi civil, që vihet re në video dhe fton organet e policisë dhe të hetimit të marrin masa të menjëhershme ndaj këtij punonjësi”.[24]
- 11 gusht 2015 - Bëhet publik një vendim i Gjykatës së Lartë të Republikës së Shqipërisë që i kërkon Prokurorisë së Përgjithshme të Shqipërisë të nisi hetimet ndaj Edi Ramës në funksionin e ish-kryetarit të Bashkisë së Tiranës në lidhje me 3 leje ndërtimi të dhëna në vitet 2001 dhe 2004.[26] Më 23 mars 2015, Kolegji Penal i Gjykatës së Lartë vendosi anulimin/prishjen e një vendim të mëparshëm të Prokurorisë së Rrethit Gjyqësor Tiranë për "mos fillimin e procedimit penal" (si vendim i marrë nga organi jokompetent) dhe ia kalon çështjen Prokurorisë së Përgjithshme.[26] Rama akuzohet për dhënie lejesh ndërtimi të kundërligjshme për firmat e ndërtimit pranë tij dhe në dëm të buxhetit të shtetit[26]; kallzimi vjen nga shtetasi Sokol Hasani (ish-Nëndrejtor i ALUIZNIt) i cili më parë ka ngritur një kallëzim penal edhe për ish-Kryeministrin Berisha.[26][27]
Përbërja e Kabinetit
[Redakto | Redakto nëpërmjet kodit]Portfolio | Ministër | Filloi mandatin | Përfundoi mandatin | Partia | |
---|---|---|---|---|---|
Kryeministri | 15 Shtator 2013 | 13 Shtator 2017 | Socialist Party of Albania | ||
Zëvendëskryeministri | 15 Shtator 2013 | 22 Maj 2017 | Socialist Party of Albania | ||
22 Maj 2017 | 13 Shtator 2017 | Independent politician | |||
Ministria e Financave dhe Ekonomisë | 15 Shtator 2013 | 17 Shkurt 2016 | Socialist Party of Albania | ||
26 Shkurt 2016 | 22 Maj 2017 | Socialist Party of Albania | |||
22 Maj 2017 | 13 Shtator 2017 | Independent politician | |||
Ministria e Punëve të Brendshme | 15 Shtator 2013 | 19 Mars 2017 | Socialist Party of Albania | ||
24 Mars 2017 | 22 Maj 2017 | Socialist Party of Albania | |||
22 Maj 2017 | 13 Shtator 2017 | Independent politician | |||
Ministria e Mbrojtjes | 15 Shtator 2013 | 13 Shtator 2017 | Socialist Party of Albania | ||
Ministria për Europën dhe Punët e Jashtme | 15 Shtator 2013 | 13 Shtator 2017 | Socialist Party of Albania | ||
Ministria e Integrimit Evropian | 15 Shtator 2013 | 13 Shtator 2017 | Socialist Movement for Integration | ||
Ministria e Drejtësisë | 15 Shtator 2013 | 10 Nëntor 2015 | Socialist Movement for Integration | ||
13 Nëntor 2015 | 31 Janar 2017 | Socialist Movement for Integration | |||
3 Shkurt 2017 | 22 Maj 2017 | Socialist Movement for Integration | |||
22 Maj 2017 | 13 Shtator 2017 | PD | |||
Ministria e Infrastrukturës dhe Energjisë | 15 Shtator 2013 | 9 Shtator 2016 | Socialist Movement for Integration | ||
9 Shtator 2016 | 13 Shtator 2017 | Socialist Movement for Integration | |||
Ministria e Arsimit, Sportit dhe Rinisë | 22 Maj 2017 | 13 Shtator 2017 | Independent politician | ||
Ministria e Ekonomisë | 15 Shtator 2013 | 17 Shkurt 2016 | Socialist Party of Albania | ||
26 Shkurt 2016 | 13 Shtator 2017 | Socialist Party of Albania | |||
Ministria e Zhvillimit Urban dhe Turizmit | 15 Shtator 2013 | 13 Shtator 2017 | Socialist Party of Albania | ||
Ministria e Bujqësisë dhe Zhvillimit Rural | 15 Shtator 2013 | 13 Shtator 2017 | Socialist Movement for Integration | ||
Ministria e Shëndetësisë dhe Mbrojtjes Sociale | 15 Shtator 2013 | 19 Mars 2017 | Socialist Party of Albania | ||
19 Mars 2017 | 22 Maj 2017 | Socialist Party of Albania | |||
22 Maj 2017 | 13 Shtator 2017 | Independent politician | |||
Ministria e Punës dhe Çështjeve Sociale | 15 Shtator 2013 | 11 Maj 2015 | Socialist Party of Albania | ||
26 Maj 2015 | 19 Mars 2017 | Socialist Party of Albania | |||
24 Mars 2017 | 22 Maj 2017 | Socialist Party of Albania | |||
22 Maj 2017 | 13 Shtator 2017 | Independent politician | |||
Ministria e Kulturës | 15 Shtator 2013 | 13 Shtator 2017 | Socialist Party of Albania | ||
Ministria e Industrisë dhe Minierave | 15 Shtator 2013 | 13 Shtator 2017 | Socialist Party of Albania | ||
Ministria e Mjedisit | 15 Shtator 2013 | 13 Shtator 2017 | Socialist Movement for Integration | ||
Ministria e Shtetit për Marrëdhëniet me Parlamentin | 15 Shtator 2013 | 14 Gusht 2014 | Socialist Party of Albania | ||
27 Gusht 2014 | 13 Shtator 2017 | Socialist Party of Albania | |||
Ministër i Shtetit për Inovacionin dhe Administratën Publike | 15 Shtator 2013 | 13 Shtator 2017 | Socialist Party of Albania | ||
Ministria e Shtetit për Çështjet Vendore | 24 Mars 2017 | 13 Shtator 2017 | Socialist Party of Albania |
Referime dhe shënime
[Redakto | Redakto nëpërmjet kodit]- ^ "Kryeministria.al, Qeveria Shqiptare". Arkivuar nga origjinali më 18 mars 2015. Marrë më 17 shtator 2014.
- ^ Edi Rama tenton përçarjen në Kosovë, braktiset në Kuvend[lidhje e vdekur], Rilindja Demokratike, 13 shtator 2013 - (Arkivuar[lidhje e vdekur])
- ^ A bëri gafë Rama në Kuvendin e Kosovës? Arkivuar 2 tetor 2013 tek Wayback Machine, Kosova Sot, Vizituar më 19 shtator 2014
- ^ a b Berisha: Rama vizitë përçarëse në Kosovë, injoroi rolin e presidentit Rugova Arkivuar 14 shtator 2013 tek Wayback Machine, Arkivuar[lidhje e vdekur]. BalkanWeb.com, - Vizituar më 19 shtator 2014
- ^ Gazeta Panorama, Përgjimi i plotë i sekretarit të deputetit të PS, seks me nënë e bijë për një vend pune Arkivuar 20 gusht 2014 tek Wayback Machine, 17 gusht 2014 (E arkivuar[lidhje e vdekur])
- ^ Zgjerohet hetimi, Prokuroria dyshon edhe për raste të tjera[lidhje e vdekur], 20 gusht 2014
- ^ Thellohet skandali Veliaj, dasma faturohet si aktivitet kulturor, 12 shtator 2014
- ^ Veliaj kërcënon Agon Channel: Do ju bëj armike me qeverinë pa shkak, po shkatërroni dasmën time Arkivuar 7 maj 2015 tek Wayback Machine, 17 shtator 2014
- ^ Gazeta MAPO, Vendimi për IMEI, Kushtetuesja e shpall të papajtueshëm[lidhje e vdekur], 17.09.2014
- ^ Gazeta MAPO, Regjistrimi i telefonave, Basha: Rama do iu përgjojë, qytetarët dhe kompanitë mos të dorëzojnë IMEI-n[lidhje e vdekur], 06.08.2014
- ^ Gazeta Panorama, Protesta e opozitës mbush bulevardin, Basha: Kur s’mban premtimet, të largojnë[lidhje e vdekur] 23.11.2014 (E arkivuar[lidhje e vdekur])
- ^ a b Tirana pesë minuta me makina fikur[lidhje e vdekur], Kosova Press, 26 janar 2015
- ^ a b Protesta, fiken makinat 5 minuta në Bulevard, bllokohet autostrada Tiranë-Durrës (Foto)[lidhje e vdekur], Ekspres, 26 janar 2015
- ^ a b Gazeta Tema (25 shkurt 2015) - Tom Doshi: Drejtoresha e Tatimeve është bërë si “Vejusha e Zezë” e Eskobarit. Harito punëson njerëzit e PD, ndërsa socialistët mbetën rrugëve Arkivuar 2 mars 2015 tek Archive.today (Arkivuar[lidhje e vdekur])
- ^ Gazeta Panorama (25 shkurt 2015) - Doshi i qëndron akuzave për ministrat: Janë konsumuar, duhen ndryshime në Qeveri. Shqetësimet s’janë të miat, por të bazës (Arkivua[lidhje e vdekur] r)
- ^ a b Gazeta Panorama (2 mars 2015) - Akuzat për Ramën/ Përjashtohet nga PS-ja Tom Doshi (Arkivua[lidhje e vdekur] r)
- ^ Gazeta Panorama (2 mars 2015) - Doshi: Meta ka paguar për të më vrarë mua dhe Mhill Fufin, i paguari ka takuar Tahirin (Arkivuar[lidhje e vdekur])
- ^ BalkanWeb (2 mars 2015) - Përjashtimi i Tom Doshit, Ben Blushi: Sot humbi PS (Arkivuar[lidhje e vdekur])
- ^ "Gjykata Kushtetuese rrëzon Qeverinë, jo ngritjes së Byrosë Kombëtare të Hetimit," Gazeta Panorama, 17 prill 2015. (Arkivuar[lidhje e vdekur])
- ^ "PD çon në Kushtetuese Byronë e Hetimit," Gazeta Panorama, 9 tetor 2014. (Arkivuar[lidhje e vdekur])
- ^ Borxhi publik arrin në 1 trilionë lekë, TV Klan, 30 prill 2015. (Arkivuar)
- ^ "Borxhi," Ministria e Financave të Shqipërisë, financa.gov.al
- ^ a b Protesta në Kukës! Ja momenti kur policia dhunon Lushin Arkivuar 7 maj 2015 tek Archive.today, Gazeta MAPO, 4 maj 2015 ()
- ^ a b Shefi i Krimeve u drejton armën protestuesve, Panorama.com.al, 5 maj 2015, (Arkivuar)
- ^ U dhunua nga policia në Kukës, babai i Nderim Lushit: E rrahën, presin ti shërohen plagët që të caktojnë masën e sigurisë, BalkanWeb, 6 maj 2015 (Arkivuar)
- ^ a b c d Zbardhet vendimi/ Gjykata e Lartë i kërkon Llallës të hetojë Ramën për lejet e ndërtimit. Gazeta Panorama, 12 gusht 2015 (Arkivuar)
- ^ Kush është ishzyrtari që kallëzoi Ramën dhe Berishën për lejet dhe legalizimet. Gazeta Panorama, 11 gusht 2015 (Arkivuar)