Erwin Rommel
![](http://upload.wikimedia.org/wikipedia/commons/thumb/d/de/Bundesarchiv_Bild_101I-786-0327-19%2C_Nordafrika%2C_Erwin_Rommel_mit_Offizieren.jpg/250px-Bundesarchiv_Bild_101I-786-0327-19%2C_Nordafrika%2C_Erwin_Rommel_mit_Offizieren.jpg)
Ervin Rommel lindi më 1891; ai ishte marshall me rang të lartë në ushtrinë e Gjermanisë ku u dallua kryesisht për fitoret e tij në shkretëtirat e Afrikës kundra forcave britanike gjatë Luftës së Dytë Botërore. Ai lindi në Heidenheim, dhe në moshën 19 vjeçare u rekrutua në ushtrinë gjermane.
Pas luftimeve në Luftën e Parë Botërore, ku u dallua për trimëri, filloi studimet në akademinë ushtarake gjermane. Në Luftën e Dytë Botërore ai u shqua për suksesin e tij në avancimin e ushtrisë gjermane në Kanalin Anglez; në atë kohë ishte drejtuesi i njësisë së shtatë të divizionit të tankeve.
Mbas kësaj beteje Rommeli u gradua për tu bërë leftenent gjeneral. Atij iu besua komanda e njësive luftarake në Afrikën Veriore ku korri suksese të tjera. Si një strateg i shkëlqyer, Ervin Rommel kapi Libinë nga duart e aleatëve në vitin 1942 dhe i detyroi trupat ushtarake britanike të tërhiqeshin deri në El Alamein. Pas kësaj fitoreje të bujshme, ai jo vetëm u gradua në një rang më të lartë, por fitoi edhe nofkën Dhelpra e Shkretëtirës. Megjithatë fitorja e tij nuk zgjati shumë. Në mars të vitit 1943 pasi u detyrua të tërhiqej deri në Tunizi nga Britanikët, Rommeli largohet dhe transferimi i tij u krye pak para se trupat gjermani që luftonin në Afrikë të dorëzoheshin te Aleatët. Aktiviteti i tij i mëvonshëm qe mbrojtja që u organizua në veri të Francës kundra avancimit të trupave Aleate.
Në korrik të vitit 1944 në komplotin e dështuar që përgatitej kundra Hitlerit, gjatë gjyqit kundra komplotistëve, përmendet edhe emri i Rommel. Kryen vetëvrasje më 1944 duke shmangur gjyqin. Varroset me nderime të mëdha ushtarake pavarësisht tradhtisë ndaj Adolf Hitlerit [ref. 1].