Dream Theater

Nga e majta në të djathtë: John Myung, John Petrucci, James LaBrie, Jordan Rudess, dhe Mike Portnoy

Dream Theater është një bend progressive metal i formuar në Long Island, New York nga tre studentë në Berklee College of Music në vitin 1985. Që nga themelimi i tyre qe 21 vite, ata janë bërë një nga bendet më të sukseshme të progressive muzikës që nga kulminacioni i progressive rock-ut në mes të viteve 1970, pavarësisht se janë relativisht të panjohur në rrymën qëndrore të pop dhe rock muzikës. Albumet e tyre më të shitura janë Images and Words (1992), të cilit iu dha çmimi Inçizimi i Artë dhe i cili konsiderohet fuqishëm si album themelor i progressive metal-it, edhe pse ai arriti vetëm pozitën #61 në tabelën Billboard 200, dhe Octavarium (2005), i cili arriti pozitën #36 në tabelën Billboard 200.

Bendi është i njohur për aftësitë teknike të çdo instrumentisti, duke fituar kështu shumë shpërblime nga revista të ndryshme muzikore. Ata janë jashtëzakonisht të respektuar nga shumë emra të njohur të rock dhe heavy metal muzikës, duke rezultuar kështu në shumë bashkëpunime në mes të anëtarëve të Dream Theater me shumë muzikantë të njohur. Një shembull i njohur është që kitaristi i tyre Joh Petrucci u emërua si kitaristi i tretë në turneun G3 me Steve Vai-n dhe Joe Satriani-n, duke ndjekur kështu hapat e Eric Johnson-t, Robert Fripp-it, Yngwie Malmsteen-it si dhe shumë kitaristëve të tjerë me ndikim të madh.

Dream Theater gjithashtu posedojnë shkathtësi të rëndësishme muzikore, që iu ka bërë atyrë të mundshme të performojnë me bende të zhanreve të llojllojshme. Disa nga partnerët e tyre më të njohur të turneve janë Deep Purple, Emerson Lake and Palmer, Iron Maiden, Joe Satriani, King's X, Marillion, Megadeth, In Flames, Pain of Salvation, Porcupine Tree, Queensrÿche, Spock's Beard, Fear Factory, Enchant, Symphony X, dhe Yes. Në vitin 2005, Dream Theater bashkë me bendin Megadeth e udhëheqën festivalin Gigantour.

Personeli

Anëtarët aktualë

• John Petrucci - kitarë
• Jordan Rudess - tastierë
• Mike Portnoy - bateri
• James LaBrie - vokal
• John Myung - bas kitarë

Anërarët e mëparshëm

• Chris Collins - vokal
• Charlie Dominici - vokal
• Kevin Moore - tastierë
• Derek Sherinian - tastierë

Historia

1985-1990

Themeluesit e bendit (John Myung, Mike Portnoy dhe John Petrucci) në vitin 1985

Dream Theater u formua në vitin 1985 nga kitaristi John Petrucci, basisti John Myung dhe bateristi Mike Portnoy kur ishin duke studiuar në Berklee College of Music në Boston. Kevin Moore, shoku i ngushtë i Petrucci-t, u rekrutua që t'i binte tastierës, dhe Chris Collins u rekrutua si vokalist.

Kuinteti e mori emrin Majesty (emër ky i frymëzuar nga përshkrimi i Mike Portnoy-t për pjesën përmbyllëse të këngës "Bastille Day" e bendit Rush), dhe studentët u ndanë nga shkolla që të koncentroheshin në bend.

Projekti i tyre parë madhorë i inçizuar ishte Majesty demos, një koleksion i demo-ve që u lëshuan në vitin 1986. Koleksioni i cili ishte i inçizuar në një kasetë të thjeshtë u shit në 1,000 kopje brenda gjashtë muajve, duke u shpërndarë kështu në të gjithë skenën e progressive metal-it në botë.

Sidoqoftë, në Nëntor të vitit 1986, pas disa muajve që kaluan së bashku, Chris Collins e la bendin për shkak të kreativitetit të tij të ndryshëm nga anëtarët e tjerë të bendit. Pas një viti duke u munduar ta gjenin një zëvendësim, Charlie Dominici, i cili ishte më i vjetri dhe i cili kishte më së shumti eksperiencë se çdokush në bend, u pranua pas një audicioni. Me stabilitetin që Dominici ja dhuroi bendit, ata filluan që të performonin në më shumë shfaeje nëpër territorin New Your City-t, dhe fituan një shumë të mjaftueshme të ekspozimit si një bendi i cili nuk e kishte lëshuar ende as një album.

Pak kohë pasi Dominici iu bashkangjit bendit, ata u detyruan që ta ndryshonin emrin e bendit sepse një bend tjetër me emrin "Majesty" i kërcënuan ata se do të ngrenin padi. Shumë emra u menduan deri sa babai i Mike Portnoy-t ju sugjeroi atyre emrin Dream Theater, që ishte emri i një teatri të shkatërruar në Monterey, California.

Ata e nënshkruan kontratën e parë të inçizimit me Mechanic (një degë e Music Corporation of America) në vitin 1988 dhe u bënë gati që ta inçizonin albumin e tyre të parë.

When Dream and Day Unite u lëshua në vitin 1989 dhe pati shumë më pak fansa se sa që u parashikua nga bendi. Mechanic quan dorë nga premtimet e mëdha financiare që ua kishin dhënë bendit para se ta nënshkruanin kontratën, kështu që Dream Theater qenë shumë të kufizuar që ta promovonin albumin e tyre nëpër New York City. Turneu reklamues u përbë vetëm nga pesë koncerte që u bënë në New York dhe Rhode Island.

Pas koncertit të katërt, Dominici u përjashtua nga bendi për shkak se edhe ky kishte kreativitet të ndryshëm me anëtarët e tjerë të bendit. Pak kohë më pas, sido që të jetë, Marillion e ftuan Dream Theater që ta hapnin koncertin e tyre në Ritz të New York-ut, kështu që Dominici-t iu dha mundësia që të performonte me bendin për të fundit herë. U deshën edhe dy vjet të tjera para se Dream Theater ta kishte vokalistin e ri.

Diskografia

Studio albumet dhe EP-të

• When Dream and Day Unite (1989)
• Images and Words (1992)
• Awake (1994)
• A Change of Seasons (EP, 1995)
• Falling into Infinity (1997)
• Metropolis Pt 2: Scenes from a Memory (1999)
• Six Degrees of Inner Turbulence (2002)
• Train of Thought (2003)
• Octavarium (2005)

Live albumet

• Live at the Marquee (1993)
• Once in a LIVEtime (1998)
• Live Scenes From New York (2001)
• Live at Budokan (2004)
• Score (2006)

Këngët "single"

• Take the Time (Images and Words, 1992)
• Pull Me Under (Images and Words, 1992)
• Another Day (Images and Words, 1992)
• The Silent Man (Awake, 1994)
• Lie (Awake, 1994)
• Burning My Soul (Falling into Infinity, 1997)
• Hollow Years (Falling into Infinity, 1997)
• You Not Me (Falling into Infinity, 1997)
• Through Her Eyes (Metropolis Pt 2: Scenes from a Memory, 2000)
• As I Am (Train of Thought, 2003)
• Panic Attack (Octavarium, 2005)
• These Walls (Octavarium, 2005)

Videot dhe DVD-të

• Images and Words: Live in Tokyo (1993)
• 5 Years in a LIVEtime (1998)
• Metropolis 2000: Scenes From New York (2001)
• Live in Tokyo / 5 Years in a LIVEtime (2004)
• Live at Budokan (2004)
• Score (2006)