Azerbaidžan president
Azerbaidžan president (azerbaidžankielân Azərbaycan Prezidenti) lii Azerbaidžan staatâhovdâ.[1] Vuáđulaavâ artikla 101 mield aalmug väljee president njuolgâ valjâiguin čiččâm ive kooskâi.[1] Eenâb jienâid nuurrâm iävtukkâs šadda presidentin. Táárbu mield uárnejuvvoo nubbe jienâstemrieggee.
Tohálâšvuotâiävtuh
[mute | mute käldee]Iävtukkâs kalga leđe Azerbaidžan aalmugjeessân, mut ij uážu kuittâggin leđe siämmáá ääigi nube staatâ aalmugjeessân. Ton lasseen iävtukkâs kalga leđe aassâm riijkâst ucemustáá 10 ihheed, ige uážu leđe tyemmejum tuođâlâš rikosääšist.
Virgepaje
[mute | mute käldee]Ovdil ive 2009 paje piištij vittâ ive já siämmáš olmooš puovtij leđe presidentin tuše kyevti pajan. Ive 2009 uárnejum aalmugjienâstem tiet pajeraijiittâs komettui já meddâlistui. Nubbe aalmugjienâstem ive 2016 kuhedij paje viiđâ ivveest čiččâm ihán.
Azerbaidžan presidenteh
[mute | mute käldee]Nr. | Nommâ | Kove | Virgeest |
1 | Ayaz Mütəllibov | porgemáánu 30. peeivi 1991 – njuhčâmáánu 6. peeivi 1992 | |
---|---|---|---|
— | Yaqub Məmmədov (vt.) | njuhčâmáánu 6. peeivi 1992 – vyesimáánu 14. peeivi 1992 | |
(1) | Ayaz Mütəllibov | vyesimáánu 14. peeivi 1992 – vyesimáánu 18. peeivi 1992 | |
— | İsa Qəmbərov (vt.) | ![]() |
vyesimáánu 18. peeivi 1992 – kesimáánu 16. peeivi 1992 |
2 | Əbülfəz Elçibəy | kesimáánu 16. peeivi 1992 – kesimáánu 24. peeivi 1993 | |
— | Heydər Əliyev (vt.) | ![]() |
kesimáánu 24. peeivi 1993 – roovvâdmáánu 10. peeivi 1993 |
3 | Heydər Əliyev | ![]() |
roovvâdmáánu 10. peeivi 1993 – roovvâdmáánu 31. peeivi 2003 |
4 | İlham Əliyev | ![]() |
roovvâdmáánu 31. peeivi 2003 – |
Presidentij virgepajeh
![](http://upload.wikimedia.org/wikipedia/smn/timeline/iz63xwicjnku89awnb4ly0cuz928bei.png)
Käldeeh
[mute | mute käldee]- ↑ 1,0 1,1 The Constitution of the Republic of Azerbaijan. Azerbaidžan täsiväldi. Čujottum 4.3.2021 (eŋgâlâskielân)