Liggenna
La liggenna (o liggenta, tèrmini sicilianu usatu a Ripostu ntâ pruvincia di Catania) è nu tipu di cuntu assai anticu, comu lu mitu e la fàula, e fa parti dû patrimoniu culturali di tutti li pòpuli, apparteni â tradizzioni urali e ntâ narrazzioni ammisca lu riali a lu maravigghiusu.
La palora liggenna diriva dû latinu legenda ca significa "cosi c'hannu a èssiri liggiuti", "digni d'èssiri liggiuti" e cu stu tèrmini, un tempu, si vulìa ndicari lu cuntu dâ vita di nu santu e supratuttu lu cuntu dî sô miràculi.
'N siquitu la palora accanzau un significatu cchiù estisu e oi la palora liggenna ndica quarsiasi cuntu ca prisenta elimenti riali ma trasfurmati dâ fantasìa, tramannatu pi cilibbrari fatti o pirsunaggi funnamintali pâ storia dûn pòpulu, oppuru pi spigari quarchi carattirìstica di l'ammienti naturali e pi dari risposta a di li pirchì.
Li liggenni si rivòrcinu â cullittivitati, comu li miti e spièganu l'urìggini di quarchi aspettu di l'ammienti, li rèuli e li mudelli di sèquiri, certi abbinimenti stòrici, o ritinuti tali, ô scopu di rinzardari li ligami d'appartinenza â cumunitati.
Liggenna dô "Rattu di Proserpina"
[cancia | cancia la surgenti]Luppina amari (varianti dô "Rattu di Proserpina" pi spiegari lu gustu amaru dê Luppina).
- "Plutone", diu di l'infiri, 'n gghiornu vosi taliari chi succideva 'nto nostru munnu.
- Camina, camina, agghicau 'nta 'na virdi chianura, ricca di ciumi e ciuri ciaurusi....
- 'Nta sta chianura, 'menza all'erba, vitti 'na bedda picciotta ca ciuri cuggheva.....
- Plutone, appena la vitti, sintì na vampata d'amuri e di disiu...
- ... costrinsi Proserpina a acchianari supra lu so carru e la rapiu purtannula all'infiri cu iddu.
- Cerere, ca era a matri di Proserpina, dispirata la circò ppi tutti l'anguli do munnu.
- Ppi novi jorna e novi notti interi gridava u nnomu di so figghia e chiancìa.
- Mentri, comu na pazza, circava sta so figghia, sintiu 'nta l'aria comu na risata
- - era lu scrusciu ca lu ventu facìa mentri smuveva i fogghi di 'n'alburu di luppina -
- " Ah, mentri ca jù soffru e mi disperu comu a na dannata, tu, arburu di luppina, arriri
- alli mei spaddi?
- Pozza magari tu e li tò frutti essiri pri sempri amaru, accussi comu amaru e ora u cori miu!".
- E fù accussi ca l'arburu di luppina e li sò frutti, arristaru ppi sempri amari.
|
Pi sapìrinni cchiossai, vidi puru la vuci Miti e liggenni dâ Sicilia. |
|
|
Pi sapìrinni cchiossai, vidi puru la vuci Liggenni catanisi. |