ᱵᱟᱸᱠᱩᱲᱟ ᱦᱚᱱᱚᱛ
ᱵᱟᱸᱠᱩᱲᱟ ᱦᱚᱱᱚᱛ | |
---|---|
ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱚᱱᱚᱛ | |
![]() ᱵᱟᱸᱠᱩᱲᱟ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱯᱚᱪᱷᱤᱢ ᱵᱟᱝᱞᱟ ᱨᱮ | |
ᱫᱤᱥᱚᱢ | ![]() |
ᱯᱚᱱᱚᱛ | ![]() |
ᱠᱷᱚᱸᱰ | ᱢᱮᱫᱤᱱᱤᱯᱩᱨ |
ᱦᱮᱰᱠᱩᱣᱟᱴᱚᱨ | ᱵᱟᱸᱠᱩᱲᱟ |
ᱥᱚᱨᱠᱟᱨ | |
• ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱵᱟᱸᱠᱩᱲᱟ, ᱵᱤᱥᱱᱩᱯᱩᱨ (SC) |
• ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱥᱟᱞᱛᱚᱨᱟ, ᱪᱷᱟᱛᱱᱟ, ᱨᱟᱹᱱᱤᱵᱟᱱᱫᱷ, ᱨᱟᱭᱯᱩᱨ, ᱛᱟᱞᱰᱟᱝᱜᱽᱨᱟ, ᱵᱟᱸᱠᱩᱲᱟ, ᱵᱟᱨᱡᱚᱲᱟ, ᱳᱱᱰᱟ, ᱵᱤᱥᱱᱩᱯᱩᱨ, ᱠᱟᱛᱩᱞᱯᱩᱨ, ᱤᱱᱰᱟᱥ, ᱥᱚᱱᱟᱢᱩᱠᱷᱤ |
ᱮᱨᱤᱭᱟ | |
• ᱜᱩᱴ | 6882 ᱠᱤᱢᱤ২ (2657 ᱜᱟᱺᱴ ᱢᱟᱭᱤᱞ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
• ᱜᱩᱴ | ᱓,᱕᱙᱖,᱖᱗᱔ |
• ᱰᱮᱱᱥᱤᱴᱤ | 520/ᱠᱤᱢᱤ2 (1400/ᱜᱟᱺᱴ ᱢᱟᱹᱭᱤᱞ) |
• ᱱᱟᱜᱟᱨ | ᱒᱓᱕,᱒᱖᱔ |
ᱦᱚᱲ ᱮᱞ | |
• ᱥᱮᱪᱮᱫ | ᱗᱐.᱙᱕ ᱥᱟᱭᱠᱚᱲᱟ[᱑] |
• ᱡᱟᱱᱟᱝ ᱡᱟᱹᱱᱤ | ᱙᱑᱔/᱑᱐᱐᱐ |
IST (ᱭᱩᱴᱤᱥᱤ+᱐᱕:᱓᱐) | |
ᱢᱩᱬ ᱰᱟᱦᱟᱨ | NH 14 |
Average annual precipitation | 1,400 mm |
ᱣᱮᱵᱽᱥᱟᱭᱤᱴ | http://bankura.gov.in/ |
ᱵᱟᱸᱠᱩᱲᱟ ᱦᱚᱱᱚᱛ ᱫᱚ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱵᱟᱨ ᱜᱮᱞ ᱯᱮ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱟᱨ ᱵᱟᱸᱠᱩᱲᱟ ᱜᱮ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱠᱟᱱᱟ ᱾ ᱵᱟᱸᱠᱩᱲᱟ ᱦᱚᱱᱚᱛ ᱫᱚ ᱢᱤᱫᱽᱱᱤᱯᱩᱨ ᱠᱷᱚᱱᱰ ᱨᱮᱭᱟᱜ ᱢᱤᱫ ᱴᱮᱱ ᱦᱟᱹᱴᱤᱧ ᱠᱟᱱᱟ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱖,᱘᱘᱒ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱓,᱕᱖᱙,᱒᱙᱒ ᱡᱚᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱾
ᱧᱩᱛᱩᱢ ᱪᱷᱟᱹᱴᱷᱭᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]‘ᱵᱟᱸᱠᱩᱲᱟ ‘ ᱟᱹᱲᱟᱹᱵᱟᱠᱷᱲᱟ ᱟᱭᱢᱟ ᱦᱚᱲ ᱢᱩᱫᱨᱮ ᱠᱟᱛᱷᱟ ᱨᱟᱯᱟᱪᱟᱜ ᱢᱮᱱᱟᱜᱼᱟ । ᱠᱳᱞ-ᱢᱩᱸᱰᱟ ᱠᱚᱣᱟᱜ ᱯᱟᱹᱨᱥᱤ ᱛᱮ ᱳᱲᱟ ᱥᱮ ᱲᱟ ᱥᱟᱵᱟᱫᱽ ᱨᱮᱱᱟᱜ ᱢᱮᱱᱮᱫ ᱫᱚ ᱵᱚᱥᱚᱛᱤ । ᱵᱟᱸᱠᱩ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱫ ᱫᱚ ᱪᱟᱭᱞᱟᱪᱩᱭᱞᱩ, ᱪᱷᱚᱛᱷᱱᱟᱜᱽᱯᱩᱨ ᱢᱟᱞᱵᱷᱩᱢᱤ ᱨᱮᱱᱟᱜ ᱚᱝᱥᱚ । ‘ᱵᱟᱸᱠᱩᱲᱟ’ ᱧᱩᱛᱩᱢ ᱫᱚ ᱵᱟᱸᱠᱟ ᱥᱟᱵᱟᱫ ᱠᱷᱚᱱ ᱦᱮᱪ ᱟᱠᱟᱱᱟ ᱢᱮᱱᱛᱮ ᱟᱭᱢᱟ ᱦᱚᱲ ᱠᱚ ᱢᱚᱱᱮᱭᱮᱫᱟ । ᱱᱚᱣᱟ ᱦᱚᱱᱚᱛ ᱨᱮᱱ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱧᱩᱛᱩᱢᱟᱱ ᱫᱮᱵ ᱠᱚ ᱢᱩᱫᱨᱮ ᱢᱤᱫᱴᱟᱹᱝ ᱠᱟᱱᱟᱭ ᱫᱷᱚᱨᱢᱚᱛᱟᱠᱚ । ᱚᱱᱟ ᱠᱚᱨᱮᱱ ᱦᱚᱲ ᱩᱱᱤ ᱫᱮᱵ ‘ᱵᱟᱸᱠᱩᱲᱟ ᱨᱟᱭ’ ᱧᱩᱛᱩᱢ ᱛᱮᱠᱚ ᱦᱚᱦᱚᱣᱟᱭ ᱠᱟᱱ ᱛᱟᱦᱮᱱᱟ ।[᱒] ᱚᱱᱟ ᱠᱚᱨᱮᱱ ᱧᱩᱛᱩᱢᱟᱱ ᱜᱚᱢᱠᱮ ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ, ᱦᱚᱱᱚᱛ ᱨᱮᱱᱟᱜ ᱥᱚᱫᱚᱨ ᱵᱟᱸᱠᱩᱲᱟ ᱧᱩᱛᱩᱢ ᱦᱤᱩᱭ ᱟᱠᱟᱱᱟ ᱱᱚᱣᱟ ᱥᱟᱦᱟᱨ ᱛᱷᱟᱯᱚᱱ ᱟᱠᱟᱫ ᱱᱚᱣᱟ ᱴᱚᱴᱷᱟ ᱨᱮᱱ ᱜᱳᱥᱴᱷᱤᱯᱚᱛᱤ ᱱᱮᱛᱟ ᱵᱟᱸᱠᱩ ᱨᱟᱭ ᱟᱜ ᱧᱩᱛᱩᱢᱛᱮ । ᱟᱨᱦᱚᱸ ᱮᱴᱟᱜ ᱧᱩᱛᱩᱢᱟᱱ ᱜᱚᱢᱠᱮ ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ, ᱵᱤᱥᱱᱩᱯᱩᱨ ᱨᱮᱱ ᱨᱟᱡᱟ ᱵᱤᱨ ᱦᱟᱢᱵᱤᱨ ᱨᱮᱱ ᱒᱒ ᱜᱚᱴᱟᱝ ᱠᱚᱲᱟ ᱢᱩᱫᱨᱮ ᱧᱩᱛᱩᱢᱟᱱ ᱠᱚᱲᱟ ᱵᱤᱨ ᱵᱟᱸᱠᱩᱲᱟ ᱟᱜ ᱧᱩᱛᱩᱢᱛᱮ ᱱᱚᱣᱟ ᱧᱩᱛᱩᱢ ᱦᱩᱭ ᱟᱠᱟᱱᱟ ᱾ ᱨᱟᱡᱟ ᱵᱤᱨ ᱦᱟᱢᱵᱤᱨ ᱟᱡᱟᱜ ᱨᱟᱡᱽᱡᱚ ᱒᱒ᱜᱚᱴᱟᱝ ᱦᱟᱹᱴᱤᱝ ᱨᱮᱭ ᱦᱟᱹᱴᱤᱝ ᱞᱮᱫᱟ ᱾ ᱢᱤᱫ ᱢᱤᱫ ᱴᱚᱴᱷᱟ ᱢᱤᱫ ᱢᱤᱫ ᱠᱚᱲᱟ ᱠᱚ ᱦᱟᱹᱴᱤᱝ ᱨᱮᱠᱚ ᱧᱟᱢ ᱞᱮᱫᱟ । ᱡᱚᱭᱵᱮᱞᱤᱭᱟᱹ ᱴᱚᱴᱷᱟ ᱫᱚ ᱵᱤᱨ ᱵᱟᱸ ᱠᱩᱲᱟ ᱟᱜ ᱵᱷᱟᱜ ᱨᱮ ᱯᱟᱲᱟᱣ ᱞᱮᱱᱟ । ᱩᱱᱤᱜᱮ ᱵᱟᱸᱠᱩᱲᱟ ᱥᱟᱦᱟᱨ ᱫᱚᱭ ᱛᱮᱭᱟᱨ ᱨᱟᱠᱟᱵ ᱞᱮᱫᱟ । ᱟᱨᱦᱚᱸ ᱠᱚ ᱞᱟᱹᱭᱟ, ‘ᱵᱟᱸᱠᱩᱲᱟ’ ᱧᱩᱛᱩᱢ ᱫᱚ ‘’ᱵᱟᱱᱠᱩᱸᱰᱟ’” ᱧᱩᱛᱩᱢ ᱨᱮᱱᱟᱜ ᱵᱟᱹᱲᱤᱪ ᱧᱩᱛᱩᱢ । ‘ᱵᱟᱱᱠᱩᱸᱰᱟ’ ᱟᱹᱲᱟᱹ ᱨᱮᱱᱟᱜ ᱢᱮᱱᱮᱫ ᱫᱚ ᱢᱚᱬᱮ ᱜᱚᱴᱟᱝ ᱢᱟᱨᱟᱝ ᱯᱩᱠᱷᱲᱤ । ᱢᱟᱨᱮ ᱥᱚᱨᱠᱟᱨᱤ ᱠᱟᱜᱚᱡ ᱯᱚᱛᱨᱚ ᱠᱚᱨᱮ ᱫᱚ ᱤᱝᱨᱮᱡᱤ Bacoonda ᱧᱩᱛᱩᱢ ᱧᱟᱢ ᱟᱠᱟᱱᱟ ।[᱓]
ᱯᱨᱚᱥᱟᱥᱚᱱ ᱵᱤᱵᱷᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱸᱠᱩᱲᱟ ᱦᱚᱱᱚᱛ ᱨᱮ ᱢᱳᱴ ᱯᱮᱭᱟ ᱢᱚᱦᱤᱚᱠᱩᱢᱟ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚᱫᱚ ᱦᱩᱭᱩᱜ ᱠᱟᱱᱟ -
ᱱᱚᱣᱟ ᱢᱚᱦᱚᱠᱩᱢᱟ ᱠᱚᱨᱮᱱᱟᱜ ᱢᱳᱴ ᱒᱓ ᱜᱚᱴᱟᱝ ᱵᱚᱱᱚᱛ ᱢᱮᱱᱟᱜᱼᱟ । ᱱᱚᱣᱟ ᱠᱚᱫᱚ ᱦᱩᱭᱩᱜ ᱠᱟᱱᱟ -
![](http://upload.wikimedia.org/wikipedia/commons/thumb/8/8a/Bankura_Tehsil_map-bn.svg/350px-Bankura_Tehsil_map-bn.svg.png)
- ᱤᱸᱫᱽᱯᱩᱨ ᱵᱚᱱᱚᱛ
- ᱤᱱᱫᱟᱥ ᱵᱚᱱᱚᱛ
- ᱳᱱᱰᱟ ᱵᱚᱱᱚᱛ
- ᱠᱳᱛᱩᱞᱯᱩᱨ ᱵᱚᱱᱚᱛ
- ᱠᱷᱟᱛᱲᱟ ᱵᱚᱱᱚᱛ
- ᱜᱚᱝᱜᱟᱡᱚᱞᱜᱷᱟᱹᱴᱤ ᱵᱚᱱᱚᱛ
- ᱪᱷᱟᱛᱱᱟ ᱵᱚᱱᱚᱛ
- ᱡᱚᱭᱯᱩᱨ ᱵᱚᱱᱚᱛ
- ᱛᱟᱞᱰᱟᱝᱨᱟ ᱵᱚᱱᱚᱛ
- ᱯᱟᱛᱨᱚᱥᱟᱭᱮᱨ ᱵᱚᱱᱚᱛ
- ᱵᱚᱲᱡᱳᱲᱟ ᱵᱚᱱᱚᱛ
- ᱵᱟᱸᱠᱩᱲᱟ ᱑ ᱵᱚᱱᱚᱛ
- ᱵᱟᱸᱠᱩᱲᱟ ᱒ ᱵᱚᱱᱚᱛ
- ᱵᱤᱥᱱᱩᱯᱩᱨ ᱵᱚᱱᱚᱛ
- ᱢᱮᱡᱤᱭᱟ ᱵᱚᱱᱚᱛ
- ᱨᱟᱭᱯᱩᱨ ᱵᱚᱱᱚᱛ
- ᱨᱟᱹᱱᱤᱵᱟᱸᱫᱷ ᱵᱚᱱᱚᱛ
- ᱥᱟᱞᱛᱳᱲᱟ ᱵᱚᱱᱚᱛ
- ᱥᱟᱨᱮᱸᱜᱟ ᱵᱚᱱᱚᱛ
- ᱥᱤᱢᱞᱟᱯᱟᱞ ᱵᱚᱱᱚᱛ
- ᱥᱳᱱᱟᱢᱩᱠᱷᱤ ᱵᱚᱱᱚᱛ
- ᱦᱤᱨᱵᱟᱸᱫᱷ ᱵᱚᱱᱚᱛ
ᱵᱟᱸᱠᱩᱲᱟ ᱨᱮ ᱢᱳᱴ ᱯᱮᱭᱟ (᱓) ᱯᱩᱨᱚᱥᱚᱵᱷᱟ ᱢᱮᱱᱟᱜᱼᱟ । ᱱᱚᱣᱟ ᱠᱚᱫᱚ ᱦᱩᱭᱩᱜ ᱠᱟᱱᱟ –
ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱯᱳᱹᱭᱨᱚᱥᱚᱝᱛᱷᱟ ᱫ ᱚ ᱦᱩᱭᱩᱜ ᱠᱟᱱᱟ ᱥᱳᱱᱟᱢᱩᱠᱷᱤ ।
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱱᱚᱛ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱵᱮᱝᱜᱚᱞ ᱨᱮᱭᱟᱜ ᱴᱟᱺᱰᱤ ᱴᱤᱠᱩᱡ ᱟᱨ ᱯᱟᱪᱮ ᱱᱟᱠᱷᱟ ᱨᱮ ᱫᱚ ᱪᱷᱚᱴᱟ ᱱᱟᱜᱽ ᱯᱩᱨ ᱩᱥᱩᱞ ᱦᱟᱥᱟ ᱥᱟᱶ ᱡᱚᱲᱟᱣ ᱢᱮᱱᱟᱜ ᱟᱠᱟᱫᱟ ।
ᱵᱟᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱫᱚ ᱥᱟᱢᱟᱝ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱟᱨ ᱯᱟᱪᱮ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱯᱟᱪᱮ ᱱᱟᱠᱷᱟ ᱫᱚ ᱯᱩᱨᱩᱞᱤᱭᱟᱹ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱫᱚ ᱡᱷᱟᱲᱜᱨᱟᱢ ᱦᱚᱱᱚᱛ, ᱥᱟᱢᱟᱝ ᱢᱤᱫᱽᱱᱤ ᱯᱩᱨ ᱦᱚᱱᱚᱛ ᱟᱨ ᱯᱟᱪᱷᱮ ᱢᱤᱫᱽᱱᱤ ᱯᱩᱨ ᱦᱚᱱᱚᱭ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱟᱨ ᱥᱟᱢᱟᱝ ᱱᱟᱠᱷᱟ ᱫᱚ ᱦᱩᱜᱽᱞᱤ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤᱥ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ᱾ ᱵᱟᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱫᱚ ᱫᱟᱢᱩᱫᱚᱨ ᱧᱩᱛᱩᱢ ᱟᱱ ᱜᱟᱰᱟ ᱟ.ᱛᱩᱜ ᱠᱟᱱᱟ, ᱚᱠᱟ ᱫᱚ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱠᱷᱚᱱ ᱵᱮᱜᱟᱨ ᱟᱠᱟᱱ ᱾[᱔]
ᱠᱟᱹᱣᱰᱤ ᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱸᱠᱩᱲᱟ ᱦᱚᱱᱚᱛ ᱫᱚ ᱠᱟᱹᱣᱰᱤ ᱟᱹᱨᱤ ᱞᱮᱠᱟ ᱛᱮ ᱛᱟᱭᱱᱚᱢ ᱦᱚᱱᱚᱛ ᱠᱟᱱᱟ ᱟᱨ ᱵᱟᱹᱲᱛᱤ ᱠᱟᱭᱛᱮ ᱪᱟᱥ ᱟᱵᱟᱫᱽ ᱨᱮ ᱜᱮ ᱴᱮᱦᱥᱱᱰ ᱢᱮᱱᱟᱜ ᱟᱠᱟᱫᱟ᱾ ᱦᱚᱱᱚᱛ ᱨᱮᱭᱟᱜ ᱥᱟᱭ ᱠᱟᱲᱟ ᱗᱐% ᱦᱤᱥ ᱟᱨᱡᱟᱣ ᱜᱮ ᱪᱟᱥ ᱟᱵᱟᱫᱽ ᱠᱷᱚᱱ ᱦᱤᱡᱩᱜ ᱠᱟᱱᱟ ᱾
ᱦᱚᱲ ᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱯᱩᱨᱱᱤᱭᱟ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱓,᱕᱙᱖,᱒᱙᱒ ᱡᱚᱱᱟ,[᱕] ᱦᱚᱲ ᱞᱮᱠᱷᱟ ᱦᱤᱥᱟ.ᱵᱽ ᱛᱮ ᱱᱚᱣᱟ ᱦᱚᱱᱚᱛ ᱫᱚ ᱟᱢᱫᱟᱡᱽ ᱞᱤᱛᱷᱩᱣᱱᱤᱭᱟ ᱫᱤᱥᱚᱢ ᱥᱚᱢᱟᱱ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱠᱚᱱᱮᱠᱴᱤᱠᱟᱴ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱘᱐ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱜᱟᱺᱴ ᱠᱤᱞᱚᱢᱤᱴᱚᱨ ᱡᱟᱭᱜᱟ ᱨᱮ ᱕᱒᱓ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱒.᱖᱔%᱾ ᱵᱟᱠᱩᱲᱟ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱕᱔ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱗᱐.᱙᱕% ᱾
᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ, ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱛᱟᱦᱮ ᱠᱟᱱᱟ ᱞᱮᱠᱷᱟ ᱜᱩᱴ ᱓,᱑᱙᱑,᱘᱒᱒ ᱡᱚᱱᱟ, ᱱᱩᱠᱩ ᱢᱩᱫᱽ ᱨᱮ ᱑,᱖᱓᱔,᱕᱖᱑ ᱡᱚᱱᱟ ᱫᱚ ᱦᱮᱨᱮᱞ ᱟᱨ ᱑,᱕᱕᱗,᱒᱖᱑ ᱡᱚᱱᱟ ᱫᱚ ᱢᱟᱭᱡᱤᱣ ᱠᱟᱱᱟ ᱠᱚ᱾ ᱑᱙᱙᱑ ᱥᱮᱨᱢᱟ ᱠᱷᱚᱱ ᱒᱐᱐᱑ ᱥᱮᱨᱢᱟ ᱦᱟ.ᱵᱤᱡ ᱜᱮ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱵᱟ.ᱰᱚᱜ ᱨᱮᱭᱟᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ- ᱑᱓.᱗᱙ ᱦᱤᱥ, ᱚᱠᱟ ᱫᱚ ᱜᱚᱴᱟ ᱯᱚᱪᱷᱤᱢ ᱵᱮᱝᱜᱚᱞ ᱨᱮᱭᱟᱜ ᱦᱚᱲ ᱞᱮᱠᱷᱟ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱗.᱘᱔% ᱦᱤᱥ᱾ ᱱᱟᱝᱜᱽᱨᱟᱦᱟ ᱨᱮᱭᱟᱜ ᱦᱚᱲ ᱠᱮᱠᱷᱟ ᱫᱚ ᱛᱟᱦᱮ ᱠᱟᱱᱟ ᱒᱓᱕,᱒᱖᱔ ᱡᱚᱱᱟ ᱦᱚᱲ ᱵᱚᱫᱚᱞ ᱛᱮ ᱒,᱙᱕᱖,᱕᱕᱖ ᱡᱚᱱᱟ ᱛᱟᱦᱮ ᱠᱟᱱᱟ ᱾
᱑᱘᱗᱒ ᱥᱮᱨᱢᱟ ᱨᱮ ᱯᱟ.ᱦᱤᱞ ᱫᱷᱟᱣ ᱦᱚᱲ ᱞᱮᱠᱷᱟ ᱫᱚ ᱦᱩᱭ ᱞᱮᱱᱟ ᱾ ᱱᱤᱛ ᱛᱤᱱᱟ.ᱜ ᱢᱟᱨᱟᱝ ᱡᱟᱭᱜᱟ ᱢᱮᱱᱟᱜᱼᱟ, ᱱᱚᱱᱰᱮ ᱙᱖᱘,᱕᱙᱗ ᱡᱚᱱᱟ ᱛᱟᱦᱮ ᱠᱟᱱᱟ ᱾ ᱑᱙᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱛᱮ ᱙᱐.᱗% ᱦᱚᱲ ᱫᱚ ᱵᱟᱝᱜᱽᱞᱟ ᱨᱮᱭᱟᱜ ᱦᱩᱰᱤᱧ ᱯᱟᱹᱨᱥᱤ ᱨᱚᱲᱮᱫᱟ ᱾ ᱚᱱᱟ ᱦᱩᱰᱤᱧ ᱯᱟᱹᱨᱥᱤ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱨᱚᱲᱤ ᱵᱚᱞᱤ, ᱚᱠᱟ ᱫᱚ ᱮᱴᱟᱜ ᱦᱚᱱᱚᱛ ᱠᱚᱨᱮ ᱦᱚ ᱠᱚ ᱵᱮᱵᱷᱟᱨᱮᱫ ᱠᱟᱱᱟ ᱾ ᱥᱟᱱᱛᱟᱞᱤ ᱯᱟ.ᱨᱥᱤ ᱫᱚ ᱙% ᱦᱚᱲ ᱠᱚ ᱨᱚᱲᱮᱫ ᱠᱟᱱ ᱛᱟᱦᱮᱱᱟ ᱾[᱖] ᱥᱟᱭ ᱠᱟᱲᱟ ᱘᱗.᱔% ᱦᱤᱥ ᱦᱚᱲ ᱫᱚ ᱦᱤᱱᱫᱩ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫ ᱠᱟᱱ ᱛᱟᱦᱮᱱᱟ, ᱘% ᱦᱤᱥ ᱦᱚᱲ ᱫᱚ ᱥᱟᱨᱤ ᱫᱷᱚᱨᱚᱢ ᱟᱨ ᱥᱟᱨᱮᱡ ᱕.᱖ % ᱦᱤᱥ ᱦᱚᱲ ᱫᱚ ᱢᱩᱥᱞᱟ. ᱫᱷᱚᱨᱚᱢ ᱠᱚ ᱯᱟᱧᱡᱟᱭᱨᱫ ᱠᱟᱱ ᱛᱟᱦᱮᱱᱟ ᱾ ᱚᱞ ᱯᱟᱲᱦᱟᱣ ᱦᱚᱲ ᱠᱚ ᱨᱮᱭᱟᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱖᱓.᱘᱔% ᱦᱤᱥ ᱾[᱗] Bankura has a literacy rate of 63.84 per cent.[᱘]
ᱚᱞᱚᱜ ᱯᱚᱲᱦᱚᱱ ᱟᱨ ᱥᱟᱥᱛᱷᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱸᱠᱩᱲᱟ ᱨᱮᱱᱟᱜ ᱢᱳᱴ ᱚᱞᱚᱜ ᱯᱚᱲᱦᱚᱱ ᱨᱮᱱᱟᱜ ᱦᱟᱨ ᱖᱓ᱹ᱔᱔%। ᱱᱚᱣᱟ ᱢᱩᱫᱨᱮ ᱠᱚᱲᱟ ᱠᱚ ᱗᱖ᱹ᱗᱖% ᱟᱨ ᱛᱤᱨᱞᱟᱹ ᱠᱚ ᱔᱙ᱹ᱔᱓%। ᱟᱹᱛᱩ ᱚᱲᱟᱜ ᱠᱚᱨᱮ ᱚᱞᱚᱜ ᱯᱚᱦᱚᱱ ᱨᱮᱱᱟᱜ ᱦᱟᱨ ᱖᱒ᱹ᱐᱙% ᱟᱨᱟ ᱯᱳᱹᱭᱨᱚ ᱠᱚᱨᱮ ᱘᱐ᱹ᱒᱒%। ᱒᱐᱓-᱐᱔ ᱥᱟᱞ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,ᱥᱤᱠᱨᱤᱛᱚ ᱤᱥᱠᱩᱞ ᱢᱮᱱᱟᱜᱼᱟ ᱓᱙᱓᱐ ᱜᱚᱴᱟᱝ । ᱱᱚᱣᱟ ᱠᱚ ᱢᱩᱫᱨᱮ ᱥᱤᱠᱨᱤᱛ ᱤᱥᱠᱩᱞ ᱓᱔᱒ ᱜᱚᱴᱟᱝ,ᱡᱩᱱᱤᱭᱟᱹᱨ ᱤᱥᱠᱩᱞ ᱑᱑᱙ᱜᱚᱴᱟᱝ,ᱢᱟᱫᱷᱚᱢᱤᱠ ᱤᱥᱠᱩᱞ ᱒᱑᱗ᱜᱚᱴᱟᱝ ᱟᱨ ᱩᱱᱩᱥᱩᱞ ᱥᱮᱠᱮᱱᱰᱟᱨᱤ ᱤᱥᱠᱩᱞ ᱑᱐᱓ ᱜᱚᱴᱟᱝ ᱾ ᱪᱮᱛᱟᱱ ᱪᱟᱱᱚᱪ ᱨᱮ ᱯᱟᱲᱦᱟᱜ ᱞᱟᱹᱜᱤᱫ ᱑᱔ ᱜᱚᱴᱟᱝ ᱰᱤᱜᱨᱤ ᱠᱚᱞᱮᱡ,᱕ ᱜᱚᱴᱟᱝ ᱤᱱᱡᱤᱱᱤᱭᱟᱹᱨ ᱠᱚᱞᱮᱡᱽ, ᱢᱤᱫᱴᱟᱹᱝ ᱯᱚᱞᱤᱴᱮᱠᱱᱤᱠ ᱠᱚᱞᱮᱡ ᱢᱮᱱᱟᱜ-ᱟ ᱱᱚᱣᱟ ᱦᱚᱱᱚᱛ ᱨᱮ ᱾ ᱢᱤᱫᱴᱟᱹᱝ ᱵᱤᱥᱥᱚ ᱵᱤᱫᱫᱟᱜᱟᱲ ᱟᱨ ᱓ ᱜᱚᱴᱟᱝ ᱢᱩᱠᱛᱚ ᱵᱤᱥᱥᱚ ᱵᱤᱫᱫᱟᱜᱟᱲ ᱢᱮᱱᱟᱜᱼᱟ । ᱵᱟᱸᱠᱩᱲᱟ ᱨᱮ ᱔᱕᱑ ᱜᱚᱴᱟᱝ ᱥᱤᱥᱷᱩ ᱥᱤᱠᱽᱠᱷᱟ ᱠᱮᱱᱫᱨᱚ ᱟᱨ ᱒᱘᱑ᱜᱚᱴᱟᱝ ICDS ᱨᱮ ᱚᱱᱜᱚᱱᱚᱣᱟᱲᱤ ᱢᱮᱱᱟᱜᱼᱟ । ᱱᱚᱣᱟ ᱠᱚ ᱪᱷᱟᱰᱟ ᱑᱓᱐ ᱜᱚᱴᱟᱝ ᱞᱟᱭᱵᱨᱮᱨᱤ ᱟᱨ ᱑᱓᱒ ᱜᱚᱴᱟᱝ ᱵᱤᱱᱟ ᱯᱩᱭᱥᱟ ᱛᱮ ᱯᱟᱲᱦᱟᱜ ᱞᱟᱹᱜᱤᱫ ᱚᱲᱟᱜ ᱢᱮᱱᱟᱜᱼᱟ ᱱᱚᱣᱟ ᱦᱚᱱᱚᱛ ᱨᱮ ।
ᱵᱟᱸᱠᱩᱲᱟ ᱦᱚᱱᱚᱛ ᱨᱮ ᱑᱕ ᱜᱚᱴᱟᱝ ᱥᱚᱨᱠᱟᱨᱤ ᱦᱟᱥᱯᱟᱛᱟᱞ ᱢᱮᱱᱟᱜᱼᱟ । ᱱᱚᱣᱟ ᱪᱷᱟᱰᱟ ᱘᱗ᱜᱚᱴᱟᱝ ᱥᱟᱥᱛᱷᱚ ᱠᱮᱱᱫᱨᱚ,᱕᱐᱘ ᱜᱚᱴᱟᱝ ᱠᱞᱤᱱᱤᱠ,᱔᱒ ᱜᱚᱴᱟᱝ ᱰᱤᱥᱯᱮᱱᱥᱟᱨᱤ ᱢᱮᱱᱟᱜᱼᱟ । ᱵᱟᱸᱠᱩᱲᱟ ᱯᱳᱹᱭᱨᱚ ᱥᱚᱵᱷᱟᱨᱮ ᱓,ᱵᱤᱥᱱᱩᱯᱩᱨ ᱟᱨ ᱥᱳᱱᱟᱢᱩᱠᱷᱤ ᱨᱮ ᱢᱤᱫ ᱴᱟᱝ ᱠᱟᱛᱜᱷᱟᱥᱯᱟᱛᱟᱞ ᱢᱮᱱᱟᱜᱼᱟ ।
ᱵᱟᱸᱠᱩᱲᱟ ᱦᱚᱱᱚᱛ ᱨᱮ ᱒᱔ ᱜᱚᱴᱟᱝ ᱥᱚᱢᱚᱥᱴᱷᱤ ᱡᱤᱭᱟᱹᱞᱤ (ᱯᱨᱟᱱᱤ) ᱥᱟᱥᱛᱷᱚ ᱠᱮᱱᱫᱨᱚ ᱟᱨ ᱒᱔ ᱜᱚᱴᱟᱝ ᱡᱟᱹᱥᱛᱤ ᱥᱚᱢᱚᱥᱴᱷᱤ ᱡᱤᱭᱟᱹᱞᱤ (ᱯᱨᱟᱱᱤ) ᱥᱟᱥᱛᱷᱚ ᱠᱮᱱᱫᱽᱨᱚ ᱪᱷᱟᱰᱟ ᱯᱮᱭᱟ ᱯᱚᱱᱚᱛ ᱡᱤᱭᱟᱹᱞᱤ (ᱯᱨᱟᱱᱤ) ᱥᱟᱥᱛᱷᱚ ᱠᱮᱱᱫᱨᱚ ᱢᱮᱱᱟᱜᱼᱟ ।
ᱯᱟᱹᱨᱥᱤ/ᱟᱲᱟᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District-specific Literates and Literacy Rates, 2001". Registrar General, India, Ministry of Home Affairs. Retrieved 10 October 2010.
- ↑ ᱪᱷᱟᱸᱪ:ওয়েব উদ্ধৃতি
- ↑ ᱛᱩᱢᱟᱹᱞ ᱦᱩᱲᱟᱹᱜ:Invalid
<ref>
tag; no text was provided for refs namedomalley1
- ↑ "Bankura District". District Administration. Retrieved 17 April 2017.
- ↑ "District Census 2011". Census2011.co.in. 2011. Retrieved 30 September 2011.
- ↑ "TRU for all Districts (SC & ST and Total)". Census 2001. Census Commission of India. Retrieved 12 July 2009.
- ↑ O’Malley, L.S.S., pp. 48-52
- ↑ "District Industrial Potential Report of Bankura (2003-04)". Archived from the original on 21 July 2011. Retrieved 21 July 2010.
- ↑ http://www.censusindia.gov.in/2011census/C-16.html
- ↑ ᱪᱷᱟᱸᱪ:ওয়েব উদ্ধৃতি
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]![]() |
ᱣᱤᱠᱤᱥᱟᱸᱜᱷᱟᱨ ᱨᱮ ᱵᱟᱸᱠᱩᱲᱟ ᱦᱚᱱᱚᱛ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
![]() |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱟᱸᱠᱩᱲᱟ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
![]() |
ᱵᱚᱨᱫᱷᱚᱢᱟᱱ ᱦᱚᱱᱚᱛ | ![]() | ||
ᱯᱩᱨᱩᱞᱤᱭᱟᱹ ᱦᱚᱱᱚᱛ | ![]() |
ᱦᱩᱜᱽᱞᱤ ᱦᱚᱱᱚᱛ | ||
![]() ![]() | ||||
![]() | ||||
ᱯᱟᱪᱮ ᱢᱤᱫᱽᱱᱟᱯᱩᱨ ᱦᱚᱱᱚᱛ |
- Pages with non-numeric formatnum arguments
- ᱥᱟᱦᱴᱟ ᱨᱮ ᱥᱟᱹᱠᱷᱭᱟᱹᱛ ᱠᱚ ᱵᱷᱩᱞ ᱜᱮ ᱢᱮᱱᱟᱜᱼᱟ
- Commons category with page title different than on Wikidata
- Wikipedia articles with LCCN identifiers
- Pages with red-linked authority control categories
- Wikipedia articles with VIAF identifiers
- Wikipedia articles with WorldCat-VIAF identifiers
- ᱵᱟᱸᱠᱩᱲᱟ ᱦᱚᱱᱚᱛ
- ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱦᱚᱱᱚᱛ ᱠᱚ
- ᱥᱤᱧᱚᱛ ᱨᱮᱱᱟᱜ ᱠᱚᱭᱞᱟ ᱠᱷᱟᱫᱟᱱ ᱦᱚᱱᱚᱛ ᱠᱚ
- 1881 establishments in India