Dorothy Ooko

Dorothy Ooko

Dorothy Akinyi Ooko ni umunyakenya uharanira inyungu rusange akaba n'umuhanga mu ikoranabuhanga.

Yavukiye mu bitaro bya Mater, i Nairobi, Yize mu ishuri ribanza rya Fort Hall Road mu mujyi yavukiyemo hanyuma yiga mu ishuri ryisumbuye ry’abakobwa rya Pangani mu cyiciro rusange nyuma asoza amashuri y'icyiciro cyisumbuye mu ishuri ryisumbuye rya Alliance Girls. Nyuma yagiye muri kaminuza ya Université de Haute Bretagne mu Bufaransa, aho yize Lettres Modernes mbere yo kwimuka ngo ajye mu rurimi rw'icyongereza. Yagarutse muri Kenya ahigira impamyabumenyi y'icyiciro cya mbere cya kaminuza mu ishami ry'Igifaransa n'Icyongereza mu buvanganzo kuva 1985-1988. Yigishije mu kigo cya Mukumu Girls igihe gito hanyuma ahabwa buruse yo gukorera impamyabumenyi y'ikiciro cya kabiri cya kaminuza mu ishami ry'igifaransa yakuye muri kaminuza ya Kenya. Afite kandi impamyabumenyi y'icyiciro cya kabiri muri kaminuza mu ishami ry'imiyoborere mpuzamahanga y’ubucuruzi yakuye muri kaminuza mpuzamahanga yo muri Amerika (USIU).

Ooko ni umuyobozi ushinzwe itumanaho, Afurika y'Iburasirazuba n'ibihugu bikoresha ururimi rw'Igifaransa muri sosiyete ya Google ikorera i Nairobi. Mbere yibyo, yakoreraga Nokia i Nairobi.

Ibyagezweho

Ooko yagize uruhare mu kuyobora umushinga wo gukuraho umusoro ku nyongeragaciro (TVA) kuri terefone zigendanwa muri Kenya. Mu rwego rw'itsinda rya Nokia y'Iburasirazuba no mu majyepfo ya Afurika, yakoranye n'itsinda rya LG, Safaricom hamwe n'abacuruza telefone zigendanwa.