Михаил Парлаг
Вызир
Михаил Парлаг | |
---|---|
Фото хыбить | |
Чинность | педагог, фолклориста, писатель |
Горожанство | Угорьско, Чеськословеньско, УССР |
Уроджѣня | новембра 21., 1899 |
Лохово, жупа Берег, Австро-Мадярщина | |
Упокоеня | новембра 17., 1992 (92 р.) Мукачово, Украина |
Ту можуть быти податкы з Wikidata, не контролованы авторами статѣ |
Михаил Парлаг, * 21. новембра 1899, Лохово, жупа Берег, Австро-Мадярщина (днесь Мукачовскый район) – †17. новембра 1992, Мукачово, Украина — народный учитель од поволаня, сполоченскый и културно-просвѣтный активиста на Подкарпатской Руси.[1][2][3]
Биография
[едітовати | едітовати жрідло]- Школы
- Выштудовав Мукачовску гимназию и записав ся на Мукачовску учительску семинарию. З послѣдного рочника семинарии быв мобилизованый до австро-мадярского войска в року 1918, а в року 1919, в переддень роспада Австро-мадярской империи дезертовав.
- Културно-просвѣтна робота
- Ищи в штудентскых роках спознав ся зоз Тивадаром Легоцкым, а в року 1930 — зоз секретарьом Лева Толстого Валентином Булгаковом. В року 1919 школный реферат новой чехословацкой влады вызнав его учительску квалификацию и послав го учительом до села Пистрялово Мукачовского округа, а од року 1921 перемѣщеный быв до села Буковець найхудобнѣйшого Воловецкого округа, де в тоты часы, подля его дньовника, «пановала бѣда, голод, а взимѣ и холод». Молодый учитель через Червеный Крест домог ся, обы голодуючы дѣти и сироты войны достали ѣстиво, шатя и топанкы. Учив и их родительох, селян, а то не лем читати и писати, але и лѣпшым способам газдованя.[1][2][3]
- В селѣ фунговав дом-читалня, дыховый орхестер и драматичный кружок.[3]
- Руськый Народный Дом
- В року 1926 в Буковци з его инициативы селяне выбудовали первый на Верховинѣ Руськый Народный Дом (културной организации общества А. Духновича зоз централов в Ужгородѣ), але в року 1930 тот деревяный дом згорѣв. Намѣсто нього выставили новый, мурованый.[1][2]
- Кооперация
- Парлаг яко лѣпшый учитель округа быв менованый куратором округа и предсѣдником рады 10 сел Жденьовской долины. Селян научив, як створити кооперативы, подля его рады сполом куповали аграрну технику, засобы зерна на припад неуроды.[1][2]
- Педагогична карьера
- В роках 1928 – 1938 быв иншпектором школ Свалявского округа, од року 1938 директор школы в Голубином и учитель в Свалявѣ. Од року 1940 – штатистик в Мукачовском школном иншпекторатѣ.[1]
- В часѣ войны быв мобилизованый до мадярского войска, але быв лем на писарской службѣ в границях державы. Ту стрѣтив ся з мобилизованым Федором Потушняком и, яко писарь, помог му представити ся незнаючым мадярскый язык и неученым, про што не быв посланый на фронт.[4]
- В добѣ УССР быв директором Росвиговской семирочной школы, пак од року 1945 в Мукачовском окружном оддѣлѣ народной освѣты быв иншпектором дошколных установ округа, а од 18. апрѣля 1946 — иншпектором школ.[1]
- Послѣдны рокы
- В добѣ УССР за педагогичну роботу достав званя Заслуженый учитель.[3] В часѣ русинской оброды наперек годному вѣку припоив ся ку русинскому руху, старав ся рештаврациев памятника Александру Митраку на Росвиговском теметовѣ.[1][2] Земный живот опустив 17. новембра 1992 в Мукачовѣ, не доживши два дны до свого 93-лѣтя.
Литературна творба и фолклористика
[едітовати | едітовати жрідло]В часѣ учительства на Верховинѣ зберав спѣванковый фолклор и вышивкы, штудовав технику вышиваня и колекционовав вышиты сорочкы, ручникы, обрусы. Лишив по собѣ описы народных обрядох, сохташа села Буковець и опис сельской свадбы.[1][2][3]
В периодичной пресѣ публиковав курты литературны описы о животѣ и обычаях Русинох, написаны в романтичном духу, проникнути жальом за заникаючов минулостьов.[5]
Жерела и одказы
[едітовати | едітовати жрідло]- Михайло Алмашій: Русинська педагогічна енциклопедія — Ужгород: Карпатська Вежа, 2005. — 304 с. ISBN 966-2674-43-X укр.
- Василь Пагиря: Я світ узрів під Бескидом. Сторінки історії — Ужгород: Карпати, 1993 — 227 с. ISBN 5-7757-0524-6 укр.
- Иван Поп: Энциклопедия Подкарпатской Руси — Ужгород: Изд-во В.Падяка, 2001. — 431 с. ISBN 966-7838-23-4 русс.
- Михаил Парлаг. З литературной творбы (по русинскы). Русинска Веб-книга. https://rusin8.webnode.ru/tags/Михаил%20Парлаг/. [перевірено 2019-12-02].
- Людвиг Филип (2017-02-11). Михаил Парлаг – педагог, фолклорист, активный духновичович (по русинскы). Юрий Шипович. https://www.facebook.com/221659364602733/posts/d41d8cd9/972725249496137/. [перевірено 2019-12-02].