Иван Ковач (композитор)
Иван Ковач | |
---|---|
![]() | |
Чинность | композитор, педагог |
Уроджѣня | авґуста 1., 1937 |
Руски Керестур, Войводина | |
Упокоеня | апріля 18., 1992 (54 р.) Новый Сад, Сербия |
Причина смерти | нагла хворота |
Ошкола | Isidor Bajić secondary school of music, Novi Sad, факультет філософії Белградського університету, Faculty of Music Arts, Belgrade |
Отець | Михал Ковач |
VIAF:120342754; GND:141097086; LCCN:n95061877;
Ту можуть быти податкы з Wikidata, не контролованы авторами статѣ |
Иван Ковач (шкицы ку портрету) 26 мин. | |
![]() |
Иван Ковач: Три смутны пьесы. 4 мин. | |
![]() |
И́ван Ко́вач, * 1. август 1937, Руски Керестур, Войводина – 18. апрѣль 1992, Новый Сад, Сербия) — композитор, педагог, сын Михала Ковача, писателя,[1] сполоченскый и културный дѣятель меджи Русинами Войводины.[2]
Биография
[едітовати | едітовати жрідло]Закончив гимназию и оддѣлѣня клавира музичной школы Исидор Баич в Новом Садѣ, пак на Београдской музичной академии штудовав клавир и композицию и дипломовав в року 1969 з фахом композитора. Уже и в часѣ штудий працовав в Радию Нови Сад, а по штудиях быв выбраный за музичного редактора; быв директором музичной школы Исидор Баич, доцентом и деканом музичного оддѣлѣня Академии Умѣня в Новом Садѣ. В року 1986 быв выбраный на секретаря Предсѣдательства Союза композиторох Югославии.[2]
„ | Найменше ся знать, же Иван Ковач быв и поет... Быв великый русинскый интелигент и широка поетична душа. | ” |
Дюра Латяк, видео, 6. мин. |
Творба
[едітовати | едітовати жрідло]Творчым идеям Ивана Ковача найближа камерна музика. Про камерный гусльовый оркестер написав: Концерт, Serenadu bukoliku (1971), Прелудию, вариации и фугу (з хором, клавиром и бубноритмичныма инштрументами, 1976) и Funerailles. З камерных композиций тыж треба спомянути сонаты про гобой и клавир (1967-1972), гуслѣ и клавир (1978), Sonatu-torzo про кларинет и клавир (1974), Три смутны пьесы про виолончело и клавир,[3] Смыковый квартет (1973). Значну часть творчости придѣлив клавиру: Прелудия и фуга, Суита, Sonata (hommage à I. Kassowic) (1971), Toccata quasi una sonata, Вариации и фуга на два клавиры. Композиции про оркестер: Симфония (1969) и Клавирный концерт и оратория Бороню, котры достали награды на конкурзу з нагоды юбилея Билечанкы (1980). Иван Ковач быв и автор великого числа соло спѣванок, хоровых композиций, дѣточой и сценичной музикы (ай про фестивалы Червена ружа и Червене пупче), а тыж быв музичный критик и публициста.[2]
Жерела и одказы
[едітовати | едітовати жрідло]- Душан Михалек (2017). Мой приятель Иван Ковач (по русинскы) (DOC). academia.edu. https://www.academia.edu/34722831/Иван_Ковач_1937-1992_?auto=download. [перевірено 2019-12-29].
- Мишанич О. В., Стаценко Н. С.,Цап М. М. (2013). Ковач Іван (по украинскы) (ФОТО). Енциклопедія Сучасної України. http://esu.com.ua/search_articles.php?id=7254. [перевірено 2019-12-29].