Домова война
![](http://upload.wikimedia.org/wikipedia/commons/thumb/c/c9/Evstafiev-chechnya-handshake.jpg/220px-Evstafiev-chechnya-handshake.jpg)
Домова война або тыж горожанска война є такый озброєный конфлікт, в котрім обідві боюючі стороны творять (холем счасти) жытелї єдного штату боюючі справила на ёго теріторії.
Вгодну сітуацію на выник войны представлює слаба централна влада при выразнім реліґійнім, соціалнім ці націоналнім шпанованю, або екзістенції явного утиску ясно дефінованой части жытелїв. Засадный вплив може походити з історії даного штату або области.
Прічіны
[едітовати | едітовати жрідло]![](http://upload.wikimedia.org/wikipedia/commons/thumb/9/94/Nyamata_Memorial_Site_5.jpg/220px-Nyamata_Memorial_Site_5.jpg)
Міджі основны прічіны вынику домовых войн належать націоналны і етнічны розлукы, моценьскы, господарьскы і ідеолоґічны розлукы тай реліґійны розлукы. Не все але годен войны подля того роздїлїня шпеціфіковати, бо даколи можуть быти основаны на веце прічінах (наприклад в домовій войнї в Росії ся боёвало як з ідеолоґічных, так з націоналных прічін, много повстань Ірів проти Брітаньскій надвладї было мотівованых як націонално, так і реліґійно).
Націоналны розлукы
[едітовати | едітовати жрідло]Найчастїшы прічіны такой войны суть в пожадавках єднотливых етнік ці націй жыючіх внутрї многонаціоналных штатів, векшынов ходить о пожадавку автономії ці одторгнутя части теріторії країны, або о усиля дакотрого з етнік перебрати контролю над ряджінём штату. Прикладом може быти домова война в Югославії і їх наступницькых штатах, война в Косові і война у Рвандї.
Моценьскы і ідеолоґічны роспоры
[едітовати | едітовати жрідло]Моценьскы роспоры, наприклад о особу ці партію стоячу на чолї країны, або ідеолоґічны роспоры о форму штатного зряджіня можуть вести так само ку домовій войнї. Тоты припады суть днесь найчастїшы в розвоёвых країнах, але годен їх найти і в історії тыж найрозвинутїшых країн. Прикладом можуть быти фіньска домова война, російска домова война ці іспаньска домова война. Прикладом зо сучасности є домова война в Непалї.
Реліґійны розлукы
[едітовати | едітовати жрідло]В сучасній добі не суть реліґійны домовы войны барз часты, часто ся навеце комбінують з націоналныма або моценьскыма войнами. Прикладом реліґійных домовых войн можуть быти гусітьскы войны в чеськых країнах в 15. сторочу.