San Donaci

San Dònaci comune
San Dònaci – Stemme San Dònaci – Bandiera
San Dònaci – Veduta
Localizzazione
State	Itaglie
Reggione	Pugghie
Provinge	Brinnese
Amministrazione
Sinnache	Dumineche Fina (liste civiche Il Sole) da 'u 27/05/2013
Territorie
Coordinate	40°27′N 17°55′E40°27′N, 17°55′E (San Dònaci)
Altitudine	42 m s.l.m.
Superficie	34,04 km²
Crestiàne	6 768 (31-12-2015)
Denzetà	198,82 ab./km²
Comune 'nzeccate	Brinnese, Cellino San Marco, Guagnano (LE), Mesagne, San Pancrazio Salentino
Otre 'mbormaziune
Cod. postale	72025
Prefisse	0831
Fuse orarie	UTC+1
Codece ISTAT	074013
Cod. catastale	H822
Targhe	BR
Cl. sismiche	zone 4 (sismicità assaije vasce)
Nome javetande	sandonacise
Patrone	Sanda Marije de le Grazie, san Vecinze Ferrer
Sciurne festive	5 aguste
Cartografije
San Dònaci San Dònaci
San Dònaci – Mappa Posizione d'u comune de San Donaci jndr'à provinge de Brinnese
Site istituzionale

San Dònaci je 'nu comune tagliane de 6.768 crestiane d'a provinge de Brinnese jndr'à Pugghie.

Se iacchie jndr'à 'u Salènde lunghe 'a direttrice 'mbrà Lecce e Tarde.

Jè 'nu pseudoagiotoponime; 'n'etimologgije secure proposte 'nu picche de tiembe fa 'u porte a dominicus, da 'u quale iesse donicus e spiccianne a donaci, da indendere cumme '(casale o ville sckaffate jndr'à 'nu) terrene dominicate, ca significhe non date a 'nu feude'.

Storie

Pe approfondimende, 'ndruche le vôsce Storie d'a Pugghie e Storie d'u Salènde.

Stonne retrovaminde de oggette preistorece jndr'à grotte ca ste jndr'à contrade Mariane ('nu picche de vase e arme litiche 'nderra-nderre).

Reste romane assute jndr'à contrade "Cuciulina" ('na necropoli piccenne de quattre chiaute e quacche epigrafe), jndr'à contrade Palazze (reste de 'na ville prediarie) e jndr'à contrade Mea (ville rusteche) fanne penzà a 'na presenze sporadeche de l'omme jndr'à l'età preclasseche e pò romane, probbabbilmende popolazziune messapeche ca pò avenerene colonizzate da le tarandine e infine 'nglobbate jndr'à Regio II Apulia et Calabria da 'u 'Mbere Romane.

Le prime tracce de 'nu 'nzediamende 'mbortande resalene a 'u X sechele, quanne 'u territorie d'u Salènde stave sotte a 'u dominie d'u 'Mbere Bizzandine. 'Nu sacche de crestiane dicene ca San Donaci ha state origgenariamende 'nu casale d'a Foreste oritane, apprime de essere date in feude da le conde de Conversane a l'arcivescove de Brinnese, Baiardo, jndr'à 'u XII sechele. Accussì rumanìe 'nzigne a fine d'u XVIII sechele, quanne Ferdinande IV de Borbone l'assegnò 'nzieme a 'u feude de San Pangrazie a 'nu guvernatore reggie.

'A feudalità arcivescovile sus a San Donaci subbìe 'n'inderruzzione formale e none sostanziale, jndr'à 'u 1461, quanne Ferdinande d'Aragone assegnò a George Castriote Skanderbeg 'nu sbuènne de feude jndr'à Pugghie, 'mbrà le quale San Donaci, in combense de l'aijute jndr'à uerre condre a Giuanne II de Lorena. Ma Skanderbeg e 'a colonie albanese ca avere pigghiate possesse de San Donaci preferirene lassà 'u feude a l'arcivescove de Brinnese.

'U nome d'u paese, seconde 'n'ipotesi assaije particolare de Giacome Arditi, pare ca avène da 'n'abbreviazzione de Donatoci, participie passate d'u verbe donare. Ma cchiù probbabbilmende jidde pò ffà referimende a 'nu sande particolarmende venerate jndr'à 'u medioeve jndr'à 'u Salénde, San Dona, nnomenate pure San Danatte e San Danax (Dànace).

Monuminde e luèche de inderesse

'A strutture architettoneche de carattere storeche cchiù 'mbortande jè 'u Castelle, o Palazze arcivescovile de l'arcidiocesi de Brinnese d'u quale 'u borghe de San Donaci ere 'nu stuézze d'u Feude.

'A Chiesere de Sanda Marije Assunde jè 'n'esembie de neoclassicisme architettoneche attardate. 'Nzippate jndr'à 'u 1899 sus 'a na chiesere ca stave apprime, face 'ndrucà sus 'a chiazze 'a facciate elengande e sobbrie, cu 'u cambanile ierte, ca se 'ndruche da tutte le vanne. A 'u 'nderne sue ste l'altare de petre dedicate a l'Addulurate.

Jndr'à chiesere piccenne de Sanda Marije de le Grazie, osce a die cappelle d'u cambesande (a 300 metre da 'u pajesere), ste stipate l'immaggine venerate a affresche de 'na Madonne cu 'u Piccinne (Madonne de le Grazie) d'u XV sechele securamende appettate arrete.

Comblesse de San Miserino jndr'à l'agre de San Donaci (BR)

Jndr'à contrade Mondicelle (sus 'a strade pe Mesagne) se iacchie 'nu rudere abbandunate d'u Tembiette de San Miserine, conziderate 'u luéche de culte paleocrestiane 'mbrà le cchiù andiche de l'indera reggione (VI-VIII sechele). Jè 'n'edificie de granne inderesse architettoneche pa chianda cendrale a forme ottogonale cu coperture a cupole, ca rechiame 'a tradizione costruttive romane. Pe 'nu sacche de sechele abbandunate e quase scettate 'nderre, ha state sulamende pe 'na vanna piccenne restrutturate; face 'ndrucà angore 'a tipiche coperture a cupole (fatte de opus cementicium) ca ste sus a uette pilastre e capitelle fate de stucche decorate cu fogghie d'acante. 'U 'nderne jè a cchiù o mene 2 metre sotte 'u piane de cambagne cu quattre abside piccinne ca sò condrapposte; sus a le parete rumanene tracce de 'ndonache russe, ma sò quase tutte sparite le affresche de epoche bizzandine e le decoraziune de stucche, invece 'u pavimende stipe angore stuézze d'u mosaiche a doje culure, probbabbilmende de epoche romane. Se tràse da 'nu pronae ca ste vecine a doje ambiende piccinne quase tutte scettate 'nderre. Probbabbilmende nate, jndr'à l'età romane, cumme tembie pagane (o ninfée), avenìe cchiù nnande ausate cumme battistere da le prime crestiane. 'U monumende jè a cchiù o mene 100 metre a sud d'u Limitone de le Grice, 'nu mure andiche de divisione 'mbrà 'a zone bizzandine (a sud) e quedde Longobbarde (a nord).

'A zone de le Palude, 'nu tiembe sede de 'nu 'nzediamende rupestre de monace de San Basiglie, jè osce a die pe 'na vanne cultivate; jè 'nu luèche de passagge de le acidde migratorije. In proggette 'u ripristine de l'arée naturalisteche e 'a realizzazzione de 'nu parche prutette.

Attività economeche

'A combonende essenziale de l'economije sandonacese jè l'agricolture (vine, uegghie, cereale, frutte, bambaggie); abbastanze diffuse l'allevaminde de le ovine, le stabbilimende pe ffà 'u vine, le frandoie e le stabbilimende pe fatià le fiche secche.

San Donaci jè pure 'n'imbortande cendre pa viticolture.

Suggettate

Evoluzione demografeche

Crestiane censite

Etnie e furastire residende

A 'u 31 decemmre 2014 jndr'à 'u territorie comunale se reggistrave 'a presenze de 98 furastire residende (37 maschele e 61 femmene) ca sonde cchiù o mene 'u 1,44% d'a popolazzione totale residende. 'A comunitate cchiù granne jè probbie quedde de le marucchine.

Aqquà sotte iacchie le nazionalitate cchiù rappresendate:

• Marocche: 51
• Romanie: 29
• Germanie: 5

Economije

Pe approfondimende, 'ndruche 'a vôsce Economije d'a Pugghie.

L'economije se base praticamende quase totte sus a l'agricolture, caratterizzate da oliveculture (soprattutte chiande nove) e viticolture, so presende 'nu sacche de aziende de vine e cendre de assistenze fiscale.

Amministrazione

Mò avène presendate 'na tabbelle relative a le amministraziune ca se onne cangiate jndr'à stu comune.

Periode		Prime cetadine	Partite	Careche	Note
2 aguste 1988	16 sciugne 1993	Vito Punzi	Partito Democratico della Sinistra, Partito Comunista Italiano	Sinnache
23 febbrare 1990	18 aguste 1991	Carmine Lolli	Democrazia Cristiana	Sinnache
16 sciugne 1993	28 abbrile 1997	Mechèle De Filippis	-	Sinnache
28 abbrile 1997	13 decemmre 1999	Gesèppe Gagliani	Partito Democratico della Sinistra	Sinnache
17 abbrile 2000	27 novemmre 2002	Vecinze Elia	centro-destra	Sinnache
27 novemmre 2002	27 masce 2003	Mechèle Lastella		Comm. straordinarie
27 masce 2003	15 abbrile 2008	Mariangele Presta	Casa delle Libertà	Sinnache
15 abbrile 2008	28 masce 2013	Dumineche Serio	lista civica	Sinnache
28 masce 2013	in cariche	Dumineche Fina	lista civica: il sole	Sinnache

Bibbliografije

• Giacome Arditi, Corografia fisica e storica della Provincia di Terra d'Otranto, stab. Scipione Ammirato, Lecce 1879, p. 530.
• San Donaci: natura e cultura, a cure de l'Amministrazione comunale, San Donaci s.d. (1960 cchiù o mene)
• Dolores Bardicchia e Francesco Panna, Le masserie di San Donaci nell'alto Salento, a cure d'u Labboratorie de studie salendine, Latiane 2008.
• Giuanne Matichecchia, Il tempietto di San Miserino nel territorio di San Donaci, a cure de Andonije Nitti, Cendre studie G. Antonucci, Mesagne 1997.
• Gesèppe Baldassarre, Per l'etimologia di un toponimo salentino: San Dònaci, "Rivista Italiana di Onomastica" RIOn, XX (2014), 2 , pp.589-592.

Otre pruggette

Altri progetti

• Uicchimedie Commons

• Uicchimedie Commons tène files multimediale sus San Donaci

Collegaminde fore a Uicchipèdie

• Descrizione e immaggine de San Donaci (sus a Brindisiweb.com), su brindisiweb.com.

Condrolle de autorità	VIAF (EN) 236155047