Andorra la Vella
Andorra la Vella amministrazioni | |||||||||
---|---|---|---|---|---|---|---|---|---|
Andorra la Vella | |||||||||
| |||||||||
![]() | |||||||||
Stato: | ![]() | ||||||||
Coordinate: | 42°05′N 1°30′E | ||||||||
Coordinate: | 42°30′N 1°30′E | ||||||||
Altitudine | 1.023 m s.l.m. | ||||||||
Superficie | 59 km² | ||||||||
Crestiàne | 22.884 (2004) | ||||||||
Denzetà | 762,8 ab./km² | ||||||||
CAP | AD 500 | ||||||||
Site istituzionale | www.comuandorra.ad | ||||||||
![](http://upload.wikimedia.org/wikipedia/commons/thumb/1/1a/Valira_river_in_Andorra_la_Vella.jpg/250px-Valira_river_in_Andorra_la_Vella.jpg)
Andorra la Vella (IPA: /an'dɔra la'βeʎa/) jè 'a capitale d'u Prengepàte de Andorre, e jè iacchiute jndr'à lle Pirenee Oriendale, 'mbrà Frange e Spagne.
Se iacchie ad 'a confluenze d'a Gran Valira, 'a Valira del Oriente ed 'a Valira del Norte.
Storie
[cange • cange 'a sorgende]'U terrene addò se iacchie Andorra la Vella (letteralmènde, "Andorre 'a Vècchie") jè state jàvitate prime de l'ere crestiáne, e hagghie ospitate 'a prengepàle cetate fine da 'u 1278 quanne le dò co-prengipie (frangise ed episcopale) se misere d'accorde pè 'a sovranità congiunde. Jndr'ô 1978 ha state funnate 'a nuève parrocchie de Escaldes-Engordany da 'na vanne d'u territorie de Andorra la Vella. Jndr'ô 1993, 'a prime costituzione d'ô state stabbelì 'na democrazie parlamendare, e Andorra la Vella ospite le sede de le ttrè potere: legislative, esecutive e giuridiche.
Festività
[cange • cange 'a sorgende]'A feste patronale jè 'u 24 sciùgne, 'a festa major jè 'a prime dumèneche de aguste.
Da visetà
[cange • cange 'a sorgende]- Case de la Vall (Parlamènde e Palazze de Giustizie)
- Chiese de Sant'Esteve
- Chiese de Sande Coloma
- Chiese de Sant Andreu
- Ponde d'a Margineda
- Caldea
Case de la Vall (Parlamènde e Palazze de Giustizie)
[cange • cange 'a sorgende]Ère state quagghte cumme case famigghiare jndr'ô 1580, cchiù nnande ha state accattate da 'u Congilie Generale jndr'ô 1702 e ôsce a die jè 'a sede d'u Parlamènde. Se iacche jndr'ô core d'a cetate ed 'a soje architetture condiene elemende sije militare ca civile. A le 'nderne se iacchie 'nu 'nderessande armediette cu sette serrature ca hagghie cunzervate le cchiù 'mbortande documènde naziunale. L'armadie pòte essere apìrte sule d'a presenze jndr'ô stesse timbe de le sette chièje tenute da le conzigliere (une pè ogne parrocchie jndre cui jè scucchiáte 'u prngepàte). Se iacchie pure 'nu dormitorie e 'na cucine risalènde ad 'u XVI sèchele.
Chiese de Sande Coloma
[cange • cange 'a sorgende]'A chiese de Sande Coloma jè une de le cchiù andìche de Andorre. Origgenariamènde ha state quagghiate jndr'ô stile pre-romanice, ma cchiù nnande hagghie subbìte deverse refacimènde 'mbrà cui 'u cambanile d'u XII sèchele ed 'u portiche d'u XVIII sèchele. 'A chiese conzerve 'mbortande documènde artisteche 'mbrà cui 'na icone lignee d'u XII sèchele rappresentànde 'a Madonne d'a Misericordie. Sfortunatamènde le splendide affresche romaneche ôsce a die se iacchiene ad 'u Musee Culturale Prussiane de Berline.
Caldea
[cange • cange 'a sorgende]'A Caldea jè une de le cchiù ambie strutture termale europee, cu 'na architetture futuristeche jndr'ô core de le Pirenee. Ce stonne 6000 m2 de saune, piscine, e vasche sije 'nderne ca esterne.
![](http://upload.wikimedia.org/wikipedia/commons/thumb/1/1f/Com%C3%BA_d%27Andorra_la_Vella.png/300px-Com%C3%BA_d%27Andorra_la_Vella.png)
Crestiáne famuse d'a cetate
[cange • cange 'a sorgende]- Sophie Dusautoir Bertrand, scialpiniste
Record e curiosità
[cange • cange 'a sorgende]- Andorra la Vella jè, cu 1070 m, 'a capitale cchiù ìerte d'Europe.
Otre pruggette
[cange • cange 'a sorgende]Uicchimedie Commons tène files multimediale sus Andorra la Vella
Collegamende sus a indernette
[cange • cange 'a sorgende]![]() |
Parrocchie de Andorre | Andorra la Vella | ![]() |
---|---|---|
Andorra la Vella • Santa Coloma • La Margineda |