Parigge
«C'è, tra Londra e Parigi, questa differenza: Parigi è fatta per lo straniero e Londra per l'inglese. L'inghilterra ha costruito Londra per il suo proprio uso, mentre la Francia ha fatto Parigi per il Mondo intero.» |
(Ralph Waldo Emerson[1]) |
Parigge | |
---|---|
![]() | |
![]() | |
Nome oregenale: | Paris |
State: | ![]() |
Reggione: | ![]() |
Departemende: | ![]() |
Coordinate: | |
Grannenèzze: | 105,40 km² |
Autezze: | 33 m s.l.m. |
Populazzione: | 2.153.600 ab. (2005)
|
Denzetà: | 20.433 ab./km² |
Codice INSEE: | 75056 o 75101-75116 |
CAP: | da 75001 a 75020 e 75116 |
Targhe: | 75 (Numero Univoco) |
Sinneco: | Bertrand Delanoë (2001–2008) |
![]() | |
Site istituzionale |
Parigge (Paris in frangése - pronunge paʁi parì, genere maschile, andicamende Lutèce ly'tɛs, da 'u latine Lutetia Parisorium) éte capitale f'a Frange, capeluèche d'a reggione de l'Île-de-France e l'uneche comune a essere pure departimende.
Jè pure 'u comune cchiù popolose d'a Frange, eppure 'u quinde de l'Aunione europèe, apprisse Londra, Berline, Madrid e Rome. L'area metropolitane de Parigge jè invece 'a terze cchiù popolate de l'Europe, cu 11.769.433 crestiane (le crestiane ca javetene jndr'à cetate avènene chiamate pariggine), apprisse Londra e 'a Reggione d'a Rhur.
'A cetate, costruite sus a 'n'anse d'a Senna, a parte ca jè fondamendale snode de trasporte e traffece d'u condinende europèe, jè une de le cchiù 'mbortande e influende metropole mundiale, eppure 'nu cendre culturale, politeche e economeche assaije forte sia a levèlle nazionale ca 'ndernazionale. In effette, 'a posizione de Parigge a 'u cendre de 'nu snode de le prengepàle itinerarie commerciale terrestre e fluviale le permettìe de addevendà une de le cetate cchiù influende d'a Frange partenne da 'u X sechele, cu 'a costruzione de le palazze riale, de ricche abbazie e dìa celebre cattedrale de Notre-Dame.
Luènghe tutte 'u corse d'a propria storie, Parigge ha sapute influenzà jndr'à 'nu mode determinande 'a politeche, culture, 'u stile de vite e l'economije de l'indere munne occidendale: già sede jndr'à 'u XIII sechele d'a rinascite de le arte e d'u sapere, jndr'à 'u XIV sechele devende 'a cchiù 'mbortande cetate de l'indere munne crestiane.
Jndr'à l'età moderne l'influenza soje condinue a crescere jndr'à tutte le sienze: jndr'à 'u XVII sechele jè 'a capitale d'a cchiù granna putenze militare d'u condinende, jndr'à 'u Settecinde addevende 'u cenacole europèe d'a culture e de le "lume", pe pò avviarse jndr'à l'Uettecinde a devendà 'a cetate de l'arte, de le piacere e d'u divertimende.
Scrigne ca tène numerose monuminde da l'incalcolabbele valore storeche e artisteche, Parigge rappresende 'u simbele stesse d'a culture frangese e d'u prestigge sue jndr'à 'u munne. Jndr'à 'u 2008 jè, seconde le cifre de l'Organizzazione mundiale d'u Turisme, a 'u stesse timbe 'a cetate e 'u luèche cchiù visitate d'u munne, cu cchiù de 45 miliune de turiste.
Le turiste le attrebbuiscene spesse 'u qualificative de "cchiù romandeche cetate d'u munne": titele derivate da 'u periode d'a "Belle Epoque" duranne 'a quale Parigge avenìe profondamende trasofrmate da 'u barone Haussmann, guidate da 'u 'Mberatore Napoleone III ca vuleve fà d'a capitale frangese 'a cchiù belle cetate d'Europe: une de le cchiù granne rivoluzione urbanisteche maje canusciute jndr'à storie de l'umanità.
Storie
[cange • cange 'a sorgende]![]() |
Pe approfondimende, 'ndruche 'a vôsce Storie de Parigge. |
L'andiche nome d'a cetate, Lutetia, e de doje soje quartire, le Marais e 'a mundagne de Sainte-Geneviève l'andiche Lucotecia, indicane ca jndr'à zone stavane de le palude, ma diversamende da quande stu fatte pò fà penzà, 'a zone non g'ere paludose, ma invece assaije fertile. Evenduale inondaziune da vanne d'a Senna avvenivane jndr'à 'u vallone ca da l'estremità oriendale d'u Marais, da 'u canal Saint Martin, prosegue a le granne Boulevards, 'mbonde a 'u ponde de l'Alma. Otre non g'è ca 'nu luènghe meandre abbandonate da 'u fiume probbabbilmende 10.000 anne fa, esistenne effettivamende palude 'mbrà Montmartre e 'a mundagne de Sainte-Geneviève 30-40.000 anne fa.
Tribbù celteche s'averen mise pe 'nu sacche de sechele jndr'à 'n'anse d'a Senna. Cesare le 'ngondrò quanne ste dave 'a cacce a Vercingetorige, duranne 'a camnbagne d'a conguiste d'a Gallia, jndr'à 'u 52 n.C.. Jè possibbele ca erane nomade, ce jè corrette 'a 'nderpretazione d'u lore nome Parisii ca avessa derivà da kwar ca signifeche strade. O erane semblicemende tribbù ca le romane 'ngondrarene lunghe 'u traggitte.
Securamende 'a posizione d'u stanziamende jè inderessande: favorisce 'a mobbilità de le truppe luènghe 'u fiume e arrecorde 'na situazione analoghe a quedde de l'isola Tiberina de Rome, cu doje isolotte ca aiutane 'u guade 'mbrà 'na rive e l'otre d'u fiume. Le romane mettèrene 'n'insediamende lore e 'u chiamarene Lutetia Parisorium ('a palude fangose de le Parisii, ca puteve essere 'nu riferimende ironeche a le chiogge frequende).
Conguistate e pacificate 'a Gallia, Lutetia devende 'na cetate romane, jndr'à l'aspiraziune e jndr'à 'u stile vicile: 'u site jè in posizione favorevole pe le commerce e le traffece fluviale, le popolazziune locale sonde avvandaggiate da l'espanzione economeche purtate da le romane - ggià cchiù o mene cinguand'anne apprisse, Lutetia se presende cumme 'n'insediamende in vie de espanzione sus 'a rive sinistre d'a Senna, 'a rive gauche, e Lutetia ste addevende 'nu nome de cetate.
'A cetate romane se dotre de le strutture essenziale pe essere degne de stu nome: apprima cose, 'u fore, pò le terme (le quale reste sonde visibbele, scavate bbuène, a l'Hotel de Cluny), pò l'anfitiatre e 'nu tiatre.
Pò arrevarene le crestiane, e siccome Lutetia jè 'na cetate romane, jndr'à 'u 250 face pure jedde 'u promartire sue, 'u vescove Dionigi ca, cumme Pitre, quacche sechele apprisse avène elette patrone d'a cetate (Saint Denis).
![](http://upload.wikimedia.org/wikipedia/commons/thumb/3/3b/Thermes-de-Cluny-caldarium.jpg/250px-Thermes-de-Cluny-caldarium.jpg)
'A crestianizzazzione comungue vè nnande veloce veloce, e probbabbilmende accendue 'u sienze de identità d'a cetate, ca cchiù o mene verse 'u 300 pigghie 'u nome d'a gende proprie, e addevende Paris e pò se converte accussì fortemende a 'u crestianesime romane da addevendà 'u prengepàle baluarde d'u crestianesime de Pitre condre l'eresie ariane ca pe diverse sechele jè invece 'a forme dominande d'u crestianesime da le germanece.
Arrestate l'avanzate de Attila jndr'à 'u 1451 grazie a Geneviève, 'a cetate se dè a le Franghe Merovingi, jndr'à persone de Clodoveo I ca addevende 'u prime Re: 'a civilizzazzione romane se cange in civiltà romane-barbareche e, Parigge riesse a sopravvivere a 'u Medioevo, 'mbrà carestie e faticose civilizzazzione: 'u [IX sechele]] passe sotte le ripetute estorsione e 'a condinue minacce de vichinghe e normanne, ma atturne a le istituziune crestiane si coagule 'a civiltà nove: jndr'à 'u 1021 'u capitole de Notre-Dame jè ggià mete de 'nu sbuènne de clerici vagantes; jndr'à 'u 1246 l'università de Parigge vede recanusciute l'autonomia soje e jndr'à 'u 1257 nasce 'a scole d'a Sorbona: Parigge s'avvie a devendà une de le cendre d'a culture europèe, jndr'à 'u core d'a Frange medievale.
![](http://upload.wikimedia.org/wikipedia/commons/thumb/b/b1/Notre-Dame_de_Paris_2792x2911.jpg/250px-Notre-Dame_de_Paris_2792x2911.jpg)
'U XII e 'u XIII sechele vedene Parigge a 'u cendre de 'na forte crescite economeche e 'a corporazione de le marcande cumme protagonista soje.
'A rive droite avène urbanizzate duranne 'u Medioevo. 'U nuclèe nuève arrive subbete subbete a supranà in numere de abitande e 'mbortanze 'a vanna cchiù andiche, note cumme "citè de Saint Germain", ma pure cumme Université, purcé abbazzie, scole, editure, artiste averene elette sede. 'A rive droite adda devendà 'u nuève cendre direttive.
'Mbonde a Filippe Augusto l'urbanizzazzione de Parigge pò sindetizzarse jndr'à costruzione de le prime cinde murarie e jndr'à 'u prosciugamende de le palude. De l'edilizie romaneche rumanene comungue avveramende picche tracce, pe esembie jndr'à l'abside de St-Martin-des-Champs. L'Île de France jè invece 'a culle de l'arte e de l'architetture gotiche, ca 'mbrà 'u XII e 'u XIV sechele se evolve da 'u gotiche primitve a 'u flamboyant.
A metà d'u XIV sechele, Parigge cerche de fà 'a proprie politeche municipale: tène già cchià de 150.000 crestiane e, attraverse sollevaziune e alleanze ('a Uerre de le cinde anne) face vedè de nò vulè renungià a 'a proprie indipendenze. 'A cetate se estenne soprattutte sus 'a riva destre e le mure de Carlo V (1371-1380) comprennene 'u 'nzieme d'u terze e quarte arrondissement.
Abbesogne arrevà a 'u 1437, purcé Carlo VII pò fà de Parigge, indiscutibbilmende, 'a capitale de le Valois. 'A storie d'a cetate se intrecce da addà a scè nnande inestricabbilmende cu 'a storie de Frange.
Enrico III jndr'à 'u 1588 fusce da 'a cetate jndr'à 'u 1588 e l'ugonotte [[[Enrico IV de Frange|Enrico IV]] adda convertirse a 'u cattolicesime e pajà 200.000 scude pe traserve 'notra vote.
Sotte a le Borbone, Parigge jè scenarie e protagoniste d'a Fronde: Luigge XIV sposte 'a corte a Versailles, pe sottrarse jndr'à 'nu sule colpe a le intrighe de le nobbele e a le barrecate d'u popole pariggine e procedere libberamende jndr'à proprie politeche accendratrice.
A 'a viggilie d'a Rivoluzione Parigge occupe 1.100 ettare e conde cchiù de 600.000 crestiane. Fore d'a cinde daziarie (le mure de le Fermiers généraux), le sobborghe sonde costituite da 24 villagge.
'Notra vote protagoniste, non mene ca testimone, 'u popole pariggine scioche 'a proprie rivoluzione. 'U spirite de ribbellione e d'indipendenze de le pariggine avène 'notra vote represse, cu l'esecuzione d'a prime Comune rivoluzionarie - 'u consiglie d'a cetate - ca segne l'inizie d'u Terrore de Robespierre: pe cchiù de 'n'anne, 'mbrà 'u 1793 e 'u 1794, le chiazze de Parigge ospitane 'a fatìe indefesse d'a ghigliottine.
Cumme assaije apprimme e apprisse a jidde, pure Napoleone cerche de assoggettà 'a cetate a 'u potere cendrale, jndr'à 'u quadre d'a proprie riforme amministrative. Quiste non ge 'mbedisce a le pariggine de insorgere 'notra vote condre a Carlo X, jndr'à 'u 1830.
Jndr'à 'u 1845 'a cetate supranesce 'u milione de crestiane e Thiers allarie 'n'otra vote le mure de cinde, ingludenne certe villagge d'a cambagne. L'estetiche avène sembre cchiù rifinite, cu 'u combletamende de le lunghesenna, de Chiazzhe d'a Concordie e de l'Arche de Trionfe. Ma 'a vera rivoluzione urbanisteche jè quedde condotte da Haussmann pe conde de Napoleone III: 'u svendramende de indere quartire vicchie responne a 'a necessità de libberà 'a cetate da 'a congestione viabbilisteche, fagocitate da 'a sovrapopolazzione, da sei linèe ferroviarie e da migliaie de veicole a cavadde.
'A costruzione de le granne viale arvulate jè ppure dettate da mutive de ordene pubbleche, pe imbedì a le pariggine 'a possibeletà de dedicarse a 'a lore attività preferite: 'a rivoluzione. Jndr'à trende anne 'a cetate raddoppie e jndr'à 'u 1876 arrive a 2 miliune, pure cu 'a uerre cu 'a Prussia e 'u disastre d'a Comune. Jndr'à st'epoche resalene certe monumende famose cumme 'a Torre Eiffel e 'a basiliche d'u Sacre Core a Montmartre. Aqquà sorge 'u famose quartiere de le artiste, simbele de quedda Parigge bohemien de fine sechele ggià trasute jndr'à l'immagginarie collettive mundiale.
![](http://upload.wikimedia.org/wikipedia/commons/thumb/1/1a/Pont_mirabeau_injalbert_ville_de_paris.jpg/250px-Pont_mirabeau_injalbert_ville_de_paris.jpg)
'A cetate condinue a crescere, a l'inzie d'a Prima uerre mundiale, jndr'à 'u 1914. 'a battagglie d'a Marna 'a salve da l'invcasione tedesche, ma non ge vè accussì jndr'à 'u 1940, quanne 'u Terze Reich occupe 'a cetate dichiarannele cetate aperte. 'A bandiere cu 'a svastiche svendole sus 'a Torre Eiffel e sus a le monuminde cetadine.
Hitler, appassionate de architetture, ha sembre ammirate Parigge ausannele cumme referimende pa costruzione d'a nova Berline. Comungue, jndr'à l'aguste d'u 1944 - in viste de l'invasione americane - ordene a 'u guvernatore d'a cetate 'a distruzione totale de le ponde sus a Senna, de le cendrale elettreche, de le industrie e 'u bombardamende aerèe. Jndr'à le drammatece sciurne d'a libberaziona soje, Parigge insorge ma avène salvate da 'u stesse guvernatore tedesche - Von Choltitz - ca rifiutannese de bombardà 'a cetate se arrenne a 'u generale Leclerc quase senze colpe ferì. A differenze de Londra, Parigge jè l'uneca metropole europèe a assè combletamende indatte da 'a Seconda uerre mundiale.
'U 26 aguste 'u generale de Gaulle trase a Parigge acclamate da 'a folle in delirie e 'u 27 ottommre 1946 a l'Hotel de Ville avène proclamate 'a IV Repubbleche.
'U spirite rivoluzionarie pariggine se sveglie jndr'à 'u masce 1968, jndr'à 'u quartiere latine, cu 'u sciopere generale avviate da le studinde, ca pe quacche sciurne se estenne a totte 'a Frange.
'U resultate, sus a 'u piane de l'organizzazzione d'a cetate, jè 'u smembramende d'a Sorbonne in 13 università jndr'à reggione de Parigge.
'A cetate torne a dedicarse a 'u proprie sviluppe. Già jndr'à l'anne sessande se avère apirte, cu 'u trasferimende de le mercate generale (les Halles) a Rungis, 'nu periode de granne fatìe pubblece, cu l'obbiettive de libberà 'u cendre storeche d'a cetate da 'a pressione d'u traffeche e da le insediaminde popolare e a riqualificarle cu funziune prevalendemende culturale e de rappresendanze.
Le tappe prengepàle d'a ristrutturazione sonde:
- 1969: 'u trasferimende de le Halles;
- 1970: 'a ccrejazione de le 13 università d'a Région parisienne;
- 1973: 'u combletamende d'u Boulevard périphérique (ca addevende 'u limite d'a nova curresce metropolitane, cumme 'u raccorde anulare a Rome);
- 1977: l'inaugurazione d'u Centre Pompidou;
- 1986: l'inaugurazione d'u Musèe d'Orsay;
- 1989: jndr'à 'u bicendenarie d'a Rivoluzione, l'inaugurazione d'a Pyramide d'u Louvre, d'a Grande Arche de la Défense e de l'Opéra Bastille;
- 1995: l'inaugurazione d'a nova Bibliothèque Nationale de France (ca avene pò inditolate a François Mitterrand);
- 2003: 'u quartiere nuève Paris Rive Gauche atturne a 'a Bibblioteche.
Granne protagoniste de sta riqualificazione onne state le presidende Georges Pompidou e François Mitterrand.
Simbole
[cange • cange 'a sorgende]![]() |
Pe approfondimende, 'ndruche 'a vôsce Stemme de Parigge. |
'U stemme d'a cetate, jndr'à forme de osce a die, resale a 'u 1358, anne jndr'à 'u quale 'u re Carlo V congede 'u "cape araldiche" seminate de gigle de Frange. Jidde rappresende le giglie de Frange sus a Scilicet ('a nave ca simbolegge l'ordene de le mercande ca commerciavane sus a Senna). 'U muttette jè Fluctuat nec mergitur.
Sciugrafije
[cange • cange 'a sorgende]![](http://upload.wikimedia.org/wikipedia/commons/thumb/c/c3/Petite_couronne.png/150px-Petite_couronne.png)
![](http://upload.wikimedia.org/wikipedia/commons/thumb/a/a1/LocationParis.jpg/150px-LocationParis.jpg)
'A cetate de Parigge occupesce 'na superficie de 105,40 chilometre quadrate ma l'agglomeraziona soje jè assaije cchiù granne. 'A "corona piccenne"[2] comboste da 'a cetate e da le 3 departeminde confinande de Seine-Saint-Denis (236 km²), Valle d'a Marna (245 km²) e Hauts-de-Seine (176 km²), occupe 'na superficie de 762,40 km²; cu 'na popolazione de cchiù o mene 6.260.000 crestiane (a 'u 2005).
L'altitudine de Parigge cange a seconde de le diverse colline d'u territorie municipale:
- Montmartre - 130 metrr s. l. m.
- Belleville - 115 metre s. l. m.
- Menilmontant
- Buttes-Chaumont
- Passy
- Chaillot
- Montagne Ste-Genevieve
- Butte-aux-Cailles
- Montparnasse ('a colline avenìe spianate jndr'à 'u XVIII sechele)
Clime
[cange • cange 'a sorgende]'U clime de Parigge jè assaije particolare, a metà strade 'mbrà 'u clime oceaneche e 'u clime condinendale.
'U 'nvirne non g'è particolarmende luènghe e riggede. Jidde jè infatte caratterizzate da 'n'alternanze de periode mite e chiuvuse (quanne soffiane le vinde umide e tiepide da l'Oceane Atlandiche) e periode invece cchiù riggede e nevose (cu minime pure de -10° C) quanne soffiane le vinde da 'u Polo Nord e da l'Est.
A 'u stesse mode l'estate pò rappresendà sciurnate cavede e afose cu temberature massime pure de +35° C / +38 ° C e sciurnate assaije fresche, vendose e chiuvuse (cu temberature minime sus a le +10° C).
Pò le qaurtire meridionale e oriendale presendane 'nvirne cchiù riggede rispette a 'u cendre-cetate e a le quartire settendrionale e occidendale.
Le minime 'nvernale jndr'à 'u cendre-cetate raramende sonde particolarmende vasce, frazie a 'u fenomene de l'Isola de calore urbane. Le periode cchiù consigliate pe visità 'a cetate sonde allore 'a tarde primavere (masce) e l'inizie de l'autunne (settemmre e inizie de ottommre).
Mese | Sce | Feb | Mar | Abr | Mas | Giu | Lug | Agu | Set | Ott | Nov | Dic | Anne |
---|---|---|---|---|---|---|---|---|---|---|---|---|---|
Temberature minime mensile (°C) | 2,0 | 2,6 | 4,5 | 6,7 | 10,1 | 13,2 | 15,2 | 14,8 | 12,6 | 9,4 | 5,2 | 2,9 | 8,3 |
Temberature mensile medie (°C) | 4,2 | 5,3 | 7,8 | 10,6 | 14,3 | 17,4 | 19,6 | 19,2 | 16,7 | 12,7 | 7,7 | 5,0 | 11,7 |
Temberature massime mensile (°C) | 6,3 | 7,9 | 11,0 | 14,5 | 18,4 | 21,6 | 23,9 | 23,6 | 20,8 | 16,0 | 10,1 | 7,0 | 15,1 |
Precipitaziune medie mensile (mm) | 55.0 | 45.4 | 52.2 | 49.5 | 62.0 | 53.2 | 58.3 | 46.0 | 52.9 | 54.9 | 57.0 |
'A metropoli
[cange • cange 'a sorgende]![](http://upload.wikimedia.org/wikipedia/commons/thumb/b/bd/Louvre_Paris_from_top.jpg/250px-Louvre_Paris_from_top.jpg)
![](http://upload.wikimedia.org/wikipedia/commons/thumb/d/d3/Basilique_Sacre_Coeur_-_Vue_de_la_Tour_Eiffel.jpg/250px-Basilique_Sacre_Coeur_-_Vue_de_la_Tour_Eiffel.jpg)
Parigge, cu 2.125.246 crestiane a 'u censimende d'u 1999 jè 'a cetate cchiù granne de Frange e l'area metropolitane d'a Granne Parigge (le Grand Paris, in frangese), ca copre 14.518 km², tène 'na popolazzione de 11.174.743 crestiane (date d'u censimende d'u 1999). L'area metropolitane d'a Granne Parigge jè 'a cchiù granne d'Europe (inzieme cu Londra e Mosca) e jè, cchiù o mene, 'a vendesime d'u munne.
L'area metropolitane d'a Granne Parigge, cu 'nu PIL comblessive superiore a quidde de l'Australia, jè 'u cchiù granne cendre economeche e finanziarie d'Europe a 'a pare cu Londra. Ospitesce cchiù d'u 30% de le "collette vianghe" frangise, e cchiù d'u 40% de le sede cendrale de le combagnie frangise, cu 'u cchiù granne distrette finanziarie d'Europe pe dimenziune (La Défense), e 'a seconde cchiù granne borse d'Europe (Euronext).
Famose jndr'à tutte 'u munne cumme 'a Ville Lumière ('a "cetate de le luce"), Parigge jè une de le prengepàle destinaziune turisteche mundiale. 'A cetate jè renomate pa bellezze de l'architettura soje, le viale sue e le scorce sue, a parte ca pe l'abbondanze de le musèe. Costruite sus a 'n'anse d'a Senna, jè divise jndr'à doje vanne 'a Rive droite a nord e a cchiù piccenne Rive gauche a sud.
'Nu timbe ere capitale de 'n'imbere coloniale ca se stennève sus a cinghe condinende, Parigge jè angore osce a die considerate cumme 'u cendre d'u munne frangofone e ha mandenute 'na forte posizione 'ndernazionale, ospitanne 'u quartiere generale de l'OECD e de l'UNESCO, 'mbrà le otre. Quiste, misckate a le attività finanziarie sue, affaristeche, politeche e turisteche, onne rese 'a cetate une de le prengepàle "hub" d'u munne e, Parigge jè recanusciute cumme une de le picche "cetate mundiale".
'A cetate
[cange • cange 'a sorgende]50 000 | 200 000 | 275 000 | 100 000 | 150 000 | 294 000 | 300 000 | 415 000 | 515 000 | 576 000 | 650 000 |
546 000 | 622 636 | 713 966 | 785 862 | 899 313 | 936 261 | 1 053 897 | 1 053 262 | 1 174 346 | 1 696 141 | 1 825 274 |
1 851 792 | 1 988 806 | 2 269 023 | 2 344 550 | 2 447 957 | 2 536 834 | 2 714 068 | 2 763 393 | 2 888 110 | 2 906 472 | 2 871 429 |
2 891 020 | 2 829 753 | 2 725 374 | 2 850 189 | 2 790 091 | 2 590 771 | 2 299 830 | 2 176 243 | 2 152 423 | 2 125 246 | 2 142 800 |
L'area metropolitane
[cange • cange 'a sorgende]![]() |
![]() |
![]() |
![]() |
![]() |
![]() |
![]() |
De area metropolitane de Parigge se pò parlà, pure andecepanne l'ause d'u termine, sule apprisse 'u 1870. Jndr'à tabbelle ca avène mò, le date fornite 'mbonde a 'u 1892 sonde dedotte da stime recavate da diverse fonde, invece chidde relative a 'u 1990 e a 'u 1999 sonde ufficiale, fornite da l'Ufficie nazionale frangese de statisteche INSEE.
Anne | Crestiane | Note |
1885: | 3.000.000 | |
1905: | 4.000.000 | |
1911: | 4.500.000 | |
1921: | 4.850.000 | (stagnazione pe colpe de le perdite d'a Prima uerre mundiale) |
1931: | 5.600.000 | |
1936: | 6.000.000 | |
1946: | 5.850.000 | (diminuzione pe colpe de le perdite d'a Seconda uerre mundiale) |
1954: | 6.550.000 | |
1968: | 8.368.500 | (spicce d'u boom de nascite d'u dopeuerre e spicce d'u surplus de l'immigrazione pe Parigge) |
1982: | 9.400.000 | (le flusse migratorie addevendene negative, 'a crescite d'a popolazzione jè assaije cchiù lende) |
1990: | 10.291.851 | |
1999: | 11.174.743 |
Sande patrune
[cange • cange 'a sorgende]'A patrone d'a cetate jè Sanda Genoveffe (Sainte Geneviève), accreditate de avere convinde Attila a risparmià 'a cetate, jndr'à 'u V sechele.
Se arrecorde però pure San Meredico (Saint Merry), ca jè 'u patrone d'a rive droite, nuclèe urbane 'a quale origgene jè posteriore, a cause d'a presenze de le marais ca angore osce a die se arrecordane jndr'à 'u nome d'u quartiere, cioè zone a vocazione agricole pa bbona fertilità d'u terrene.
Pure San Denis jè annoverate cumme patrone d'a capitale, invece 'n'otre sande 'mbortande pe le pariggine, San Germano ('a rive gauche jndr'à 'u Medioeve avenève chiamate pure "Cetate de Saint Germain"), non ge pigghie nisciuna careche.
L'immigrazione
[cange • cange 'a sorgende]Fine da le timbe d'u Medioeve, Parigge ha sembre attratte furastire. Da le studinde olandese e svedese d'u Quartiere Latine jndr'à 'u XV sechele, a le rifuggiate giacobite 'nglise d'u XVII sechele, da le rifuggiate nazionaliste polacche de l'inizie d'u XIX sechele, a le operaie belge d'a fine d'u stesse, da le ebbreie sefardite d'u Nord Afriche d'a metà d'u XX sechele a le africane e est-asiatece de le sciurne nuèstre, Parigge ha ricevute ondate sus a ondate de immigrande, ca l'onne arricchite. Osce a die, cumme otre cetate d'u munne, Parigge jè 'na cetate multiculturale.
Le censimende frangise non ge fanne maje dumanne riguardande l'etnie o 'a releggione, pe stu fatte non g'è possibbele canoscere 'a combosizione etniche de l'area metropolitane de Parigge. Comungue quacche date interessande pò essere estratte da ste censimende. Jndr'à quidde d'u 1999, stavane 2.169.406 crestiane jndr'à l'area metropolitane d'a Granne Parigge, ca averene nate fore da 'a Frange Metropolitane, cioè 'u 19,4% d'u totale. Cumme termine de combronde: jndr'à 'u censimende brittanneche d'u 2001, 'u 19,5% d'a popolazzione de l'area metropolitane d'a Granne Londra avere nate fore da 'u Regne Aunìte, invece jndr'à 'u censimende statunitense d'u 2000, 'u 27,8% d'a popolazzione de l'area metropolitane de New York-New Jersey Settendrionale-Long Island avere nate fore da le State Aunìte, accussì cumme 'u 31,8% d'a popolazzione de l'area metropolitane de Los Angeles-Riverside-Orange County.
Le gruppe cchiù numerose de residende pariggine nate a l'estero sonde le seguende (elengate approssimativamende in ordene decrescende):
- immigrande d'a Spagne: arrevate 'mbrà 'u XIX e XX sechele[6][7]
- immigrande d'Itaglie: arrevate 'mbrà 'u 1900 e 'u 1960
- immigrande da 'u Purtugalle: arrevate 'mbrà 'u 1960 e 'u 1980
- Arabe e Berbere proveniende da 'u Nord Africa (Algeria, Marocco, Tunisia): arrevate 'mbrà 'u 1950 e 2000
- Africane (Musulmane e Crestiane) da l'Africa Cendrale e Occidendale: arrevate 'mbrà 'u 1970 e 'u 2000
- Ebbreie sefardite d'u Nord Africa: arrevate soprattutte jndr'à l'anne sessande, da 300.000 a 400.000 de lore vivene jndr'à l'area metropolitane de Parigge, 'a cchiù ierte congendrazione de ebbreie occidendale apprisse New York e Los Angeles
- Asiatece sud-oriendale proveniende da l'Indocina (Vietnam, Cambogia, Laos), prengepàlmende cenise etnice: arrevate 'mbrà 'u 1975 e 'u 1985
- Sudamericane proveniende da le Caraibi (soprattutte da Guadalupa e Martinica): arrevate 'mbrà 'u 1960 e 'u 2000.
- Ebbreie aschenazite d'a Germania, de l'Europe cendrale e oriendale: arrevate soprattutte 'mbrà 'u 1910 e 'u 1940[8]
- Curde de Turchie (130.000[9] nel 2007): arrevate 'mbrà 'u 1970 e 'u 2000.
A 'u censimende d'u 1999 ve iavetavene 474.768 crestiane ca a 'u censimende precedende d'u 1990 resultavene residende fore da 'a Frange Metropolitane, cchiù o mene 'u 4.2% d'u totale d'a popolazzione de l'area metropolitane jndr'à 'u 1999.
Le corrende migratorie verse Parigge onne cangiate jndr'à 'nu mode significative jndr'à l'anne novande. L'immigrazione portoghese combletamende inderrotte, invece onne assute fore gruppe nuève de immigrande. Le gruppe cchiù 'mbortande a 'u 1990 sonde le seguende:
- Cenise da 'a Repubbleche Popolare Cinese: Proveniende pa maggior parte da 'a Manciuria e da 'a reggione de Wenzhou jndr'à provinge de Zhejiang. Queste immigrazione jè relativamende recende, apparse a metà de le anne novande, jè pa granne parte illegale, e ha state eclatande jndr'à l'anne cchiù recende, purtanne 'u gruppe cinese a rimbiazzà quidde nord-africane e de l'Africa gnore cumme gruppe cchiù numerose a Parigge. Pure ca 'a polizie frangese stè lotte l'immigrazione clandestine (e 'u sfruttamende d'a fatìe collegate) e 'nu trattate ha state stipulate 'mbrà 'a Frange e 'a Repubbleche Popolare Cinese pe condrastà l'immigrazione illegale, le ricerche cchiù recende suggeriscene cumme l'immigrazione cinese verse Parigge jè angore in crescite. Le cifre differiscene sostanzialmende a seconde de le fonde, ma pare ca ponne essere cchiù o mene 250.000 immigrate cinese ca vivene jndr'à l'area metropolitane de Parigge jndr'à 'u 2004 (ingludenne le cenise proveniende da l'Indocina arrevate mene recendemende), 'a cchiù granne congendrazione de cenise in Europe (1.000.000 de cenise in Frange jndr'à 'u 2007[10]), maggiore pure a quedde d'a Granne Londra addò, seconde le stime d'u guverne inglese, vivene sulamende 60.000 cenise.
- Arabe da 'u Nord Africa e africane: l'immigrazione de ste doje gruppe ha state sostanzialmende ridotte da 'na serie de restriziune inserite da vanne de le varie guverne frangise. Jndr'à l'anne novande le immigrate da 'u Bord Africa e da l'Africa gnore erane pa maggiorparte limitate a le ricongiungeminde famigliare (femmene e piccinne ca scevene a vivere cu 'u marite o attane ca ggià viveve in Frange). 'Nu numere scanusciute de nord-africane e africane onne trasute illegalmende jndr'à 'u paese fore da le reghele de ricongiungimende famigliare. 'Na vanne de chiste ha state rimbatriate, ma 'a maggiorparte vive angore in Frange senze valide documinde e sotte 'a condinua minacce de essere mannate jndr'à 'u paese lore ce avenene pigghiate (pure ca a migliaie de ste immigrate illegale ha state date 'u permesse de soggiorne a l'epoche d'u guverne de cendre-sinistre de Lionel Jospin verse 'a fine de le anne novande grazie a 'a pressione esercitate da le associaziune frangise ca defendene le deritte de le immigrate).
- Europèe de l'Est, assaije de le quale rumene, 'nu gruppe in forte crescite a partè da 'a cadute d'u Mure de Berline.
In combronde cu 'u Regne Aunìte, le immigrate da 'u Sud-est Asiateche non ge sonde angore assaije numerose a Parigge, pure ce 'u lore numere ha aumendate assaije proprie jndr'à l'anne novande. In combronde a le State Aunìte, stè 'nu numere assaije limitate de immigrate de origgene latine-americane e filippine. Pure le immigrate da 'u Medio Oriente non ge sonde assaije, ma 'mbrà chiste stè 'na numerose comunità libbanese (pa maggiorparte ricche libbanese de releggione Crestiane esiliate), grazie a andiche legame 'mbrà 'a Frange e 'u Libano. Pure le russe sonde picche numerose a Parigge, pure ca stave 'n'andiche tradizione de presenze russe a Parigge apprime d'a Rivoluzione Russe d'u 1917.
Parigge jè 'na metropoli de ranghe indernazionale sotte 'u profile culturale, politeche e economeche, tène tradizionalmende 'n'indiscusse e eccezzionale supremazie jndr'à 'u condeste nazionale, tande da putè 'nzipparse a simbele d'a Frange stesse e da costituirse condemboraneamende cumme cause de le squilibbrie territoriale ca affliggene 'a nazione. Se iacchie a 'u cendre d'u bacine d'a Senna, ca 'a colleghe a 'u mare, Parigge jè 'n'imbortandissime node d'a rete de le comunicaziune.
Infine, abbesgone arrecurdà ca le stime aqquà indicate se referiscene a crestiane ca vivene stabbilmende jndr'à l'area metropolitane de Parigge. Parigge jè 'a cetate cchiù frequendate da turiste a 'u munne, cu 'n'afflusse sostanziose jndr'à ogne periode de l'anne. 'A maggiorparte de le turiste sonde furastiere, purtanne allora 'u date riguardande le furastire presende jndr'à l'area metropolitane de Parigge a essere in realtà cchiù ierte d'u 19.4% indicate. Stu fatte jè evidende jndr'à 'u cendre d'a cetate, addò jè possibbele cammenà jndr'à certe strade addò 'a maggiorparte de le passande jè furmate da turiste furastire.
Amministrazione
[cange • cange 'a sorgende]!['U loghe d'u comune](http://upload.wikimedia.org/wikipedia/roa-tara/d/d9/Logo_mairie_Paris.jpg)
![]() |
Pe approfondimende, 'ndruche le vôsce Consiglie de Parigge e Arrondissement municipale de Parigge. |
Apprime d'u 1964, Parigge faceve parte d'u dipartimende d'a Seine, ca condeneve 'a cetate e le sobborghe circostande.
![](http://upload.wikimedia.org/wikipedia/commons/thumb/4/4c/Arrondissements_de_Paris.jpg/150px-Arrondissements_de_Paris.jpg)
Da 'u 1965, 'u Comune de Parigge jè une de le uette departeminde d'a reggione de l'Ile-de-France. L'idendificative sue assolute jè 75, ca se iacchie pure jndr'à le targhe de le maghene e sus a le codece postale.
Cu 'a riforme amministrative avenerene ccrejate 3 nuève departeminde ca formane 'n'anelle atturne a Parigge e costituiscene 'a prima cindure perifereche (la petite couronne): Hauts-de-Seine, Seine-Saint-Denis e Val-de-Marne. Fore, le departeminde de Val-d'Oise, Yvelines e dell'Essonne costituiscene 'a grande couronne. 'U 'nzieme costituisce 'a région parisienne, ca jè 'a metropoli de Parigge. L'ottave dipartimende de l'Île-de-France, ca da sule rappresende cchiù o mene 'a metà d'u territorie reggionale, jè quidde oriendale de Seine-et-Marne.
Invece normalmende le departeminde sonde divise in cantune, 'a cetate de Parigge jè divise in 20 arrondissement municipale (circondarie municipale), numerate in ordene progressive partenne da 'u cendre e spustannese a spirale verse l'esterne, ciascune de le quale jè 'nu municipie (mairie), cu 'u consiglie sue e 'u sinnache sue. Ogne arrondissement, d'otra vanne, elegge pure le proprie rappresentande a 'u [[Consiglie de Parigge] (Conseil de Paris), ca jè pure 'u consiglie d'u dipartimende.
Le eleziune comunale e de arrondissement sonde contestuale: le pariggine scacchiane le 517 consigliere de arrondissement, 'mbrà le quale 163 addevendane condemboraneamende consigliere comunale. Jndr'à ogne arrondissement le eleziune avvenene sus a doje turne: 'a liste ca pigghie 'a maggioranze assolute, o relative a 'u seconde turne, ave 'a metà de le segge in blocche, e 'na quote proporzionale de le segge ca remanene. Le liste sonde bloccate e le sinnace sonde elette da le relative consiglie cumme pure le assessore (adjoints).
Bertrand Delanoë, esponende d'u Partite socialiste frangese (PS), jè 'u sinnache de Parigge da 'u 18 marze 2001, e tène 'nu mandate ca spiccie jndr'à 'u 2014. Cumme eccezzione a 'a reghele usuale pe le cetate frangise, certe potere normalmende esercitate da 'u sinnache sonde invece affidate a 'nu rappresendande d'u guverne nazionale, 'u prefette de Polizia. Pe esembie, Parigge non ge tène 'na forze de polizia municipale, pure ce tène quacche condrollore d'u traffeche. Stu fatte jè 'na eredità d'a situazione vigende 'mbonde a 'u 1977, quanne Parigge non ge tenève 'nu sinnache ma ere guvernate da l'amministrazione prefettizie. Vè arrecurdate ca a 'a radice d'u smembramende d'u Departimende d'a Senna (Département de la Seine) 'nu mutive ere proprie 'u straordinarie potere ca 'u prefette d'a Senna se acchiave a gestì, quase pare pare a quidde d'u Prime Ministre.
Trasporte
[cange • cange 'a sorgende]![](http://upload.wikimedia.org/wikipedia/commons/thumb/3/3a/ParisMetroWalkwayTunnel.jpg/150px-ParisMetroWalkwayTunnel.jpg)
![](http://upload.wikimedia.org/wikipedia/commons/thumb/8/84/Paris_europe_train_map_fr.png/150px-Paris_europe_train_map_fr.png)
Aeropuerte
[cange • cange 'a sorgende]Le aeropuerte de Parigge sonde contraddistinde da 'u codece aeroportuale IATA PAR.
Parigge jè servite da doje aeropuerte prengepàle: l'aeropuerte Charles De Gaulle, jndr'à vicine Roissy-en-France (departimende 95) a nord d'a cetate e l'aeropuerte de Orly (departimende 94), ca se iacchie a sud d'a cetate.
'Nu terze aeropuerte, cchiù piccinne, jè l'aeropuerte de Beauvais-Tillé (departimende 60), a 80 km a nord de Parigge e avène ausate pe le vole charter e da le combagnie low-cost.
'Nu quarte aeropuerte, prengepalmende cargo, jè l'aeropuerte de Vatry (departimende 51), a 150 km a est de Parigge.
L'aeropuerte de Le Bourget (departimende 93) osce a die ospite sulamende jet private, 'u Salone 'ndernazionale de l'aeronautiche e d'u spazie de Parigge-Le Bourget e 'u Musée de l'air et de l'espace.
Ferrovie
[cange • cange 'a sorgende]'A capitale frangese jè 'u maggior punde de snode ferroviarie nazionale, jndr'à 'u quale se accendre pure 'a quase totalità de le linèe a velocità ierte. Jè ppure 'nu node primarie in Europe e 'a rete ferroviarie s'irradie da 7 staziune de cape: Paris Austerlitz, Paris Bercy, Paris Est, Paris Lyon, Paris Montparnasse, Paris Nord e Paris St.Lazare. 'A ex-stazione terminale de Paris Orsay, achiuse jndr'à l'anne cinguande, jè osce a die 'nu musèe.
Trasporte urbane
[cange • cange 'a sorgende]![]() |
Pe approfondimende, 'ndruche 'a vôsce Metropolitane de Parigge. |
![]() |
Pe approfondimende, 'ndruche 'a vôsce Réseau express régional. |
Parigge jè densamende cuperte da 'nu sisteme de metropolitane, 'u Métro (14 linèe), accussì cumme da 'nu granne numere de linèe de pulmann. Chiste se inderconnettene cu 'na rezze reggionale e velocità ierte, 'a RER (Réseau Express Régional), e cu 'a rezze ferroviarie: trene pendolare, linèe naziunale e TGV (o simile cumme Thalys e Eurotunnel). Esistene doje tramvie tangenziale jndr'à le sobborghe: 'a linèe T1 vè da Saint-Denis a Noisy-le-Sec, 'a linèe T2 vè da La Défense a Issy. 'Na terza linèe a Sud d'a cetate, T3, ha state combletate a 'a fine d'u 2006. L'indere rezze metropolitane jè cuperte da signale pe le telefone cellulare e jè gestite, cumme tutte le trasporte urbane pariggine, da 'a combagnie RATP.
Jè a 'u studie 'nu proggette de automazione d'a metro, ca avessa essere guidate "a distanze" senze 'nu condicende. 'A mesure comborterebbe 'nu cale occupazionale e condemboraneamende l'ingremende d'u 30% d'a frequenze de le corse. 'A linèe 14 jè inderamende automatizzate.
Autostrade
[cange • cange 'a sorgende]'A cetate jè 'u node prengepàle d'a rezze autostradale frangese, e jè ciercunnate da 'na tangenziale inderne, 'u Boulevard Périphérique o 'u "périph" (35 km) e une esterne (A86 "La Francilienne").
Le svigole d'u "Boulevard Périphérique" sonde chiamate 'Portes', purcé corresponnene a le andiche porte d'a cetate essenne 'u viadotte costruite sus 'a tracce de le urteme mure de Parigge.
Turisme
[cange • cange 'a sorgende]Punde notevole pe arrondissement
[cange • cange 'a sorgende]Ogne arrondissement jè comboste de quartire: se indichescene aqquà distindamende, inzieme a quacchedune de le luèche notevole ca ospitescene, senze nisciuna pretese de combletezze, cercanne però de non dimendicà nisciune de le vie e de le chiazze addòl non ge se pò passà e le cchiù 'mbortande spazie virde e giardine (Parigge conde 426 spazie virde, 'mbrà giardine e parche pubblece, de varie dimenzione).
arrondissement |
quartire |
monuminde e musèe |
giardine e otre |
|
---|---|---|---|---|
|
| |||
| ||||
|
| |||
|
||||
|
| |||
|
| |||
|
| |||
|
| |||
| ||||
| ||||
|
||||
| ||||
|
| |||
|
| |||
|
| |||
16.me |
'
|
| ||
|
| |||
| ||||
|
| |||
|
Montmartre ha state pe 'nu sacche de timbe 'nu villagge separate da Parigge. Sus a l'origgene d'u nome se fanne doje ipotese; pò essere ca derive da Mont Martis ('u monde de Marte), purcé 'a colline ha state 'a sede de 'nu tembie dedicate a Marte, die d'a uerre, sotte 'u periode romane (sus 'a colline se iacchie pure 'nu tembie dedicate a Mercurio); seconde 'notra ipotese 'u nome derive da 'a notazione le mont du martyre ('u monde d'u martirie), purcé, seconde 'a leggende, ha state 'u poste addò ha state decapitate Saint Denis, prime vescove de Parigge, atturne a 'u 250.
Quanne Napoleone III e l'urbaniste sue Haussmann decidettere de fà addevendà Parigge 'a cchiù bella cetate in Europe, avere assute 'a necessità de garandì a le amice e a le finanziature de Haussmann de le granne appezzaminde de terrene vicine a 'u cendre d'a cetate; stu fatte spengìe le crestiane origginarie verse le confine d'a cetate (Clichy, La Villette) e verse 'a colline de Montmartre. Date ca Montmatre ere fore da le confine d'a cetate, libbere da le tasse de Parigge e cu 'na produzione de vine locale (angore osce a die conzerve le uneche vigne de Parigge), addevendò jndr'à picche timbe 'na zona popolare pu divertimende. L'area se sviluppò cumme 'u cendre de l'indrattenimende decadende a 'a fine d'u XIX sechele e a l'inizie d'u XX, rappresendate da 'u cabaret d'u Moulin Rouge e de Le Chat Noir ('a iatta gnore jè pure 'u simbele none ufficiale de Montmartre); jndr'à stu stesse periode Montmartre devendò 'u luèche predilette da petture cumme Pissarro, Toulouse-Lautrec, Steinlen, Van Gogh, Modigliani, Picasso... Cchiù nnande, 'a colline ha state sostituite, cumme quartiere de le petture, da Montparnasse.
Vite de notte
[cange • cange 'a sorgende]- Le Lido - cabaret sus a le Champs-Élysées famose pe le spettachele esotece ('mbrà le quale quidde de le Bluebell Girls) ha state frequendate da Elvis Presley.
- Moulin Rouge, Le Crazy Horse, Paris Olympia, Folies Bergères, Bobino - famose nightclub.
- Le Buddha Bar, Barfly, El Barrio Latino, Hotel Costes, Georges – ristorande e bar a 'a mode.
Jndr'à l'11° arrondissement, vicine a place de la Bastille, se iacchie une de le cendre d'a vita de notte de Parigge: rue de Lappe, 'na vie strette a traffeche limitate addò se iacchiane 'nu sbuènne de locale de ogne genere, ognune cu caratteristeche e peculiarità differende e assaije frequendate da studinde uagnune. Pure jndr'à stesse rue Oberkampf stonne 'nu sacche de locale piccinne, certe apirte pure 'mbonde a l'albe.
Squadre sportive
[cange • cange 'a sorgende]Le squadre sportive pariggine cchiù famose sonde 'u Paris Saint-Germain, 'na squadre de ballone, e 'u Stade Français Paris, 'na squadre de rugby.
Jndr'à 'u baseball 'a cetate jè rappresendate jndr'à 'u massime cambionate frangese, 'u Championnat de France de baseball da 'u club universitarie Paris Université Club, 'u quale ha vingiute 21 titele naziunale.
Jndr'à pallacanestre, apprisse 'a scombarse jndr'à 'u 2007 d'u Paris Basket Racing, 'a prengepàle squadre d'a cetate jè 'u Paris-Levallois Basket.
- Le suggettate sportive
- Le suggettate sportive d'u passate
- Le suggettate sportive de osce a die
- Le suggettate polisportive de osce a die
Nome de Parigge e de le crestiane sue
[cange • cange 'a sorgende]![]() | |
---|---|
Parigge, Argine d'a Senna | |
Tipe | Culturale |
Criterio | (i) (ii) (iv) |
Perichele | Non in perichele |
Ricanusciute da 'u | 1991 |
Schede UNESCO | |
Parigge jè 'na cetate de generale maschile, cumme testimoniate da le espressiune "le Grand Paris" o "le Vieux Paris". Quiste pure ca in ambite poeteche avene spesse ausate 'a forme femminile ("Paris est une blonde, Paris reine du monde", Mistinguett).
Jndr'à lènga frangese 'a pronunge d'u nome d'a cetate, Paris, jndr'à convenzione de l'alfabbete foneteche 'ndernazionale jè /paʀi/.
'U nome latine d'a cetate ere Lutetia (/lu'tetia/), traslitterate da le frangise in Lutèce (/ly'tɛs/). 'U nome ha state pò cangiate in "Paris", derivate da 'u nome d'a tribbù galleche de le parisi.
Parigge jè famose cumme Paname (/panam/) jndr'à 'u Frangese informale.
Le crestiane de Parigge sonde ditte Parisiens (/paʀizjɛ̃/) in Frangese e Parigots (/paʀigo/) jndr'à 'u Frangese informale.
Relaziune 'ndernaziunale
[cange • cange 'a sorgende]Gemellagge
[cange • cange 'a sorgende]Parigge jè gemellate sulamende cu [11]:
Rome, da 'u 1956 « Seule Paris est digne de Rome; seule Rome est digne de Paris » (Sulamende Parigge jè degne de Rome; sulamende Rome jè degne de Parigge)
Partenariati
[cange • cange 'a sorgende]Algeri, da 'u 2003
Riyad, da 'u 1997
Buenos Aires, da 'u 1999
Erevan, da 'u 1998
Sydney, da 'u 1998
Porto Alegre, da 'u 2001
São Paulo, da 'u 2004
Sofia, da 'u 1998
Montréal, da 'u 2006
Québec, da 'u 2003
Santiago del Cile, da 'u 1997
Pechino, da 'u 1997
Seoul, da 'u 1991
Copenaghen, da 'u 2005
Il Cairo, da 'u 1985
Tbilisi, da 'u 1997
Berlino, da 'u 1987
Kyōto, da 'u 1985
Tokyo, da 'u 1985
Amman, da 'u 1987
Atene, da 'u 2000
Giacarta, da 'u 1995
Beirut, da 'u 1992
Casablanca, da 'u 2004
Rabat, da 'u 2004
Città del Messico, da 'u 1999
Varsavia, da 'u 1999
Lisbona, da 'u 1998
Londra, da 'u 2001
Praga, da 'u 1997
Mosca, da 'u 1992
San Pietroburgo, da 'u 1997
Madrid, da 'u 2000
Ginevra, da 'u 2002
Tunisi, da 'u 2004
Chicago, da 'u 1996
San Francisco, da 'u 1996
Washington, da 'u 2000
San'a, da 'u 1987
Note
[cange • cange 'a sorgende]- ↑ [http://www.evene.fr/citations/mot.php?mot=paris&p=2 Paris - Citations - EVENE
- ↑ "Petite couronne", area cendrale de l'agglomerazione pariggine
- ↑ Relevés Paris-Montsouris 1961-1990
- ↑ Données climatiques depuis 1873.
- ↑ Date: stime, apprime d'u 1801; censimende a partì da 'u 1801 - Fonde: Wikipédia frangese
- ↑ (FR) L'émigration espagnole à Paris (1813-1844)
- ↑ (FR) L'immigration des Espagnols dans le département de la Seine
- ↑ (FR) Histoire des Juifs de France, Communauté Israélite de Strasbourg
- ↑ (FR) La communauté turque, elle ne s’intègre pas, Netlex FOCUS, 28/04/2007
- ↑ (FR) L'implantation des Chinois de France à Paris et en Ile-de-France, Dr Pierre Picquart, Chine Informations
- ↑ Les pactes d'amitié et de coopération, site officiel de la Ville de Paris.
Bibbliografije
[cange • cange 'a sorgende]- Nouvelle histoire de Paris; Association pour la publication d'une histoire de Paris: diff. Hachette, 1970-, 21 volume.
- Jacques Hillairet, Dictionnaire historique des rues de Paris, 1600p., éditions de Minuit, 1963 - ISBN 2-7073-1054-9
- Danielle Chadych e Dominique Leborgne, Atlas de Paris. Évolution du paysage urbain, Parigramme, 2002, 200 pàggene.
- Jean Favier, Paris, deux mille ans d'histoire, Fayard, 1997, 1007 pàggene.
- Jean-Robert Pitte (dir.) Paris: histoire d'une ville, Hachette, 1993, 192 pàggene.
- Alfred Fierro, Histoire et dictionnaire de Paris, Parigi, Robert Laffont, 1996.
- Pascal Varejka, Paris, une histoire en images. Architecture, économie, culture, société... 2000 ans de vie urbaine, Parigge, Parigramme, 2007, 192 pàggene.
- Pascal Tonazzi, Florilège de Notre-Dame de Paris, Editions Arléa (Paris), 2007, ISBN 2-86959-795-9
Otre pruggette
[cange • cange 'a sorgende]Wikimedia Commons tène file multimediale pe Parigi
'Ndruche pure
[cange • cange 'a sorgende]- Île-de-France
- Arrondissement municipale de Parigge
- Andiche arrondissement de Parigge
- Quartire de Parigge
- Ponde de Parigge
- Jean Chantavoine
- Gaspard Le Roux
- Trasformazione de Parigge sotte 'u Seconde 'Mbere
- Arcidiocesi de Parigge
- Università de Parigge
- Storie de Parigge
Collegaminde fore a Uicchipèdie
[cange • cange 'a sorgende]- (EN, FR) Site istituzionale
- Site ufficiale de l'uffice pu turisme
- Parigge sus a Uicchitravel
- Parigge:'struziune pe l'ause
- (EN, DE, ES, FR) 'U site ufficiale de Paris Ile-de-France tour
- Galleria fotografeche de Parigge Raccolte de immaggine de Parigge.