Engalterra
L'Engalterra[1] è la part dal pajais pli gronda e pli fitg populada dal Reginavel Unì da la Gronda Britannia ed Irlanda dal Nord.
Savens vegn Engalterra duvrà per sbagl sco sinonim per il stadi dal Reginavel Unì u per l'entira insla da la Gronda Britannia.
Geografia
L'Engalterra cumpiglia la gronda part dal toc dal sid da l'insla da la Gronda Britannia e cunfinescha en il nord cun la Scozia ed en il vest cun la Valisa e la mar. En l'ost cunfinescha l'Engalterra cun la Mar dal Nord, en il sid cun il chanal da la mongia ed en il vest cun l'Atlantic.