خلیج ہڈسن
![](http://upload.wikimedia.org/wikipedia/commons/thumb/4/41/Hudsonbay.png/220px-Hudsonbay.png)
خلیج ہڈسن (انگریزی: Hudson Bay) شمال مشرقی کینیڈا وچ کھارے پاݨی دا اک بڑا جسم اے ۔ ایہدا رقبا 1,230,000 km2 (470,000 sq mi) اے ۔ ایہ اونٹاریو دے شمال وچ، کیوبیک دے مغرب وچ، منی ٹوبا دے شمال مشرق تے نناوت دے جنوب مشرق وچ واقع آ پَر سیاسی طور تے مکمل طور تے نناوت دا حِصا ہے ۔ اگرچہ جغرافیائی طور تے ظاہر نئیں پَر ا یہ آب و ہوا دی وجوہات دی بناء اُتے آ جِداں آرکٹک سمندر دا اک معمولی سمندر سمجھیا جاندا اے ۔ ایہ 12.3 لکھ مربع کلومیٹر اُتے پھیلیا ہویا اے ۔ مشرق وچ ایہ آبنائے ہڈسن دے ذریعے بحر اوقیانوس نال منسلک اے جدکہ شمال وچ رودبار فوکس تے فیوری تے ہیکلا دی آبنائے دے ذریعے بحر منجمد شمالی نال جُڑیا ہوا اے ۔
اس خلیج دا نام ہنری ہڈسن نال موسوم اے جیہناں نے 1610ء وچ اس خلیج دا تحقیقی سفر کیتا سی ۔ اپنے چوتھے سفر دے دوران اوہ گرین لینڈ دے مغربی ساحلاں توں خلیج وچ داخل ہوئے تے اوہدے مشرقی ساحلاں دے نقشے بنائے ۔ اوہناں دا جہاز ڈسکوری موسم سرما وچ برف وچ پھَس گیا تے جہاز دے عملے نے خلیج جیمز دے جنوبی علاقے دے ساحلاں اُتے اتر کے جان بچائی ۔ جد بہار وچ برف پگھلی تاں فیر ہڈسن نے باقی علاقے نوں تلاش کرنا چاہیا پَر عملے دے اراکین نے 22 جون 1611ء کو انکار کر دِتا ۔
خلیج ہڈسن وچ نمکیات دنیا دے دیگر سمندراں دی اوسطن نمکینی توں کَعھٹ نیں ۔ جیہدی اہم وجوہات وچ سال دے بیشتر مہینےآں وچ برف نال ٹعھکے رہݨ دے باعث عمل تبخیر وچ کمی، دریاواں تےچشمےآں دا بڑی تعداد دا ایس خلیج وچ گرنا، سمندری برف دا سالانا پگھلاؤ، جو سطح اُتے مِٹھے پاݨی دا اہم ذریعا اے تے بحر اوقیانوس نال محدود تعلق اے، جیہڑا ایہدے مقابلے وچ بوہتا نمکین اے ۔
![]() |
وکیمیڈیا کامنز چ مورتاں: خلیج ہڈسن |