Cesa ëd Nòstra Sgnora dël travaj
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
La cesa ëd Nòstra Sgnora dël travaj a resta a Paris, an contrà Vercingetòris 59. L'architet a l'ha profità dël dësmontage dël Palass ëd l'andustria dl'esposission universal dël 1855 për arcuperé ij materiaj - pere e struture metàliche - dont a l'avìa damanca.
La fassada an pera dl'edifissi a stërma an efet la strutura metàlica dla cesa. Dël 2002, la sità ëd Paris a l'ha restaurà la cesa e a l'ha fàit buté quatr tablò ch'a arpresento dij sant patron dël mond dël travaj: san Luch (mësté d'art), san Fransesch d'Assisi (creassion poética e ecologìa), sant Éloi (metalurgìa e orefisserìa) e san Fiacre (giardinage).
|