Bade-Wirddeberg
Land Bade-Wirddeberg | |
---|---|
![]() |
![]() |
Flagg | |
![]() | |
Wabbè | |
Schbrooch: | Deutsch |
Landeshaabtschdadt: | Stuttgart |
Fläsch: | 35.751,46 km² |
Oiwohnazahl: | 10,632 Mio. (30. November 2013)[1] |
Bevelkerungsdischd: | 297 Einwohner pro km² |
Arwaidslosenquoot: | 3,1 % (Mai 2018)[2] |
Grindung: | 25. April 1952 |
Schdaadsform: | parlamentarische Republik, teilsouveräner Gliedstaat der Bundesrepublik Deutschland |
Schulde: | 69,4 Mrd. € (31.12.2012)[3] |
ISO 3166-2: | DE-BW |
Indanedduffdridd: | www.baden-wuerttemberg.de |
Politik | |
Regierungsschef: | Winfried Kretschmann (Griine) |
Regierende Bardaije: | Griine und CDU |
Sitzvadailung im Londes.barlamend: | Griine 47 CDU 42 AfD 21 SPD 19 FDP/DVP 12 fraktionslos 2 |
Ledschdi Wahl: | 27. März 2011 |
Näkschdi Wahl: | 2016 |
Bundesratsschdimmgewicht: | 6 |
![]() |
Bade-Wirddeberg is des vun de Bevelkerung unn Fläsch her drittgreeschd Bundesland von Daitschlond. Die Haubdschdadt unn greeschd Schdadt is Schduggad, gefolgd vun Kallsruh, Mannem unn Fraibursch. Es hot (am 31.05.2012) 10,807 Milljone Oiwuhner g'habt unn ä Fläsch vun 35.751,46 km², dodemit leewe u'gfär 302 Lait uff eem km². Entschdanne is Bade-Wirrddebärsch dorsch die Verainischung vun de Länner Wirddeberg-Bade, Bade unn Wirddeberg-Hohezollern im Johr 1952.
Folchende Daile vum “Ländle“ gehöre zur Medropolregion Rhoi-Negga und zur ehemalische Kurpalz.
- Mannem (324.787 Leid)
- Heidlberg (142.666 Leid)
- Rhoi-Negger-Krais (531.723 Leid)
- Negga-Orewald-Krääs (151.043 Leid, seid 2006)
Geografie
[Schaffe | Om Gwelltegschd schaffe]Bade-Wirddeberg liechd im Siedweschde vun Daitschlond. Im Weschde bild de Rhoi ä nadierlischi Grenz zu Frongraisch, im Siede grenzd Bade-Wirddeberg an die Schwaiz. Die Bunnäslänner Rhoilond-Palz, Hesse unn Baiern grenze an Bade-Wirddeberg.
Im Weschde iss des Lond vun Sied noch Nord vun de Owwerrhainische Diefewene dorschzoche. Im Siede lieschd des Voralbelond welles sisch vun de Schwaizer Grenz zu de Donau erschdreggd. Nerdlisch devu schließd sisch im Oschde die Schwäbische Alb unn im Weschde de Schaddzwald õõ, der sisch in de Sied-unn Nordschaddzwald drennd. Nerdlisch vum Schwaddzwald lieschd des Kraischgau, en Hiechllond zwische dem Schwaddzwald unn dem Odewald, weller des nerdlischsde Gebirge in Bade-Wirddebärsch iss. Esdlisch vum Kraischgau liechd die Hoheloher Ewene.
Gschischd
[Schaffe | Om Gwelltegschd schaffe]Aus de praißische Hohezollanlänna unde Raischslänna Bade un Wirddbärsch sin noom Griesch inde ameriganische Besadsungszon Wirrtebärsch-Bade un inde fronzesische Besadzungszon Bade unn Wirddebärsch-Hohezollan gschaffe worn.
1952 sin die Länna Wirrtebärsch-Bade, Wirddebärsch-Hohezollan un Bade geje de Wille vun de Bvelgarung zammegleehd worn: Im Lond Bade (aischndlisch Siedbade) waa die Mehrhaid degeje, när 38 % waan defia, in Nordbade waan 57% defia, des wäa in gonz Bade ä Meahaid vun 52% gesche de „Siedwesdschdaad“ un fär än sebarades Baade gwäsd. Awwa die Induschdrie un dodemid aach die FDP un die Meahaid vunde CDU hän än Zammeschluß gwelld un desdewesche inärem Bundesgsedz än Abschdimmungsmodus feschdglehd, dorsch dän die, diewo defia waan, gewinne mußde. S'hod desdewesche aach noch sadd Grumbl gäwwe: 1956 hod donn es Bundesvafassungsgrischd ä naii Abschdimmung gfoddad, awwa die CDU-Regierung hod des 14 Joa long ignoriad un ärschd 1970 – 18 Joa noo de Zammelejung, wie eh nix mea ohne Schade zu ännan waa, un aach da när noo äm waidare Uadail aus Kallsruh – die Abschimmung mache geloßd, die wo donn ärwaddungsgmäß när noch die Zammeleschung bschdädsche konnd. Mid närre Vawaldungsreform sin donn die Londkraise so umgschdalded worn, daß mär die ejemalisch Grenz vun Bade kaum noch find.
In Folsche hod die birschlisch-konserwadive Bvelscharungsmeahaid inde Wahle alsfodd ä CDU-gfiade Regiarung ärmeschlischd un die Rechdsradiekale hän voa de Nainzischa knabb un inde Nainzischa iwwa 10% griehd. Ärschd 2011 isses noo däm arschde "Schduagadd-21-Eklaa" zunärre radikale Zäsua kumme: die CDU is uf 39% gfalle, die FDP uf 5,3%, die SPD uf 23,1%, dodefia hän die Griene mid 24,3% drijumfiad un schdelle saiddäm de ärschde griene Minischdabräsidend Winfried Kretschmann.
Bolidig
[Schaffe | Om Gwelltegschd schaffe]De jetzische Minischdapräsidend iss Winfried Kretschmann vun de Griene. Des is aa bundeswaid de ärschd griien Minischdapräsidend.
![](http://upload.wikimedia.org/wikipedia/commons/thumb/0/05/Landtagswahl_Baden-W%C3%BCrttemberg_2011_-_Sitzverteilung-01.png/220px-Landtagswahl_Baden-W%C3%BCrttemberg_2011_-_Sitzverteilung-01.png)
Minischdapräsidende vum Lond Bade-Wirddebärschg | |||||
---|---|---|---|---|---|
Nr. | Nååme | Leewensdate | Pardai | Beginn vun de Åmdszaid | End vun de Åmdszaid |
1 | Reinhold Maier | 1889–1971 | DVP | 1952 | 1953 |
2 | Gebhard Müller | 1900–1990 | CDU | 1953 | 1958 |
3 | Kurt Georg Kiesinger | 1904–1988 | CDU | 1958 | 1966 |
4 | Hans Filbinger | 1913–2007 | CDU | 1966 | 1978 |
5 | Lothar Späth | * 1937 | CDU | 1978 | 1991 |
6 | Erwin Teufel | * 1939 | CDU | 1991 | 2005 |
7 | Günther Oettinger | * 1953 | CDU | 2005 | 2010 |
8 | Stefan Mappus | * 1966 | CDU | 2010 | 2011 |
9 | Winfried Kretschmann | * 1948 | Griene | 2011 | im Amd |
Bade-Wirddebärsch iss birgerlisch-konservadiv geprägd, die CDU unn FDP erziele ofd verhäldnismäßisch viel Schdimme, die SPD dagege is wennischa schdarg unn die Wahlergebnisse vun derre liege unnerm Bunnesdorschschnidd.
Wärdschafd
[Schaffe | Om Gwelltegschd schaffe]Bade-Wirddebärsch iss eeni vun de wärdschafdsschdärgschde Regione in Europa. Vor allem im Beraisch vun de induschdrielle Hochinduschdrie unn Forschung unn Endwigglung gild des Lond als innovadivschde Region vun de EU. Des is awwa ä aldi Dradizion: die ärschd Näähmaschien is bai Nachd un newl iwwa de Negga gschaffd worn, de Benz hod do soi Modorkudsch gschaffe un däm soi Fraa waa die ärschd Audofahrarin.
Bade-Wirddebärsch hot en BIP vun 128,8, die EU nur 100 unn Daitschlond 115,2. Midd 4,6% hot Bade-Wirddebärsch noch Baian die zweedniedrigschd Arwaidslosekwod in Daitschlond - un Bayan hod prozendual viel mea Londwärdschafd, wus eh weenscha Awwaidslose gäbd.
Schbrooche
[Schaffe | Om Gwelltegschd schaffe]Im Siede unn in de Midd werre alemannische Schbraachvariedäde gebabbeld: Schwäwisch, Nieder- un Hochalemannisch. Um Kallsruh unn Hailbronn werd Siedfränggisch geredd. Um Monnem unn Haidlbärsch werd die Kurpälzische Variedäd vum pälzische Dialegd geschwädzd. Im Nordosde gehe di Dialegde ins Ostfränggische iwwer.
Indaneddpräsens
[Schaffe | Om Gwelltegschd schaffe]Noochwais
[Schaffe | Om Gwelltegschd schaffe]- ↑ Statistische Ämter des Bundes und der Länder
- ↑ Arbeitslosenquoten im Mai 2018 – Länder und Kreise. In: statistik.arbeitsagentur.de. Statistik der Bundesagentur für Arbeit, abgerufen am 30. Mai 2018.
- ↑ Quelle: destatis, Schuldenstand 31.12.2012