Ludwig Wittgenstein
Ludwig Josef Johann Wittgenstein (alemán: [ˈluːtvɪç ˈjoːzɛf 'joːhan ˈvɪtɡn̩ʃtaɪn]; ☆ 26 di aprel 1889 na Viena - † 29 di aprel 1951 na Cambridge, Reino Uni) tabata un filósofo austriako ku a traha prinsipalmente riba lógica, filosofia di matemátika, filosofia di mente i filosofia di idioma. Algun hende ta konsider'é komo e filósofo mas grandi di siglo 20.
For di 1929 te 1947, Wittgenstein a studia na Universidat di Cambridge. Apesar di su posishon, durante su bida el a publiká solamente un buki di su filosofia, Logisch-Philosophische Abhandlung ("Tratado Lógiko-Filosófiko", 1921) di 75 página, ku a aparesé, huntu ku un tradukshon na ingles, na 1922 bou di e titulo latino Tractatus Logico-Philosophicus. Su úniko otro obra publiká tabata un artíkulo, Some Remarks on Logical Form (1929); un resúmen di un buki; i un disionario pa mucha. Su manuskrito grandi a keda editá i publiká posthumo. E promé i mas konosí di e seri posthumo aki ta e buki di 1953 Philosophical Investigations. Un enkuesta entre dosentenan universitario i di enseñansa superior merikano a klasifika e "Investigacionnan" komo e buki mas importante di filosofia di siglo 20, destakando komo "e uniko obra maestro ku kruzamentu di género den filosofia di siglo 20, atrayendo asina diferente specialisashon i orientashon filosófiko".
Su filosofia ta komunmente dividí den un periodo tempran, ehemplifiká pa E Tractatus, i un periodo posterior, artikulá prinsipalmente den Investigashonnan Filosófiko.[1] E "wittgenstein inicial" tabata preokupá ku e relashon lógiko entre proposicionnan i mundu, i tabata kere ku dor di duna un splikashon di e lógica ku ta supstansiá e relashon aki, ku el a solushoná tur problema filosófiko. E "wittgenstein posterior", sinembargo, a rechasá hopi di e suposishonnan di E Tractatus, argumentando ku e nifikashon di e palabranan ta ser komprondé mihó komo nan uso den un spesifiko 'wega di idioma'.
Nasí na Viena den un di e famianan mas riku di Oropa, el a hereda un fortuna di su tata na 1913. Promé ku Guera Mundial I, "el a hasi un legado finansiero generoso na un grupo di poeta i artista skohé entre artistanan den nesesidat pa Ludwig von Ficker, e editor di 'Der Brenner'. Entre nan tabata fiha Trakl, Rainer Maria Rilke i arkitekto Adolf Loos."[2] Mas laat, den un periodo di depreshon personal severo despues di Guera Mundial I, el a duna e resto di su fortuna na su rumannan.[3][4] Tres di su kuater ruman hòmber mayó a muri a kousa di suisidio, den aktonan separá. Wittgenstein a bandoná e akademia diferente biaha: el a sirbi komo ofisial na e liña di frontera durante Guera Mundial I, kaminda el a wòrdu kondekorá varios biaha pa su kurashi; dunando les na skolnan den pueblonan remoto di Austria, kaminda el a topa ku kontroversia pa e uso di kastigu korporal tin biaha violento riba mucha muhé i un mucha hòmber (e insidente di Haidbauer) spesialmente durante klasnan di matemátika; trahando durante Guera Mundial II komo portero den un hospital na London, i trahando komo tékniko di laboratorio na Royal Victoria Infirmary Hospital na Newcastle-upon-Tyne. Despues el a ekspresá remordimentu pa e insidentenan aki, i a pasa e resto di su bida dunando les i hasiendo esfuerzo pa prepará un di dos manuskrito pa publikashon, ku tabatin gran influensia ora el a sali publiká póstumamente komo E Investigashonnan Filosófiko.
Referensia
|