Jump to content

Frido Croes

Di Wikipedia, e ensiklopedia liber
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Frido Croes
Pais di nashonalidatReino Hulandes Editá
Nòmber di dilantiFrancisco Editá
FamCroes Editá
Fecha di nasementu3 desèmber 1957 Editá
Lugá di nasementuAruba Editá
Fecha di fayesimentu9 òktober 2020 Editá
Lugá di fayesimentuHulanda Editá
Okupashonpolitiko Editá
Funshonmiembro di Parlamento di Aruba, miembro di Parlamento di Aruba, minister plenipotenciario di Aruba Editá
Partido polítikoMovimiento Electoral di Pueblo Editá

Francisco Walfrido (Frido) Croes (☆ 3 di december 1957 na Aruba - † 9 di october 2020 na Hulanda) tabata un politico Arubano. E tabata minister di Enseñansa di Aruba (2004-2005) y minister plenipotenciario di Aruba na Den Haag (2005-2009).[1] Previamente e tabata presidente di parlamento di Aruba (2001-2004).

Biografia

[editá | editá fuente]

Croes a studia despues di a logra su havo-diploma pa maestro na e Academia Pedagogico Arubano (IPA). Despues di a termina su estudio Croes a traha como maestro na Colegio San Hose na Santa Cruz pa dies aña. Durante e último cuater añanan cu el a traha aya, el a sirbi tambe como cabesante interino di e scol. Entre 1994 y 2001 el a traha como funcionario intermediario 'enseñansa publico' na direccion di Enseñansa.

Na 1988 Croes a bira miembro di partido Movimiento Electoral di Pueblo (MEP). El a debuta na aña 1989 como candidato nr.16 riba lista y a participa tambe den eleccion na 1993 (nr. 13), 1994 (nr. 12), 1997 (nr. 10) y 2001 (nr. 11). Un di su lemanan popular den su campaña politico tabata “Mas y mihor enseñansa”. For di 1989 te ku 1994 e tabata miembro di parlamento di Aruba. Den e periodo 1993-1994 e tabata tambe vicepresidente di e parlamento aki. Na 2001 Croes ta bolbe como parlamentario y ta wordo elegi presidente di parlamento di Aruba[2], funcion cu el a ocupa te 2004 ora el a bira minister di Enseñansa y Asuntonan Administrativo, reemplasando Fredis Refunjol despues di su nombramento como gobernador di Aruba.

Entre 2005 y 2009, durante di gabinete Oduber IV, Croes tabata minister plenipotenciario di Aruba na Hulanda.[3] Despues di su retiro, el a cera su carera politico.

Frido Croes tabata casa cu Lourdes Figaroa y tin dos yiu.[4] Durante algun tempo e tabata sufri di un malesa, a causa di cual el a fayece dia 9 di october 2020 na Hulanda na edad di 62 aña.

For di "https://pap.wikipedia.org/w/index.php?title=Frido_Croes&oldid=126906"