Costa Rica
Costa Rica República de Costa Rica | ||
---|---|---|
Himno: Noble patria, tu hermosa bandera | ||
![]() | ||
Informacion basico | ||
Idioma oficial | Spaño | |
Capital | San José | |
Forma di gobernacion | Demokrasia konstitushonal | |
Soberania | Independiente | |
Establecimento di soberania
Independensia di Spaña | ||
Cabesante di estado
Presidente Carlos Alvarado
prome visepresidente Epsy Campbell Barr segundo visepresidente Marvin Rodríguez | ||
Geografia | ||
Area | 51,100 (0.7% awa) | |
Coordinatonan | 10°N 84°W / 10°N 84°W | |
Demografia | ||
Populacion | 5.044.197 (2022) | |
Densidad | 98.7 hab/km² | |
Speransa di bida | 79,831 aña | |
Otro informacion | ||
Moneda | Colón (CRC )
| |
UTC | -6 | |
Web | Tel. | .cr | ++509
| |
Mapa detaya di Costa Rica | ||
![]() | ||
[Edita Wikidata] · [Manual] |
![](http://upload.wikimedia.org/wikipedia/commons/thumb/2/2e/LocationCostaRica.svg/310px-LocationCostaRica.svg.png)
Costa Rica, ofisialmente Repúblika di Costa Rica (na spaño República de Costa Rica, ta un pais na Amérika Sentral, ku ta grens na Nicaragua parti nort, i Panama na parti ost i suit, e Oséano Pasífiko na west i sùit i Laman Karibe na parti ost.
E nòmber Costa Rica, kemen "Kosta Riku", konstitushonalmente e pais a aboli su forsa militar permanentemente na 1949. E ta e úniko pais di Amerika Latino ku ta inklui den e lista di 22 demokrasia mas bieu na mundu. Costa Rica ta un di e top paisnan di Amerika Latino segun su Human Development Index (HDI), i ta di 54 na mundu den 2007. E pais ta di 3 na mundu i promé den Merka den 2010 su Environmental Performance Index.
Na 2007 e gobièrnu di Costa Rica a anunsia planonan pa Costa Rica bira e prome pais Neutral di Karbon pa 2021. Segun e New Economics Foundation, Costa Rica ta keda promé di e Happy Planet Index anto e ta e pais mas "bèrdè" na mundu.
Historia
[editá | editá fuente]Era pre-kolombiano
[editá | editá fuente]![](http://upload.wikimedia.org/wikipedia/commons/thumb/a/ae/Pre-Columbian_incense_burner%2C_Costa_Rica_%28Carlos_Museum%29.jpg/220px-Pre-Columbian_incense_burner%2C_Costa_Rica_%28Carlos_Museum%29.jpg)
Antropologonan a klasifiká e hendenan indigeno di Costa Rica komo esunnan di e área Intermediante, kaminda kulturanan mesoamerikano i andino a overlap. Mas resien, Costa Rica pre-kolombiano a wòrdu sikribi manera un parti di e region isthmo-kolombiano. E parti nortwest di e isla, e peninsula di Nicoya Peninsula, tabata e parti mas sùit di e kultura Nahuatl ora e spañonan a yega pa den siglo 16. E partinan sentral i sur tabata in influensia Chibcha.
E impakto di e hendenan indigeno riba kultura costarikeño ta relativamente chiki kompara ku otro paisnan di Latino Amerika, pasobra e pais no tabata tin un poblashon indigeno grandi pa kuminda kune anto kasi tur di nan a muri di malesa ku a woru tresé dor di e oropeonan, manera Influenza i smallpox of otro forma di maltrato dor di e kolonistanan spaño. E poblashon nativo ku a sobra a wordu absorba den e sosiedat spaño kolonial. Tin algun ekspeshon un di nan ta e tribunan di Bribri anto Boruca ku te ahinda ta biba den e serunan di Cordillera de Talamanca, na e parti sur di Costa Rica, banda di e grens ku Panama.
Kolonisashon spaño
[editá | editá fuente]Durante mayoria di e periodo kolonial, Costa Rica tabata e proviensia mas sur di e e Captanasia General di Guatemala, ku tabata nominalmente parti di Spaña Nobo (Mexico), pero ku tabata opera en grande komo un entidat autonomo den e Emperio Spaño. Costa Rica su distanisa for di e kapital na Guatemala, su prohibishon legal bou di lei spaño pa hasi komersio ku si bisiñanan na Panama e ora ei bou di e Viceroyalidat di Nueva Granada (Colombia), anto e echo ku no tabata tin hopi rekurso manera Oro ku Plata, a hasi Costa Rica den un luga pober, isolá, anto poko habitá den e Emperio Spaño. Costa Rica a wordy deskribi komo "E kolonia spaño di mas pober i miserabel den Amerika" dor di un gobernador spaño na 1719.
Un otro faktor importante tras di Costa Rica su pobresa tabata e falta di un poblashon indigeno signifikante pa hasi trabou forsá, ku kemen ku mayoria di e hendenan prome na Costa Rica mester a traha riba nan mes tera, preveniendo e establesementu di hacienda grandi. Pa tur e rasonan aki Costa Rica tabata hopi menospresia dor di e Korona spaño anto e la keda pa desaroya riba su mes. E ta kere ku e sirkumstansianan aki durante e periodo aki a hasi effeto riba hopi di e idiologianan ku Costa Rica ta wordu rekonose p'e , anto e a pone ku Costa Rica a bira un sociedat mas honesto ku su bisiñanan. Costa Rica a bira un "demokrasia agrikultural" ku niun klase indigeno of mestizo opresá. Tabata largu prome ku bibantenan a bai den e serunan anto a haña tera volkaniko anto un klima mas suave ku esun di kantu di laman.
Independensia
[editá | editá fuente]Manera sobra di Amerika Sentral, Costa Rica nunka no a bringa pa su independensia di Spaña. Riba 15 di sèptèmber 1821, despues di e perdida final di Spaña kontra Mexico den e Guera Mehikano di Independensia (1810-1821), e outoridatnan na Guatemala a deklara independensia pa henter Amerika Sentral. E dia ei te ainda ta wòrdu selebra komo Dia di Independensia na Costa Rica, asta si en realidat bou di e konstitushon spaño i 1812 ku a wòrdu re-adopta na 1820, Nicaragua i Costa Rica a bira un provinsia outonomo ku su kapital na León.
Manera otro nashonan Sentro Merikano Costa Rica a konsidera aneksashon den e promé Emperio mehikano di Agustín de Iturbide, pero despues di poko tempu e la kolapsá na 1823, i Costa Rica a bira un provinsia di e Repúblika Federal di Sentro Amerika, ku a eksisti teoretikamente di 1823 pa 1839, pero ku e ehersita un outoridat maha los riba su provinsianan kostituente, partikularmente e pober i remoto Costa Rica. Na 1824, e kaptal di Costa Rica a move bai San José, ku e krea un periodo kortiku di violensia riba e rivalnan di e kapital bieu, Cartago. Mientras ku e guera sivil a kuminsa na kasi tur provinsia di e Repúblika Federal di Sentro Amerika i entre faktornan politiko den e provinsianan individual, Costa Rica a keda relativamente na pas.
![](http://upload.wikimedia.org/wikipedia/commons/thumb/2/2f/First_postal_stamp_CR_4_Reales_1863.jpg/170px-First_postal_stamp_CR_4_Reales_1863.jpg)
Na 1838, masha tempu despues ku e Repúblika Federal di Sentro Amerika a stop di funshona den praktika, Costa Rica a formalmente kita i a proklama su mes independiente. E distansia konsiderabel i e rutanan di komunikashon pober entre siudat di Guatemala i e plateau sentral, unda mayoria hende tabata habita i ainda mayoria di e poblashon ta bibá, a nifika ku e poblashon lokal tabata tin muchu tiki konekshon ku e gobirnu federal na Guatemala. For di tempu kolonial te ku awendia, Costa Rica su separashon for di resto di Sentro Amerika ta un obstakulo grandi den purba di haña mas integrashon regional na Sentro Amerika.
Kresementu Ekonomiko
[editá | editá fuente]Kofi a wordu plantá na Costa Rica den e parti prome di siglo 19 anto e la wordu exporta na oropa pa prome biaha na 1843, masha lihe e la bira Costa Rica su prome exportashon mayor. Produskshon di kofi lo keda Costa Rica su medio di ganashi prinsipal te ku hopi lat den siglo 20. Mayoria di e kofi tabata wordu krese i exporta ront di e sentronan grandi di poblashon den e plateau sentral anto o orei transporta ku ossenkart na e puerto pasifiko di Puntarenas, Costa Rica. Pasobra e mayoria di e kifi tabata bai na oropa, e la bira mas i mas importante pa traha un ruta di transporte pa bai Oceano Atlantiko. Pa e rason ei, na e añanan 1870' e gobièrnu di Costa Rica a kontrata ku komersiante di merka Minor C. Keith pa traha un kaminda di rails pa bai e puerto karibense di Limón. Aunke tabata tin difikultat enorme ku konstukshon, malesanan, i finansia, e kaminda di rails a wordu kabá na 1890. Mayoria di afro-costarikeño, ku ta konstitui ongeveer 3% di e poblashon, ta desediente di immigrantenan jamaikiño ku a traha riba e konstrukshon di e rails nan ei. Konviktonan merikano i imigrantenan chines tambe a partisipa den e proyecto aki. Na kambio di traha e railsnan, e gobièrnu di Costa Rica a duna Keith pidanan grandi di tera anto lease banda di e ruta, ku e la husa komo un plantashi di bakoba i el a eksportanan na Merka. Komo resultado si esei bakoba a bini ta un rival di kofi komo e eksportashon prinsipal di Costa Rica, mientras kompanianan di afó (inkluyendo United Fruit Company) a kuminsa haña un rol grandi den e ekonomia nashonal.
Siglo 20
[editá | editá fuente]Historikamente, Costa Rica generalmente a disfruta di hopi pas i un stabilidat polítiko hopi grandi kompara ku hopi otro nashonan Latino Merikano. For di làt den siglo 19, Costa Rica toch a sinti dos periodo signifikante di violensia. Na 1917–19, General Federico Tinoco Granados a manda komo un diktador militar te ora e a wòrdu kita anto forsa pa abondona e pais. E inpopularidat di Tinoco su regime a hasi ku, depues ku e la wòrdu kita, e forsa militar di Costa Rica a baha signifikantemente den grandura, rikesa, i influensia politiko. Na 1948, José Figueres Ferrer a kuminda un revolte armá dor di un elekshon presidensial ku a bai malu. Ku mas ku 2,000 hende morto, e guera sivil Costarikeño tabata e evento mas mortal den Costa Rica durante e siglo 20. E rebeldenan viktorioso a forma un gobièrnu junta ku a aboli e forsa militar tur hunta anto a traha un nobo konstitushon dor di un asamblea demokratikamente skohi. Ora nan a hasi e reformanan aki e junta a duna nan poder na 8 di November 1949, na e gobièrnu nobo demokratikamente skohí. Despues di e coup d'état, Figueres a bira un heroé nashonal, ganado e pais su prome eleksonan demokratiko bou di e nobo konstitushon na 1953. For di e ora ei, Costa Rica a tene 13 elekshon presidensial, esun mas resien na 2010. Tur di nan tabata regarda komo sin violensia i transparente.
Geografia
[editá | editá fuente]![](http://upload.wikimedia.org/wikipedia/commons/thumb/8/85/Isla_del_Coco-chatham_beach.jpg/220px-Isla_del_Coco-chatham_beach.jpg)
Costa Rica ta situa na e isthmus, sentro merikano na 10° Nort di e equator anto 84° West di Meridian Primo. E a grens ku Laman Karibe (na parti òst) anto e Oceano Pasifiko (na parti west), ku un total di 1,290 km di kosta, 212 km di dje na Laman Karibe anto 1,016 na esun Pasifiko.
Costa Rica tambe ta grens Nicaragua na parti nort un grens di 309 km anto Panama na parti suit-suitost 639 km di grens. Na total Costa Rica tin un area di 51,100 kilometer kuadrado plus 589 kilometer kuadrado di awanan teritorial.
E punto di mas haltu ta Cerro Chirripó, na 3,819 metre, anto e ta e seru di 5 mas haltu na Sentro Amerika. E volkan di mas haltu ta e Vulan Irazú ku 3431 meter di haltura . E lago di mas grandi na Costa Rica ta Lago Arenal.
Costa Rica tambe ta komprimi di un par di isla, Isla del Coco 24km2 ta apart pa su distansia di e pais situa masha leu mes de Oceano Pasifiko 480 km for di Puntarenas, pero Isla Calero ta esun di mas grandi den e pais ku 151.6 km2. Costa Rica ta protekta 23% di su teritoria ku su systema di areanan di protekson. Tambe e tin e desidat mas grandi di espesie na mundu.
Klima
[editá | editá fuente]Pasobra Costa Rica ta keda entre nuebe pa dies grado nort di e equator e temperatura ta tropikal henter aña. Toch e pais di hopi mikroklima dependiente di kon haltu bo ta, kuantu awaseru ta kai, topografiá, anto geografiá di e region. Costa Rica su seizoennan ta defini dor di kuantu awaseru ta kai durante un periodo anto no e kuater seizoennan den e Hemisferio norte. E aña por wordu dividi den dos periodo, e seizoen seku, konosi lokalmenta komo "zomer" anto esun muha konosi komo "winter". E parti "zomer" of temporada di sekura ta bai di Dezember pa April, anto Winter of temporada di awaseru di mei pa november, ku ta inklui e Temporada di Orkan, anto durante e tempo aki awaseru por kai konstantemente den un par di region. E lokashon ku ta risibi mas tantu awaseru ta e parti Karibense di e serunan Cordillera Central , ku un kaida anual di mas ku 5,00 mm. Humedat tambe ta mas haltu riba e banda karibense kompara ku e banda pasifiko. E temperatura anual riba e kostanan ta ront di 26.7 °C, i 20.6 °C den e areanan mas pobla di e Cordilera Central, anto bou di 10 °C riba e topnan di e serunan mas haltu.
Gobièrnu
[editá | editá fuente]![](http://upload.wikimedia.org/wikipedia/commons/thumb/4/4a/Chinchilla_Adelante.jpg/220px-Chinchilla_Adelante.jpg)
Costa Rica ta un repúblika demokrátiko ku un konstitushon fuerte. E pais tabata tin a lo menos 59 aña di demokrasia continua, hasiendo e den un di e paisnan mas stabil den e region, i e úniko pais Latino Merikano ku ta inklui riba e lista di e mundu su 22 demokrasianan mas bieu for di porlomenos 1950. Costa Rica por a preveni e violensia grandi ku a plaga mayoria di Amerika Latino.
Costa Rica ta un repúblika ku tres poder: responsabilidat ehekutivo ta vesta serka e presidente, poder legislativo ta keda serka e Asamblea Legislativo, i poder hudisial ta keda serka e korte supremo. Tin dos vise-presidente i tambe un kabinete disginá pa e presidente. E presidente, vise-presidentenan, anto 57 miembronan di e Assemblidat Legislativo ta wordu ellekta riba termanan di kuater aña. Un ammandamento konstitushonal aprobá na 1969 ta limita presidente i legislativonan na un termino, pero deligativonan por kore atrobe pa un luga den e asamblea ora nan a keda sinta un termino.
E kuerpo elektoral supremo, e ofisina di e comptrolado general, e ofisina di e Prokurador General di e repúblika, anto e ofisina di e ombudsman tambe ta disfruta di hopi independensia.
E korte supremo ta dividi den kuater kamber, uno atendiendo ku lei konstitushonal, uno atendiendo ku lei kriminal i dos ku lei sivil, lei merkantil anto otro.
Na april 2003, e prohibishon di e amienda konstitushonal tokante re-elekshon presidensial a wòrdu kambia bek, pa permiti Óscar Arias (ganado di Premio Nobel di Pas, 1987) pa kore pa presidente pa un di dos biaha. Na 2007 Óscar Arias a wordu elekta den un elekshon krap i hopi kontesta kontra minister di ekonomia formal Ottón Solís, koriendo riba un plataforma pa permiti komersio liber. E la wordu suksidi dor di Laura Chinchilla ku a gana e elekshon di 7 di februari 2010, anto a tuma ofisina na 8 di mei 2010. E tambe ta di e partido Liberashon Nashonal i ta e prome hende muhe elegi komo presidente na Costa Rica.
Provincia, canton, i distrikto
[editá | editá fuente]![](http://upload.wikimedia.org/wikipedia/commons/thumb/0/00/Provinces_Costa_Rica.png/250px-Provinces_Costa_Rica.png)
Costa Rica ta konsisti di 7 provinsia, ku tambe ta dividi den 81 canton ("cantón" na Spaño, plural "cantones"), kada un di nan ta bou direkshon di un alkalde. Alkaldenan ta skohi demokratikamente kada kuater aña dor di e canton su hendenan. No tin legislatura provinsial. E cantonan ta dividi den distrikto (distritos). E provinsianan ta: