Wikipèdia:Introduccion
Vesètz l'onglet « editar » en naut de cada article ? En clicant sus aqueste onglet, podètz editar (es a dire "modificar") un article de Wikipèdia quand o desiratz, que siatz inscrich o pas.
Wikipèdia, qu'es aquò ?
[Modificar lo còdi]Wikipèdia es una enciclopèdia liura, gratuita e multilinga que sètz invitat a i participar. Escriure un article o ne crear un novèl es tecnicament fòrça aisit e rapid. Vòstras modificacions seràn instantanèament visiblas e d'autres Wikipedians vendràn verificar vòstra modificacion. Aqueste tipe de sit web cooperatiu es apelat un wiki.
Cossí pòt marchar aquò ?
[Modificar lo còdi]Un fum d'internautas son de longa a melhorar la Wikipèdia occitanofòna, en far de centenats de cambiaments per ora ; atal, aquesta enciclopèdia ven pus vasta, pus complèta e pus precisa cada jorn.
Totes los cambiaments d'un article son recensats sus una pagina d'istoric e sus la pagina de las modificacions recentas. Es totjorn possible de tornar a una anciana version d'un article e las contribucions inutilas o nosiblas son en general retiradas lèu.
Cossí podètz ajudar ?
[Modificar lo còdi]Abans tot, siatz audacioses e començatz de contribuir tre ara ! La simpla correccion d'una fauta d'ortografia es una contribucion utila e apreciada. Cadun pòt participar. Subretot, ajatz pas paur de far petar Wikipèdia o d'ajustar de contengut que siá inapropriat : se mestièr fa, de contributors pus experimentats seràn aquí per adobar e per vos ajudar.
Perqué se crear un nom d'utilizaire ?
[Modificar lo còdi]Totòm pòt contribuir a Wikipèdia, quitament los utilizaires anonimes, mas la majoritat dels contributors an decidit de se crear un nom d'utilizaire pròpri. Perqué o far ? I a d'avantatges evidents : quand seretz un utilizaire enregistrat, vòstras contribucions seràn reconegudas de totes, poiretz participar a las decisions, auretz una pagina personala...
Per vos crear un compte, clicatz sus Crear un compte o se connectar. Quand serà fach, apareisseretz sul Jornal dels novèls venguts.
Fasètz sulcòp la vòstra primièra edicion :
[Modificar lo còdi]Per editar un article :
- clicatz sus l'onglet « editar » (es a dire "modificar") qu'es en naut de la pagina ; una fenèstra se dobrís (la fenèstra d'edicion)
- picatz vòstras modificacions dins la fenèstra d'edicion
- clicatz sus l'onglet « Previsualizacion » qu'es al dejós de la fenèstra d'edicion per verificar se vòstra modificacion vos satisfà ; podètz contunhar (s'es necessari) las modificacions e las previsualizacions
- clicatz enfin sus l'onglet « Salvagardar » (es a dire "enregistrar") qu'es al dejós de la fenèstra d'edicion
Una pagina es prevista especialament per los que se vòlon familiarizar amb lo sistèma de modificacion d'articles de Wikipèdia ; es lo nauc de sabla : i podètz far totes vòstres ensages.