Puègdanièl

Vilatge d'Occitània

Puègdanièl Puydaniel
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La glèisa al fons
Armas
Geografia fisica
Coordenadas	43° 20′ 13″ N, 1° 26′ 00″ E
Superfícia	7,38 km²
Altituds  · Maximala  · Mejana  · Minimala	322 m 230 m 187 m
Geografia politica
País	Lengadòc
Parçan	Volvèstre
Estat	França
Region 76	Occitània, ancianament de Miègjorn-Pirenèus
Departament 31	Nauta Garona
Arrondiment 311	Murèth
Canton 3103	Autariba
Intercom 243100542	Comunautat de comunas del districte de la Val d'Arièja
Cònsol	Jean-Claude Blanc (2014-2020)
Geografia umana
Populacion Populacion totala (2018)	535 ab. Evolucion de la populacion 543 ab.
Densitat	60,03 ab./km²
Autras informacions
Gentilici	Puydaniélains en francés
Còde postal	31190
Còde INSEE	31442

Puègdanièl (Puydaniel en francés) es una comuna lengadociana istoricament, benlèu gascona lingüisticament, situada dins le departament de la Nauta Garona e de la region d'Occitània, ancianament de Miègjorn-Pirenèus.

Geografia

Puègdanièl se situa a 30 km al Sud de Tolosa, dins son airal urban e a 15 km al Sud-Èst de Murèth. Es un pichon vilatge de prèp de 400 abitants que domina la val d'Arièja, a 230 m d'altitud, sul tèrme de la primièra laissa que susplomba la plana alluviala. Los ostals s'implantan uèi alentorn, sul planòl de la laissa, la costièra o la planura d'Arièja qu'es a prèp de 185 m d'altitud. La pichona rota departamentala Saverdun-Murèth seguís lo bòrd inferior de la laissa; la circulacion i es plan importanta. Pasmens, la partida del vilatge situada sul planòl gausís de calme e d'una bèla exposicion. Lo territòri de la comuna s'espandís doncas a l'encòp sus la planura d'Arièja e sus las costièras del Volvèstre doncas lo relèu compòrta una partida plana (laissa) e una granda partida penjada, sovent cobèrta de bosques ont lo garric domina.

Istòria

L'origina del nom del vilatge ven del sègle X ont un abat de Lesat nomenat Daniel n'èra lo possessor. A l'Edat Mejana, sul territòri del vilatge i aviá tres glèisas e una capèla del camps bastida sul pichon relèu dich "La Mòta". Al sègle XV, Puègdanièl èra de l'ostal del Montauts, al sègle XVII e XVIII, a la familha Brettes de Turin. La parròquia èra dependenta de la diocèsi de Rius. La glèisa parroquiala de Sant Blasi, (Monument istoric), amb un campanar-mur bordat de doas torretas agudas ne fasiá un pòrt majestuós. Coma fòrça glèisas de la region, foguèt destruida pendent las guèrras de religion e tornèt èsser bastida al sègle XVII. Demòran de l'epòca lo mèstre altar, un retable de fusta ornat e una campana.

Pendent l'Ancian Regime, Puègdanièl èra de la diocèsi civila de Tolosa, doncas de la província de Lengadòc, de la generalitat de Tolosa, de la diocèsi de Rius e de la senescauciá de Tolosa. Le vocable de la glèisa es Sent Blasi. En 1790, Puègdanièl èra del canton de Saint-Sulpice-Lezadois (Sent Somplesi), en l'an VIII del canton d'Autariba .

Administracion

Lista deus cònsols successius

Periòde		Identitat	Etiqueta	Qualitat
març 2008	2020	Jean-Claude Blanc		emplegat
març 2001	2008	Bernard Malaret
	2001
Totas las donadas non son pas encara conegudas.

Demografia

Evolucion demografica Populacion comunala actuala (2013): 443, totala: 448
1962	1968	1975	1982	1990	1999	2006	2007	2008
180	192	231	273	294	318	369	385	393 393
2009	2010
397 402	408 413
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Economia

Puègdanièl que l'economia es subretot basada sus l'agricultura, i a una bèla escòla bordada per un espaci de jòcs amb terren de tennis e una granda sala de las fèstas, de camins d'excurcion.

Lòcs e monuments

• Glèisa de Sant Joan e Sant Blasi: monument istoric dempuèi 1971

Personas ligadas a la comuna

• Casimir Barrière-Flavy

Vejatz tanben

Ligams extèrnes

Aquesta seccion es voida, pas pro detalhada o incompleta. Vòstra ajuda es benvenguda !